深圳比亚迪 發表於 2018-4-28 23:54
這可以針對98C這些在美孚碌到旺角，再兜到九龍城才上一段短公路去寶達，就慢碌去寶琳
在美孚，可以搭地區 ...
你理想梗系好架，但現實唔會係囉
喂大佬，美孚返康翠本身一程車做一粒鐘都唔駛就返到去，而家我要搭車去美孚，再搭你龍翔道“特急線”，返到將軍澳再搭車上康翠
由一程變三程！？慳啲啦，我搭地鐵紅線、綠線、98A都只不過係三程咋，搭你架車又唔係特別犀利特別威，點解我要搭你啫，我搭地鐵唔好？
建議樓主參考一下首爾四色巴士系統
香港先唔會玩呢d野，老運咁懶，邊個有空propose d咁既大龍鳳...
鐵路只係行過對面月台都俾一啲巴士迷鬧到訓街，巴士轉兩次、甚至三次車咪暴動都似？奉勸樓主咪下下將強國果套放入香港喇。
幾個問題：
1. 跨公司轉乘
因為專營權問題，去某 d 地區需要轉對家線路，好難有大額轉乘。
2. 特急線
其實我唔覺得快好多，假設停少咗 5 個轉車站，我當節省咗 10 分鐘，因你班特急車都唔知開唔開到 10 分鐘一班。
3. 轉乘優惠
唔見得加轉車站再整特急班次同就咁加轉乘優惠有咩唔同。依家特快線未係慢到咁。
用返你個例子：
由荃威花園去港大，如果轉對家線有大額優惠，咁 39M -> 930X -> 970/970X/973 我唔覺得慢過愉景一站上公路好多。況且如果你要 set 個轉車站喺市中心，市中心另一面（今次係沙咀道東同海濱客過海）仲要搭回頭車去轉車站。
美孚返康翠，係咪整個 2X/42 -> 98C 優惠就得？先唔討論前兩條線算唔算快。將軍澳轉車站開埋我轉 796C/796X 到轉車站再轉又得。
4. 執區內客
長途線會無咗清區內客功用，區內線自然逼到爆。長途線運用剩餘載客力執起堆人，區內客可以叫幾飛有效率好多。例子：梨木樹落荃灣葵芳，我寧願開密條 48X 都好過倒堆客落 36。
5. 哲學問題
用區內線送人去轉車站同用長途線送人去轉車站轉車本質上有咩分別？點解唔連埋做一條線？
以屯轉為例，開條 60U 屯門站去屯轉加條 60M 屯轉出荃灣站，咁點解唔直接開依家嘅 60M？如果有長轉短途回贈優惠，咁唔係已經搞掂咩？
支持樓主建議，只要可以減少時間、車費同空載率嘅建議就係好建議，轉幾多程車鬼理。
深圳比亚迪 發表於 2018-4-28 23:44
深圳葵涌、黃貝嶺都算大型轉車站，但不設大額轉乘優惠
如果指定巴士線開少少中段站位就當係既話，成件事未必可靠。
試諗下例如：:$
民樂地鐵站巴士站能否穩陣地搭到高峰專線106(http://shenzhen.8684.cn/x_8b5a4380)北上？
石岩西部某處既一電科技巴士站能否穩陣地搭到E23(http://shenzhen.8684.cn/x_f9df03da)去龍崗？
福龍路沿線某處既龍軍花園巴士站(http://shenzhen.8684.cn/z_4ec62232)除左E18(http://shenzhen.8684.cn/x_cf4ec321)有幸用有企位既巴士勉強迫到上車但其餘果幾條巴士線上到車？
轉乘唔一定會變快
大多變慢
其實可以用類似維園年宵出面啲巴士站牌排法咁嚟將巴士線分類