10598C 發表於 2018-4-22 00:33
彩虹站都可以行過去紅萼樓嘅...都係多白虹樓幾步路啫...
坪石行去紅萼樓要落地鐵站，又要同入閘出閘的人逼在狹窄通道。
我試過搭91P坪石落車，以快步走速度行到紅萼樓都要8分鐘。若以平常步伐行過去需要11-12分鐘。
fokck 發表於 2018-4-22 00:01
我都估到你咁講，所以我已經響前一篇回文講左：
1. 92 特快線架車係出返 92 線，車頭果塊特快線停邊幾 ...
d客投訴去九巴定TD?如果係打去九巴投訴，球證、旁證、足協、足總、足委，全部都係九巴的人，根本無意思
你打去TD，九巴話開特車疏導人流，我諗TD唔單止唔會嘈，仲俾個叻叻去
另外，#2提議係違法，載客車程唔可以出私牌同熄牌，法例要求巴士出示路線編號同地點牌
其實好多線都有短棍，大量隧巴線都有同編號短棍，九巴大線都有飛站版短棍，有問題就一早ban左
同埋好似稽查或巴士公司授權人士批淮，就係車務調動?
本帖最後由 fokck 於 2018-4-22 02:12 編輯
nwfb23 發表於 2018-4-22 00:45
d客投訴去九巴定TD?如果係打去九巴投訴，球證、旁證、足協、足總、足委，全部都係九巴的人，根本無意思
...
我當然知道巴士公司好多唔會去到路線表上總站既短棍，或者有飛站既班次啦。
1. 巴士車頭有寫終點站係邊度，92 特快車車頭電牌係「彩虹站(特快) 92」，所以乘客預左部車去到彩虹就係總站，呢點無問題，並非我想討論既項目。
2. 巴士線開飛站班次，絕大多數都有乳豬紙寫出邊段時間邊班車飛邊度。
- 以215X 同 224X 為例，佢地淨係飛左「曲街」一個站，車頭有塊牌之餘，有出過乘客通告；乳豬紙，九巴網頁同九巴APP 有列明部份時段唔停曲街
- 類似例子仲有最近既 3B、5C 慈雲山方向不經「正暉樓」班次，一樣有曬通告，網頁有，九巴APP 有
- 98D 有朝早坑口開飛曬成個寶林直入將隧既特車，同樣地乳豬紙、九巴網頁同九巴APP 有曬特車幾點開同飛邊度
但 92 特快車，無出乘客通告，乳豬紙無寫，九巴網頁同九巴APP 都無出現，令特快車服務範圍以外既人好疑惑點解有呢d 車出黎，包括質疑係咪少左正線車。
仲有，敢問師兄九巴以至計埋新城，有幾多例子係有經常出現既特車，同正線行車路線極相似，但飛走中途絕大部份車站，而受影響分站乘客無從得知直至見到部車飛站？
九巴92 特快車出彩虹方向，飛走既站計有：翠塘花園、菠蘿輋、北港、大涌口、白沙臺、漁民新村、北圍、南邊圍、響鐘村、窩美、南圍、鄭植之中學、打鼓嶺新村、壁屋、白石窩、龍窩村、安達臣道、德望學校 同 彩雲邨 總共19 個站，而行車路線同正線大同小異喎！
我唔係經常搭92，開唔開特快車與我無尤，點解我提出呢個問題係因為最近有一次搭中特快車出彩虹，部車因為西貢公路假日例塞行車緩慢，去到菠蘿輋部車響巴士灣外塞住郁唔到，車站等車乘客走出去拍打上車門鬧緊點解飛站/無車搭；去到北港相同既事再發生，乘客對司機舉埋中指；之後部車行新西貢公路走，有兩個阿婆鬧個司機點解飛走南邊圍，一路騷擾住個司機直到壁屋。
九巴搞呢個92 特快車絕對係好事，但我想講既係佢既處理有好大改善空間，否則只會係4466 收投訴既員工同前線司機/站長吃苦。
就近幾個月, 西貢92特快已搬到普通92隔離坑, 開始改變一向[低調運作],明顯地吸引更多人坐.
真系吾明, 好多人話坐架92特快, 咪一樣塞車, 一樣系慢.... 甘你坐的士/小巴, 遇上塞車, 速度是否同一架不停站既巴士一樣呢?
另外等小巴大排長龍既時間又不用計算的??
假日下繁就算我坐普通92出九龍, 第一架就上到車, 有位坐, 隨時都快過你等小巴呢. 有有BBI 更加系credit.
另建議特快92早上入西貢提早到0800頭車, 0830 比較晏了.
kitarolo 發表於 2018-4-21 11:17
與其說是否得運吉批准
我認為是視乎有無人投訴
101同116都係出名多特車。
101有土瓜湾街市，木廠街往堅城特車。
九巴另外有特車由九龍灣廠私去淘大載去堅城。回程特車由大有或者中環街市起載。我記得101朝早有特車去中環街市。我做過113，有個字軌做完113之後去大有做101開下午4點。
116以前九巴大部分車會由祐民街起載，五個月前開始九巴執過116師傅表，大部分車唔上祐民街。去到北角或者SOGO調頭。
其實九巴仲有唔少過海路線有特車，希望有版友幫幫手。
nwfb23 發表於 2018-4-22 00:45
d客投訴去九巴定TD?如果係打去九巴投訴，球證、旁證、足協、足總、足委，全部都係九巴的人，根本無意思
...
我揾到之前做九巴113-1車飛單，113-1車彩虹取車後直接去淘大做101短途。
方便想開就開，方便隨時取消
10598C 發表於 2018-4-22 00:33
彩虹站都可以行過去紅萼樓嘅...都係多白虹樓幾步路啫...
方便掉頭，黃昏時段果d特快去彩虹既班次，你留意下就會發現系即系私翻入西貢...
本帖最後由 DIH 於 2018-4-23 09:39 編輯
fokck 發表於 2018-4-22 01:55
我當然知道巴士公司好多唔會去到路線表上總站既短棍，或者有飛站既班次啦。
1. 巴士車頭有寫終點站係邊 ...
最簡單就係乳豬紙同APP加一句「逢星期六、日及公眾假期，本線將視乎客量開出特快加班車，由鑽石山往西貢停XXX，由西貢往彩虹站停XXX，其他分站乘客請乘搭正常班次」。
另外講開正線車，想呻下，其實佢日日都開唔足，大約舊年10-11月開始，平日下繁由94直通的西貢往鑽石山17:42特車唔再開，慣性班次係17:15/17:35/17:55，日日去到菠蘿輋已留後，而朝早入西貢方向「7時台」都成日出現07:20/07:40/08:00（亦試過07:40之後後車返唔切要開08:10），兩個時段都係15分一班變20分一班，我向九巴投訴過，有回應、有一日數客有開足車出埋大車，但之後又故態復萌，我都明佢唔夠司機同埋塞車，我寧願佢索性寫20分一班好過而家咁昆人囉。
SMP 發表於 2018-4-22 03:01
就近幾個月, 西貢92特快已搬到普通92隔離坑, 開始改變一向[低調運作],明顯地吸引更多人坐.
真系吾明, 好多 ...
一直覺得普通車，同特快放唔同地方，無得叫兩飛，所以無人搭