炮台山慘北角唔慘（長話短說+集中討論）
本帖最後由 小早川優 於 2018-4-12 14:11 編輯見有版友就炮台山同北角嘅巴士服務問題嗌咗兩篇主題成百五六個posts，我想總結一下其實成件事嘅問題所在（非灌水離題文）：
1）首先，本人以及「反對北港島換綫」嘅立場，係將炮台山同北角視作兩個區，以糖水道為界，雖然北角道至糖水道嚴格嚟講屬北角區。
2）北角區係鐵路樞紐（港島綫、將軍澳綫、未來嘅北港島綫），又收糖水道上落橋嘅漁人之利，變相有大量巴士線只經北角而不經炮台山，所以交通方面北角已遠比炮台山優勝及有較多選擇。
3）假設北港島綫實施換綫方案（雖然諮詢結果傾向採用交匯方案，但一日未拍板都可以有變數），由炮台山前往天后以西、彌敦道及深水埗區需改用天后或北角站，現有（及再度削減後之）巴士服務並未能補償炮台山區對外交通之需求。
因此，炮台山嘅巴士服務不足先係問題所在。
歡迎討論 玩夠未
個個都話自己慘,又如何?
巴士公司永遠向錢看
邊度賺大錢就邊度多車
無錢賺?無競爭都HEA做 kay 發表於 2018-4-12 14:13
玩夠未
個個都話自己慘,又如何?
別忘記有區議會
如果肯定期派人數車數客兼ban一d奇怪建議
就不會比巴士公司咁樣過到骨
koneotis 發表於 2018-4-12 14:48
別忘記有區議會
如果肯定期派人數車數客兼ban一d奇怪建議
就不會比巴士公司咁樣過到骨
絕對同意
只要睇吓一站之隔嘅天后，有條日日吉車遊街蝕大錢仲要爭輸鐵路嘅西隧全日線，點解向錢看嘅巴士公司冇諗過幫佢做大手術，剩係識得建議係咁而九龍減一個站咁大把……:L
本帖最後由 小早川優 於 2018-4-12 16:09 編輯
kay 發表於 2018-4-12 14:13
玩夠未
個個都話自己慘,又如何?
方向正確，所以關鍵係究竟炮台山嘅人口同交通需求係咪真係低到地鐵同巴士都要雙雙削走該區交通服務。另一方面炮台山內嘅各個選區近二十年嚟都係由同一班人自動連任（加埋角逐連任時贏過一屆半屆咁大把），佢哋仲有咩誘因改善居民福祉？ 小早川優 發表於 2018-4-12 16:07
方向正確，所以關鍵係究竟炮台山嘅人口同交通需求係咪真係低到地鐵同巴士都要雙雙削走該區交通服務。另一 ...
申報: 本人所居住之地正是閣下所講炮台山同一班人自動連任...本來真係唔想再出聲(反正我最後都喺主topic講咗舊18筆帳慢慢計, 舊118果度倒番多幾車過102 -> 開112X又好102大幅度加班也好110真全日也好, 只要九巴月票繼續發售我已經係"抒完情"就唔會再大力批評另外果啲呢方面冇咁長進的巴士公司), 已經俾班友玩到啲topic亂哂坑; 而且另一衍生topic有人衰到已經唔再住炮台山但仲仍然要對炮台山指點江山仲要對本人人身攻擊, 呢度加夠30分唔過份了吧!
ahken 發表於 2018-4-12 18:23
申報: 本人所居住之地正是閣下所講炮台山同一班人自動連任...本來真係唔想再出聲(反正我最後都喺主topic ...
見有炮台山人入嚟，離題都要講吓：如果真係比龜鐵換倒綫，炮台山就真係玩完㗎啦！所以我同「反對北港島換綫」曾經喺諮詢期間質問有關部分會點樣就換綫為炮台山區提供替代交通服務，但未獲得正面回應。
北港島綫換綫後需補償及改善之交通服務：
1）炮台山來往金鐘至天后段軒尼詩道（灣仔東以西現為23所壟斷）
2）炮台山來往中上環（2班次過疏，有半條25）
3）炮台山來往上環以西（18/18P）
4）炮台山來往九龍彌敦道及深水埗區（110、102、112，無西隧特快）
5）炮台山來往南區（好多綫已改經東廊） 本帖最後由 ahken 於 2018-4-12 19:02 編輯
小早川優 發表於 2018-4-12 18:37
見有炮台山人入嚟，離題都要講吓：如果真係比龜鐵換倒綫，炮台山就真係玩完㗎啦！所以我同「反對北港島換 ...
我都深同感受(炮台山換線馬上玩完): 作為炮台山選區的北角人, 咁都被既得利益者圍住嚟人身攻擊真係冇眼睇; 而有一位要推我落海的人(我強調佢咁做係刑事恐嚇, 我隨時可以報警的)提過叫我用所謂"屎眼"睇清楚琴行街有幾多糖水道上橋的巴士用, sorry, 我唔係咁用得著囉其實(同埋琴行街上橋的所謂多條路線都唔係真全日線啦問心, 有啲咪又係得一兩班...), 我要行好遠下的(強調唔係話行唔到, 不過真係有距離囉):(
呢個正正係炮台山所處的尷尬位置, 糖水道上橋路線用唔著, 清風街天橋的路線又一年比一年少(主topic提過的20, 22, 80, 88呢? 晨早冇哂啦, 但我地都未出聲, 因為真係仲有舊18頂住), 萬一要搭地鐵本人都係多數去炮台山站出入但又可能(如同閣下所提及)以後要去到天后站或者北角站先可以過西九
其實舊18點解本人咁反對取消其實都係唔想又一條全日中環/灣碼直達炮台山的快線冇埋, 我主topic所提及過的"巴士謀殺事件簿"banner所掛的位置正正係本人居住之處以北直行), 而且果半條25我都一樣要行一大餐先至搭到...:(
所以我喺幾年前118重組後都有強烈支持北港島線如果儘快興建未嘗唔係一件好事(當然要係交匯方案先可以啦), 因為起完之後巴士公司生意下跌之後佢地先會諗點樣重組先至叫做"重組"而唔係以傾斜某區先至係正途囉
其實新巴當年要削既應該係 2 仔，而唔係 18, 起碼收貴 d, 啱晒巴士公司口味。如果 18 keep 番全日北角開去屈地街 10 分鐘一班，東行番北角既拆開做兩條線，一條行中環碼頭海皮，跟而家 2 仔咁行，另一條跟舊 18 咁行，各自 20 分鐘一班，唔知咁樣會唔會好 d d 呢？ Kitkit1120 發表於 2018-4-12 19:49
其實新巴當年要削既應該係 2 仔，而唔係 18, 起碼收貴 d, 啱晒巴士公司口味。如果 18 keep 番全日北角開去 ...
至於嘉亨灣，愛秩序灣一段出入筲箕灣電車路至天后，咁就可能要郁 18P 過黎替吓 2 仔既角色了。