我覺得相反做大啲轉車站會實際啲，好似美孚、旺角、九龍城等等
單係車費問題已經頭痛
假設小巴駁腳全部收 $4 一位
當 N271 收緊每位 $19.10，若新模式下，
佢可能縮短左變成 旺角道 - 大埔墟站
我由尖沙咀比 $4 過旺角，大埔墟又比 $4 返富亨
咁你估九巴會唔會肯用 $11.10 半夜載你由旺角入大埔??
如部分地方通宵交通需求足夠，「枝」可以交由巴士做。
市區部分地方深宵後依然有一定人流，應該足夠支撐一條巴士線運作。
currypig 發表於 2018-6-3 12:19
單係車費問題已經頭痛
假設小巴駁腳全部收 $4 一位
當 N271 收緊每位 $19.10，若新模式下，
調返轉班小巴又會唔會同你玩呢d 駁腳先
所以我覺得現時都可以應付到需求
但轉車可以做得好啲
例如係大型轉車站可以set 定時點
等線同線之間轉乘時間可以降到最低
半夜三更邊個想轉黎轉去，
巴士行主要地區做大流水，小巴做旺區直到住宅區點到點，
呢種模式先係最貼合通宵乘客既通勤習慣。
其實現時情況 凌晨 部份地區交通唔太方便既客都會擇搭落旺角轉車(的士以外)
eg:沙田出深水埗
凌晨要轉車其實都一路有人咁做..:o
通宵服務最好由政府營運,反正最慘個班都係半夜工作
依家炒起N241單野,就好多人話要點對點要快
早幾年N969單向坐多10分鐘車,個時D人又覺得無問題
kay 發表於 2018-6-3 13:59
通宵服務最好由政府營運,反正最慘個班都係半夜工作
依家炒起N241單野,就好多人話要點對點要快
邊個話無問題，呢單野區佬反對，城巴夾埋運吉間硬黎。
只不過居民無得揀硬食
N969當時有好大反對聲音，講緊50-55分鐘車程，變成78分鐘，甚至100分鐘，不過近年冇咩人再討論呢個問題
試過1點放工逼住要喺尖咀搭N281返屋企，真係好難受，過隧道站站有人落，兜到2046都唔使返屋企
都試過好多次2-3點由慈雲山返沙田，N216轉65S/N281都可接受
不過通宵時間，有得轉少一程車就轉少一程，真係好攰
亦明白特別3-4點需求真係極細，即使我要搭，兜路、轉車都唔緊要，起碼好過喺街呆等，站站飛都唔太慢
但客多時段，1-2點真係建議拆線，回應需求，例如考慮下N281->N81/N87，沙田、大圍一條，馬鞍山一條，N283真係唔吸引
要搞通宵巴士/小巴轉乘，我同意10598C，做轉車站好過，但要解決班次問題，跟N72/N90玩法係最理想，走一班車等30分鐘嘅話，我真係寧願行大運
我會諗，如果沙田通宵線統一用市中心做轉乘點，到市中心有定時點俾人轉車，俾乘客轉去唔同地方，各路線都唔使重複行，我覺得可以考慮
不過首先要喺多人時間拆線、提供點對點服務，開始少人時就用轉車模式
至於小巴駁腳，如果現時巴士服務開嘅地方就唔建議改小巴做，除非全用低地台小巴，否則輪椅客就會失去通宵服務；
如果小巴可以拓展新服務，例如：新田圍－新城市－火炭、穗禾一條線，然後駁巴士轉車站，原本無車嘅地方有車到，大家唔會反對