本帖最後由 士刁拔尼．奧 於 2018-4-20 13:51 編輯
沙田馬鞍山朋友表示：應該叫馬屯線或馬門線以突顯沙田區的地位，屯門呢啲踩牛屎的地方點可以放響沙田之上？
沙田區議會應該學北海道北斗市議會咁，拗到北海道新幹線新函館駅變成新函館北斗駅以保自治區地位
士刁拔尼．奧 發表於 2018-4-20 13:43
沙田馬鞍山朋友表示：應該叫馬屯線...
我沒聽錯吧？馬臀線？;P
tonyng 發表於 2018-4-20 13:47
我沒聽錯吧？馬臀線？
對哦
錦上路站當年為定名係錦田定八鄉定係錦田八鄉或八鄉錦田而拗到兩個鄉反面咁滯，可見車站及綫路命名對一個地方何其重要
本帖最後由 DIH 於 2018-4-20 15:56 編輯
士刁拔尼．奧 發表於 2018-4-20 13:55
對哦
錦上路站當年為定名係錦田定八鄉定係錦田八鄉或八鄉錦田而拗到兩個鄉反面咁滯，可見車站及綫路命名 ...
所以我仍然認為東西／南北係最好的，經過太多區了。
東西走廊只有顯徑至采頤花園地底一段係西行向東／東行向西，唔知班高層有乜唔滿意。
叫屯馬，假設由啟德去荃灣西，關屯馬咩事？又會唔會有人以為係屯門公路馬拉松？:lol
用起訖地區命名鐵路線絕對正確，所以屯馬線其實改得好，既順口又夠意思，將來東鐵線應該要正名為「北港線」，代表鐵路由北區往港島區。
Handsome 發表於 2018-4-24 03:11
用起訖地區命名鐵路線絕對正確，所以屯馬線其實改得好，既順口又夠意思，將來東鐵線應該要正名為「北港線」 ...
北港線？北港島線的簡稱乎？
tonyng 發表於 2018-4-24 08:30
北港線？北港島線的簡稱乎？
去西貢北港
Handsome 發表於 2018-4-24 03:11
用起訖地區命名鐵路線絕對正確，所以屯馬線其實改得好，既順口又夠意思，將來東鐵線應該要正名為「北港線」 ...
將軍澳綫應該正名北寶康綫
觀塘綫應該正名北黃綫
荃灣綫應該正名荃中綫
港島綫應該正名堅灣綫
#曲
本帖最後由 mckhgc 於 2018-4-24 22:53 編輯
DIH 發表於 2018-4-20 15:54
所以我仍然認為東西／南北係最好的，經過太多區了。
東西走廊只有顯徑至采頤花園地底一段係西行向東／東行 ...
叫屯馬，假設由啟德去荃灣西，關屯馬咩事？
咁講好似好牽強
一條鐵路線有返咁上下長，如果用兩邊或其中一邊地區命名，就總有好多「關咩事」
車公廟去石門，關馬鞍山咩事？
石硤尾去樂富，關觀塘咩事？
荔枝角去太子，關荃灣咩事？
油塘去北角，關將軍澳咩事？
荔景去南昌，關東涌咩事？
咁真係得南港島線、港島線、老鼠線同機場快線係貼題，咦唔係喎，機場快線有早晨專線服務，青衣或九龍去中環(香港)，關機場咩事？:lol
至於點解唔用南北/東西？可能有以下原因：
1.欠代表性及獨特性，呢兩條線唔係唯一南北或東西走向既鐵路線，應該話，幾乎所有鐵路線既走向，大致上唔係南北就係東西。
2.中文的「東西」，除了方向外，亦含有另一個看似中性，但略帶貶義的意思。大家想想，以「東西」稱呼物品，是不是有點不太莊重且略帶輕褻？而對於貴重、重要的物品，亦似乎不會用「東西」稱呼。
3.為免混淆，因東西線成型後，大圍站及紅磡站，就會同時出現「東西線」及「東鐵線」，名稱太接近易混淆。但點解紅磡站同時有東鐵線同西鐵線，同樣只差一字又無問題？可能因為相差既係第一個字，「份量」不同吧！
不過即使如此，亦可提早將東鐵線改名南北線解決(即使未過海，改稱南北線亦不見得不貼提)。同埋水晶球問題：如果東鐵線同東涌線有交匯轉車站，咁又要點處理？:o
個人見解：
屯馬線未必最理想，但比東西線好。
東鐵線命名本身已有問題(又是九鐵的好事)，兩鐵合併時就應改稱「東北線」(西鐵應改稱「西北線」，取其「西北鐵路」項目名稱及主要服務「大西北」居民，東鐵改「東北線」是相對的叫法)，過海後，宜改稱「港深線」。「九廣線」就唔好喇，已經唔係九龍始發:lol。
不過對於鐵路公司，不論而家龜龜、定合併前既兩鐵，種種唔合理野，都唔好傷腦筋幫佢唸咁多點解同原因咯。
美孚站同九龍塘站既重覆月台編號問題、
荔枝角站牛頭角站柯士甸站太子站佐敦站炮台山站天后站彩虹站車公廟站第一城站等問題爭議站名、
當年東鐵九龍站改名紅磡站，但各站南行月台指示仍寫「往九龍」(總有人話此「九龍」係指「九龍」此一大區而非某個站，但又解釋唔到，點解北行又唔用同樣邏輯寫「往新界」)、
同樣架空露天站，點解西鐵有幕門，更新既馬鐵反而冇(但票價就西鐵等級) 、
(西港島線通車前)沒有四字及以上站名(咩電腦唔支援、車頭冇位寫.........;P)
.............
都討論過天文數字咁多次，但一直傾唔到合理解釋或結論，又如何？盞係唸到頭爆都唔知點解。
爭咩丫，溝埋叫「西鐵/馬鞍山綫」咪算囉！