坐位/企位收費
坐位/企位收同價，完全係唔合理。兩者係舒適度、體驗方面都唔一樣，收同價明顯係對企位客不公。
我建議巴士公司下次再申請加價時，只加坐位客價，唔加企位客價。
例如依家960/961位位收$20.8，下次九巴再申請加價時，企位客價維持$20.8。
至於點實行，以atenu/avbwu為例(高載車)，
巴士開車後，頭86個客收坐位價(唔計關愛座/優先座)，打後個D全部收企位價。
每架巴士嘅座位數量唔同而有唔同嘅計法。
至於區內線/流水線，全部不論坐位、企位一律收同價。
但我建議巴士公司以後買單層車時，唔好裝太多位。
最好車廂剩係後半部份高地台位擺凳，前半部份低地台區擺少少關愛座。然後全部企位。
咁嘅設計(企位單層車)好適合行一D短途區內線，因為如果車程短派雙層車D人未必肯行上樓上。
坐位/企位不同價，可以吸引D原本唔想企而等下班車嘅人上車。
仲有就係以後唔讓座都可以理直氣牀，因為俾坐位價坐凳係天經地義嘅事。
仲可以加強巴士嘅競爭力。 我搭車入錢㗎，咁我上車應該畀幾錢？如果好多人都係入錢，點計算到有幾多乘客？ 覺得唔公平你可以選擇唔上車 從來都冇迫乘客企過 唔係個個人搭車都一定想坐
企位座位唔同價 咁冇唒企位果時 被迫搭貴車又公平咩
譲座從來都係自願同關乎公民素質 樓主你宜家都可以理直氣壯架 唔敢咩?:lol
本帖最後由 香港黃毛小子 於 2018-1-19 20:56 編輯
HY1012 發表於 2018-1-19 19:38
我搭車入錢㗎，咁我上車應該畀幾錢？如果好多人都係入錢，點計算到有幾多乘客？ ...
係喎，呢個問題我忽略左。
唯一可行嘅方法就係喺上落車門裝紅外線感應器，計算上落車人數。
從而得出邊D人要俾坐位價/企位價。但呢個方法比較麻煩。
依家D紅巴都有紅外線感應器計算上落車人數，
所以我建議不如剩喺係紅巴喥搞先，其他舊車一律收同價。
當係一個過渡階段。
至於現金客，滿座後(唔包括關愛座/優先座)咪收企位價囉。
俾企位價係咪有位都唔俾坐？坐左又要補錢啦喎？咁按全程計定分段計？咁補錢又起身去返閘前補但係個位又俾人坐左咁點算？
頭86人，肯定個個都會坐？960到中環，肯定有坐位乘客下車，空位怎麼辦？是不是要計算乘客[（坐的時間*分鐘）+（企的時間*分鐘）]/（總時間）？ 本帖最後由 香港黃毛小子 於 2018-1-19 22:32 編輯
https://hk.mobi.yahoo.com/news/% ... %8F-222219988.html#
原來依家D巴士(九巴)已經開始陸續分批安裝紅外線感應器。
坐位/企位分開收費係技術上應該不成問題。
對於巴士公司黎講喺成本上唔會增加太多，反正就算唔搞都係會裝架la。
至於有人落車剩空凳咁點，咁咪俾D企位客坐囉。
反正長途線車程咁長，有排先至落客。就算落完客有位坐又坐得幾耐?
至於區內客劃一收費。
究竟一個腦去到咩智商先可以諗到呢D野??