本帖最後由 michlui0718 於 2018-7-18 14:05 編輯
miklcct 發表於 2018-7-18 11:46
你都傻嘅。見啱路車就上先係最高效率嘅做法，外地某啲地方全市劃一收費兼有免費BBI就可以鼓勵咁做。
舉例 ...
劃一收費再加所謂完善既免費BBI根本唔適合香港
剩係短途線要加到長途價（甚至只係加三四蚊）肯定比好多人插到上天花板
更加唔好講新界長途線如果好似樓上咁減價差唔多一半所帶來的競爭問題（先別論巴士公司盈利）
港鐵票價同埋其他交通工具收費結構肯定要大執黎維繫市場穩定
而所謂優質免費BBI係現行巴士路線設計下，只會大幅延長巴士上落客時間
香港唔似外國城市道路設計咁平面＋縱橫交錯，好多地區只係一條主要幹道大量巴士途經
長途路線分分鐘要多三四個字時間就係浪費係排隊埋站兼上落客上面
好似你所講咁搭法唔洗等20分鐘一班307有車就上好似快左
你又有冇諗過如果條條線都有咁多轉車客上落，剩係兩個隧道轉車站上落等車既額外時間已經夠我乖乖等307？
唔好忘記仲要等前面堆車上落完先到你，埋站條車龍會有幾長有冇考慮過？
咁點解唔全部客都搭翻自己區路線，盡量減少隧道口轉車客，等個個都可以盡快一程過去目的地？
除非佢將相近既路線組合，將巴士路線定位由點對點，縮短成以接駁主要轉乘樞紐為主，從而大幅加密班次彌補上落車額外時間
不過即使佢免費轉乘，單單因為要轉車依樣野我相信會有好多人會寧願棄巴保鐵
不少路線相對鐵路有優勢係因為一程直達無須轉車，如果大家都要轉車，點解我唔搭鐵？
本帖最後由 eternalflame 於 2018-7-18 15:58 編輯
053h4 發表於 2018-7-18 13:48
講到尾, 香港人就係搵土生土長的香港人苯就叻
長者車費津貼補貼大部份勞碌一生的香港人, 或者用一個更簡 ...
長者現行個交通津貼已經叫鬆動，反而係鬆動到影響到其他使用者同埋庫房
亦助長左長者恃勢欺人、奉旨嘅生活態度
收緊限制亦係教育長者敬老亦需要顧及其他群體感受
況且倡議嘅劃一折扣或限制優惠時段
對長者影響真係咁大咩？
計percentage都係好嘅方法黎嘅。
或者區內短途線/流水線大啲優惠，特快/特別線個優惠細返啲
ky927 發表於 2018-7-18 14:13
計percentage都係好嘅方法黎嘅。
或者區內短途線/流水線大啲優惠，特快/特別線個優惠細返啲
當計算固定折扣率﹐例如 二五折﹐就會$8以下的路線就會比現時$2更平﹐換句話說最常用的區內線全部減價。
所以﹐唔需要特別為個別區內線/流水線加大優惠。
相反一些超長途線(eg. $20以上)﹐可以考慮加一個額外優惠 或 一個乘客支付的封頂金額。
053h4 發表於 2018-7-18 14:14
你吹大D啦, 明明係香港交通定價模式不合理, 把所有怨氣針對晒係某一群體上面
明明係成個香港公交模式有問 ...
唔好唔記得佢哋畀少咗嘅車錢係納税人埋單。
我喺深水埗過香港都特登行出尖沙咀搭下層船，就係想慳得幾多得幾多，點知轉個頭成堆老人搭西隧巴士由九龍去九龍，仲要笑騎騎咁話「橫掂都係兩蚊緊係搭貴車」，你話我嬲唔嬲？
你話我冷血又好乜都好，我天生就唔鐘意幫人，平時我連啲「慈善團體」都唔肯幫，又有乜理由焗住要我將辛苦慳返嚟嘅錢雙手奉上畀啲我唔在乎嘅人？
我相信資本主義；我眞係咁鐘意分享財富嘅，晨早搬咗去社會主義國家，留得喺度嘅，根本唔應該要畀人夾硬打劫。
053h4 發表於 2018-7-18 14:14
你吹大D啦, 明明係香港交通定價模式不合理, 把所有怨氣針對晒係某一群體上面
明明係成個香港公交模式有問 ...
整體交通政策問題同長者濫用兩者並不是互斥
而解決交通政策問題唔等於解決到長者濫用問題喎
053h4 發表於 2018-7-18 14:55
資本主義的核心, 就係通過稅收, 進行財富再分配, 而不是收入方面共你產
你鐘唔鐘意幫人, 關香港社會資本主 ...
日本通勤低票價？