黃巴士 發表於 2018-7-31 07:33
其實用唔同廠出嘅車 仲令C機 流走 揸法完全不同其實真係好想問 班巴膠想點? 公司為利潤先買一款車 放便掉動 ...
做Buyer 唔會買死一樣嘢(讀採購都有有尼樣嘢)尤其一間咁大公司，係一個死穴
其實城巴都唔應該咁買死一款車
萬一供應商玩嘢加價，壞貨就會增加風險&成本
本帖最後由 JC1464 於 2018-7-31 15:30 編輯
買多幾款車，對司機嚟講其實無乜問題，只要有時間熟習吓就OK。
不過巴士公司都係訓練用一款車，出街做生意就另一款車，新人初時唔習慣就真係會騰雞，性能、煞車距離唔同，啲掣擺位又唔同。
剩係計超豪同B9，揸落都已經兩個世界啦。
黃巴士 發表於 2018-7-31 07:46
富豪行山路完全唔得 矮車身又話吾得
之前新城入左B9之後 都改買MMC 卡佬話 揸B9 一定行唔到15 ...
B9梗係行唔到15啦
又唔係用矮車身;P
黃巴士 發表於 2018-7-31 07:33
其實用唔同廠出嘅車 仲令C機 流走 揸法完全不同其實真係好想問 班巴膠想點? 公司為利潤先買一款車 放便掉動 ...
司機要走一定大把籍口. 唔同品牌o既巴士咪又係巴士,操作大同小異,又唔係要揸掛接.
利申:我都係巴士佬
HV7025 發表於 2018-7-31 13:44
雖然trident同富豪機械上係幾唔同，但甚少聽到有司機話揸唔慣
係如果突然間要揸scania之類小眾車，就真係可 ...
雖然trident同富豪機械上係幾唔同，但甚少聽到有司機話揸唔慣
係如果突然間要揸scania之類小眾車，就真係可能唔慣，但操作上未至於南轅北轍
喺九巴來講，除咗neoplan要另行訓練之外，其他車款操作未大到成為買車concern吧
即使係飛機真係分波音牌、空巴牌，但多數大航空公司都唔會買死一邊公司
原因不外乎：分散風險、貨期問題、維持議價能力、維持同各供應商關係等等
或者有個別型號有非常優越嘅條件（慳油、高載、新技術過到法規要求等等），令原本買開對家嘅公司都轉軚
巴士原因亦相若，買死一邊就好似以前新加坡專買富豪咁，除番單價好似貴過香港
又或者類似港版E400咁，技術規格（法規上，唔係講乘坐感、機件性能）的確比對手優勝，就算大嶼山無幫襯開丹尼士都要嚟買
同埋某廠可能而家係大廠，但將來嘅事無人知
昔日British Leyland都獨霸一方，但最後都係凋零
同幾間大供應商維持一定關係，買少量貨應酬一下，係需要的
講開利蘭，利蘭是正過其他巴士，還有都城嘉慕。
當時，利蘭衰在收購太多公司。如果利蘭最多只是收購幾間公司，未必會咁快玩完。
都城嘉慕在80年代尾遇到財政危機而破產，雙層巴士被荷蘭收購。
如果利蘭沒有被富豪收購，都城嘉慕沒有出事；英國會出現3間巴士生產商。九巴會經常購買3款不同型號的雙層巴士，包括利蘭，都城嘉慕及丹尼士。新城不會只是引入丹尼士巴士，同時會引入利蘭及都城嘉慕。
香港不會有咁多富豪巴士出現。
香港會有更多康偈巴士。利蘭及丹尼士會使用康偈配亞歷山大車身；都城嘉慕會使用康偈配阿波羅車身。
其實，如果利蘭及都城嘉慕沒有消失，丹尼士不會一廠獨大，打破新城的壟斷。
新城未必會大量引入丹尼士，而是會分散風險，引入利蘭及都城嘉慕。巴士款式會變得多姿多彩。
S3BL470@98A 發表於 2018-7-31 23:34
講開利蘭，利蘭是正過其他巴士，還有都城嘉慕。
當時，利蘭衰在收購太多公司。如果利蘭最多只是收購幾間 ...
利蘭嘅狀況，係當年英國工業嘅縮影，就算收購少幾間都一樣會死
都城嘉慕跟本連冷氣時代都入唔到，根本就無得講未來
利蘭有沒有被富豪收購都好，富豪都一樣會係『第三方勢力』，只不過收購利蘭為富豪帶來最直接的市佔率
至於九巴係咪會經常購買3款不同型號的雙層巴士？
無三軸車已經令Benz消失，冷都失敗又令都城嘉慕消失，九十年代基本上富豪/利蘭同丹尼士玩晒，
不過咁，Man / Scania / Neoplan 其實亦唔算少，佢地唔掙氣你無佢地乎
新城只會引入丹尼士巴士？
咁又要講故仔，當年機場開張邊隻牌子有低地台先？
新巴開張，又有邊隻牌子有低地台先？
就算利蘭同都城嘉慕當年都建在，佢地有無足夠研發能量都係一個問題
香港從此不會有有咁多富豪巴士出現？
世間沒有如果，可能因為富豪收購利蘭不成，會直接套用B10B系開發適用於亞洲市場的SLF底盤，
有可能會喺B10BLE vs MAN，同B10L DD vs Trident，横置引擎佈局提早廿年消失(多得富豪保育Olympian系設計，直至B8L出生為止)
至於康偈，做乜咁鐘情於美國貨，而唔期望一下英系吉偈會有突破性發展呢？
如果Man偈/Scania偈/Benz偈都可以喺香港落地開花，唔係應該更精彩咩？
『丹尼士』『一廠獨大』？
想問一問，一間已經不存在嘅廠點樣獨大？
Dennis喺90年代末期突然壯大，好主要係因為Dennis同九巴合作發展嘅3-axle雙層SLF底盤Trident一紙風行啫
當年Volvo應該仲考慮緊搵邊個系列發展3-axle雙層SLF底盤，但Olympian同普通底盤仲有大把市場可以慢慢試
Man / Scania / Neoplan各有產品應市，不過3-axle雙層SLF底盤只有Neoplan叫做落到地生到根
到Volvo攞Super Olympian出黎應市無耐，Dennis突然俾May Flower收購左，仲將一大堆巴士製造品牌(包括亞歷山大)合併左，叫做Transbus，
點知Transbus做唔夠幾年就摺左，而Dennis同亞歷山大夾埋一齊成為左新公司ADL
ADL可以喺咁差嘅狀況下生存到，全靠痴住九巴，同佢地一齊做研發：
鐵甲威龍要直梯，咪直晒俾你：
你話要勁輕坐勁多人，E50D又砌到俾你；
你話要兩軸冷氣短車唔超重坐勁多人，又可以砌個香港專屬E400 design出黎俾你：
你話要試油電混合，E50H又可以無中生有橫空出世：
到近年又話要加長，12.8m又可以好快咁起到貨....
試問Volvo, Scania, Man, Benz ... 邊間國際大廠可以咁聽話呢？
peterson 發表於 2018-8-2 01:14
利蘭嘅狀況，係當年英國工業嘅縮影，就算收購少幾間都一樣會死
都城嘉慕跟本連冷氣時代都入唔到，根本就 ...
分析得好好，ADL同香港巴士公司嘅關係，都真係可算互利
巴士迷成日嘈巴士公司大手買ADL，雖然的確唔好坐又單一，但香港公共巴士的確要好專門、甚至度身訂造嘅規格，要求如下：
雙層，有冷氣（高功率嗰隻）
極高載客量，多數車輛日行18-19小時，部分更要長時間高載爬山
多山路，需要小量特製短車，但同時有若干公路線，慳油都好重要
天氣卻潮濕炎熱，對電機散熱同金屬規格要求相當高
以常用雙層巴士嘅地區來講，只有新加坡濕熱過香港，但新加坡好少山路，而且車輛載客量普遍比香港少
以香港咁嚴苛嘅運作環境，要買一批啱用而耐用嘅車，實在唔容易
歐洲車廠嘅車喺當地可能係無敵，但當地就算coach都唔使成日開冷氣，普通巴士直頭無呢樣嘢
來到香港拖多副高功率冷氣，但出面又濕又熱，好易出問題
Neoplan嘅水土不服就係最佳證明，規格堅係高端，但實在易壞，旨意佢返工就大鑊
即使Volvo可以造到適合香港使用嘅12米，但人哋大廠造開typical嘢，無咩興趣為你香港度身訂造
之前港版E400對兩擔B9就係咁，前者為香港度身訂造，基本上同英版無咩關係，坐感相當大分別
後者大致用英版B9TL加冷氣，坐感大致一樣
結果去到磅車時高下立見
ADL近年車款雖然唔多好坐，但提供到嘅可靠同靈活設計，的確好啱真正顧客 - 巴士公司嘅心水
近年去到馬來亞、紐西蘭，同樣因為度身訂造到適合當地法規嘅車型，而取得不少新訂單
peterson 發表於 2018-8-2 01:14
利蘭嘅狀況，係當年英國工業嘅縮影，就算收購少幾間都一樣會死
都城嘉慕跟本連冷氣時代都入唔到，根本就 ...
Dennis係先靠鴨打響香港名堂，再靠九/中巴嘅統治者系列打響世界名堂先令更多人認識Dennis，否則都係等執，70至80年代初嘅香港，利蘭先係一廠獨大，睇下啲珍寶幾多，但自從80年代中後期都城，Dennis打入市場，已經冇咗獨大呢樣野
peterson 發表於 2018-8-2 01:14
利蘭嘅狀況，係當年英國工業嘅縮影，就算收購少幾間都一樣會死
都城嘉慕跟本連冷氣時代都入唔到，根本就 ...
其實冷氣時代，只要過多幾年，間間廠都做到
MCW當年只係唔成熟，唔代表佢底子唔得.....
Leyland同Dennis分別用power takeoff同直接曲軸囉動力，到家下其實間間都用同一套....
不如話英國病整死英國廠好過，當年既新英國共慘主義，再跟住玩私左化，唔死都難啦
本帖最後由 S3BL470@98A 於 2018-8-2 21:29 編輯
DGCNYO 發表於 2018-8-2 19:42
其實冷氣時代，只要過多幾年，間間廠都做到
MCW當年只係唔成熟，唔代表佢底子唔得.....
其實冷氣時代，只要過多幾年，間間廠都做到
MCW當年只係唔成熟，唔代表佢底子唔得.....
Leyland同Dennis分別用power takeoff同直接曲軸囉動力，到家下其實間間都用同一套....
不如話英國病整死英國廠好過，當年既新英國共慘主義，再跟住玩私左化，唔死都難啦
本身，英國是實行資本主義及帝國主義，以$為目標。
去到70年代，英國政府放棄實行資本主義及帝國主義，改行社會主義及福利主義，使利蘭經常面對霸工的問題。
80年代，英國重新推行資本主義，利蘭及多間巴士公司私有化，導致利蘭被其他公司收購。英國巴士公司在80年代的私有化，減少引入新巴士，使都城嘉慕的收入下跌，幾年後遇到財政危機而破產。
如果英國政府是繼續實行資本主義及帝國主義，以$為目標，情況好可能會不相同。利蘭在70年代不會有咁多霸工的情況，工人會生產更多汽車，銷量及盈利會增加。
另外，關於英國汽車破產的問題。都城嘉慕是在1989年破產，十幾年後是Transbus破產。
不同的是，都城嘉慕破產，都城嘉慕品牌消失，香港巴士公司不能購買這款型號的巴士；Transbus破產，丹尼士品牌沒有消失，而是變成Alexander Dennis，簡稱ADL，中文名稱是亞歷山大丹尼士，仍然屬於英國公司。
為什麼會出現這不同的情況?