KMR 發表於 2018-9-22 17:29
越講越唔合理⋯⋯
根本都唔係有心搭車
只係攞個ETA數據來抽秤九巴
塞車就話無得講姐
收車點解唔抽秤得？
當然我同意琴日周圍都塞講嚟無咩意義
不過屯門咪算好囉有逃生門
就算真係拉疏咗都仲係好密
元天68X 69X 265B我無針對任何一條
三條都係垃圾
67X就話有代替品，咁形點I上B1呢？得佢行高速去落馬洲。
JC8385 發表於 2018-9-22 21:24
塞車就話無得講姐
收車點解唔抽秤得？
當然我同意琴日周圍都塞講嚟無咩意義
如果深水埔區入屯門 ，目的地是67X沿線的話，其實有時有車先上轉車站 ，會比較化算。
67X 下午繁忙時間一稍為脫班 ，過了旺角隨時已經冇位坐或很難上車。 多次目測66x很多位剩，有時窗口位都有，可以先舒服地坐大半程，再係轉車站叫兩飛。
59x因為車比較密，也可以執雞用佢來去轉車站轉乘。
算啦，對某類九公司死忠，就算係搭車睇 ETA 睇到燥底都唔可以呻下...
我又分享下其他經驗先。
ETA 除咗直接 show 收車之外，仲有種情況係假記錄。
明明去到車站寫 2 分鐘，等下等下越等越耐。
星期五晚大約 8 點，喺黃金等 86C 返馬鞍山，最初條龍排到去轉彎位 (紅白藍膠袋燈柱)。
然後 ETA 一路推遲班車，前面有大量乘客鼓躁，有部分等車乘客決定走人。
之後一路排，我越排越前 (本身喺燈柱旁邊)，後面條龍越來越長，轉埋彎排到過馬路處，開始阻住人過馬路。
其間城記 118、新記 970/970X 車鏈式到達，另有少量九記 112 班次。
過咗好耐終於有架企到半滿灰柱紅 MMC 到站，中門後走廊位企滿。
轉出咗長沙灣道，下站有上車乘客問 carlo 幾多分鐘一班車 (後來仲爆粗)，carlo 求其答咗句塞車就算數。
即係咁，我唔理係咪真係塞車，據經驗得知，九公司絕對會無視等車人龍，無心做路線唔會中途起載。如果 286C 搶唔成錢就直接收車，咁 ok 我直接落地底算。我等完半個鐘車之後，究竟搭鐵企半個鐘夠我搭到去邊? 應該到馬鞍山線有餘，分分鐘返到。
而個 ETA 最大作用係話俾班客知究竟應唔應該繼續等。今次 67X 半個鐘一班嚇走咗堆客，下次咪照出 10 分鐘一班囉，無車到之嘛。到有人指出完事實，有九公司死忠講一句巴敗咪叫所有人收聲囉，得未?