本帖最後由 軒仔 於 2017-12-31 17:46 編輯
DIH 發表於 2017-12-31 16:29
如果鑽石山有得搭機鐵，一程車30分鐘直達，有冇in-town check-in我都肯畀$100一位，反正而家三個人搭的士 ...
的確九龍同青衣既區位方便唔到新界/九龍區本地乘客
所以ael都有搞緊的士轉乘半價(一車的士5人都有半價),應該係想開拓鄰近地區客源 其實算幾著數
如果人多例如一家大細, 一程的士一程機鐵我諗都相對划算同方便, 當然一程的士對偏遠的旅客一定最快便, ael唯有用的士半價招徠
但用既人其實唔係真係好多, 可能係宣傳唔夠, 有d客直程係的士司機同佢講先知有轉乘半價
本帖最後由 DIH 於 2017-12-31 18:24 編輯
軒仔 發表於 2017-12-31 17:40
的確九龍同青衣既區位方便唔到新界/九龍區本地乘客
所以ael都有搞緊的士轉乘半價(一車的士5人都有半價),應 ...
計下數：
假設由鑽石山往機場，每名乘客有一件行李。
的士車資計算參考：https://hk.taxideco.net/zh-tw
乘客人數全程的士平均價九龍站轉平均價青衣站轉平均價
1256.3147.9150.8
2131.2102.094.7
389.486.675.9
468.679.066.6
556.174.461.0
由以上可見，的士轉機鐵只對一兩人出行較為吸引，三人開始分野不明顯，五人更係全程搭的士最抵。
此外，的士轉機鐵亦要時間，價宜了的車資對三人以上團體可謂完全無吸引力，一兩個人不如搭巴士。
好多謝你提供一些業內意見，但本地客去機場最講求時間效率，的士轉機鐵半價冇乜人用係有數得計。
機場快線唯一會有得平就係帶住細路。
DIH 發表於 2017-12-31 18:20
計下數：
假設由鑽石山往機場，每名乘客有一件行李。
始終唔係度度都有機場巴士，對居於該些地方的居民而言，的士轉機鐵都不失為一個平衡價錢、速度同埋方便程度嘅選擇
我呢幾次去旅行都係搭的士去青衣轉機鐵，去青衣的士車費大約$60，加上半價機鐵車費後遠比直接搭的士去機場超過200元車費便宜，而且唔會慢好多
青衣搭機鐵仲有二至四人同行票，如果唔需要市區地鐵接駁，係抵玩嘅，有時仲有旅行社推廣，我試過去美x華網上訂，喺青衣舖攞領券，再去機鐵站換票上車。其實佢有多種車票方案選擇，最緊要配合自己行程同伴，咁就可以用更低於拍八達通價。由青衣上車大約20分鐘左右到機場，對於拖住大行李已經有一定吸引力，當然每個人有自己行程喜好，邊種交通最就腳應該係首要因素。
DIH 發表於 2017-12-31 16:29
如果鑽石山有得搭機鐵，一程車30分鐘直達，有冇in-town check-in我都肯畀$100一位，反正而家三個人搭的士 ...
不如趁住起動東九整條東九荃灣機場普鐵吧。香港條機場快鐵算係咁，試諗下例如上海果條用左磁浮注定很難伸延，跟住條普鐵仲要拆開出入機場果部分特登派較少卡數列車。
樓主個建議係好, 有"準急"列車俾中途站使用.
講到尾都係車費問題, 可以建立數學模型計算最有利的車資. (或者MTR已經計過,發現是冇肉食...)
本帖最後由 ky26042008 於 2018-1-2 01:50 編輯
cat666 發表於 2017-12-30 21:39
建議的收費模式只會混亂和多投訴。機鐵仲有市區預辧登機服務和酒店接駁巴士、成本來的。混合行車只會毀滅機 ...
東涌線機場特車既對象係本地居民 (尤其是機場員工), 唔係遊客, 為免搶機鐵生意, 我都講左大約一個鐘頭一班已經足夠 (前提係提供詳細既時間表),
雖然機場員工搭車有折, 但係轉黎轉去始終唔方便, 東涌線轉機場快線要上上落落, 極為不便,
而且票務系統都係頗為直覺既, 因為只有面向T2既月台加裝閘機, 東涌線只會開面向T2既車門, 乘客一落車就會睇到閘機,
機鐵就照舊開左右兩邊車門, 乘客可以選擇係T1落車 (無需出閘), 或T2落車 (需要出閘), 但係收費都係不變,
模式如下:
市區線入閘 > 機場出閘 = 東涌線收費
機鐵入閘 > 無出閘/ 機場出閘 = 機鐵收費
當然如果有人等下一班機鐵到站再穿過列車返回T1就當逃票處理即可, 佢張八達通因為冇出閘紀錄都唔可以再入閘
JH_LE4612 發表於 2017-12-31 10:39
認同，啲人覺得貴係因為佢地冇用盡 package嘅服務姐。而事實上如果將 package收費分拆嘅話，當齋搭車打個 ...
票價方面, 以南昌為例, 而家東涌線收$14.3, S1收$3.5, $14.3+3.5 = $18, A21收$33, 機鐵收$65,
如果價錢係大約$25 - $35, 大約係機鐵既一半, 相信乘客仍然係可以接受既
同樣以東京為例, 成田機場既JR有NEX (機場特急), 總武/ 成田線機場快速, 前者就係面向遊客, 後者就係面向本地人,
NEX普通車收3020 Yen, 成田線機場快速收1317 Yen, 大約係NEX既一半, 班次方面, NEX每小時約2班, 機場快速每小時1 - 2班,
ryulky 發表於 2018-1-1 11:46
樓主個建議係好, 有"準急"列車俾中途站使用.
講到尾都係車費問題, 可以建立數學模型計算最有利的車資. (或 ...
相信呢個係社會責任既問題, 九巴都要做一D"社會服務線", 如51, 53呢D, 點解港鐵一定要條條線大賺先得? 賣樓重唔夠?