深圳市有關方面提出港珠澳大橋深圳支線規劃建議
詳情如圖所示 起嚟無乜意義經已有十號幹線由赤鱲角去深圳灣 要起就自己起，咁起法深圳車使唔使出境？現時港珠澳大橋上的人車係處於離境狀態。
DIH 發表於 2018-10-19 13:47
要起就自己起，咁起法深圳車使唔使出境？現時港珠澳大橋上的人車係處於離境狀態。
...
咁既定線, 想先侵佔香港水域, 再叫港共俾錢埋單 (香港境內費用港方俾錢)? DIH 發表於 2018-10-19 13:47
要起就自己起，咁起法深圳車使唔使出境？現時港珠澳大橋上的人車係處於離境狀態。
...
可能等到2047即刻開工呢
(不過應該唔駛咁耐，人大常委隨時落柯打就搞掂啦)
其實當年放棄雙Y方案
(伶仃洋大橋但不到深圳)
而家睇返轉頭係唔係有誤?
http://paper.wenweipo.com/2003/01/23/NS0301230005.htm
kitarolo 發表於 2018-10-21 06:45
其實當年放棄雙Y方案
(伶仃洋大橋但不到深圳)
而家睇返轉頭係唔係有誤?
無話誤唔誤，只係着眼點唔同：
－單Y方案無論成敗都係香港自己的事，但雙Y有少少為他人作嫁衣裳的感覺
－內地自身交通量起多幾條橋都得，正如而家都起緊；如與香港共用則此橋很快飽和
－深圳與珠海之間直通，即係條橋好大可能要在香港同澳門一地兩檢，可能影響部分人的選擇（例如有人只想／只可以去澳門而唔想入境大陸，包括持外國護照入中國境要簽證的人，雖說可以搭船，但條橋對佢地來講就得個睇字） DIH 發表於 2018-10-21 17:11
無話誤唔誤，只係着眼點唔同：
－單Y方案無論成敗都係香港自己的事，但雙Y有少少為他人作嫁衣裳的感覺
－ ...
1.雙Y港方出資一定無依家咁多
依家差不多43%，如果雙Y假設只需出25%
2.飽和可以再起新橋，深中通道可以到差不多飽和先起，總好過依家驚唔夠客流量
3.呢個可以用設計解決，例如雙層橋，上層珠海通深圳不用出入境
下層連接在出入境之後，之後各有分岔路去四地口岸
根據高鐵一地兩檢概念，有位入：
道路轄權歸香港，車輛司法權歸大陸，即深圳等車輛可經此通道往來珠海及澳門，而毋須入出境香港。
本帖最後由 jpoon 於 2018-10-23 05:58 編輯
barking 發表於 2018-10-22 22:36
根據高鐵一地兩檢概念，有位入：
道路轄權歸香港，車輛司法權歸大陸，即深圳等車輛可經此通道往來珠海及澳 ...
呢條橋係都兩地兩檢啦，出香港口岸後駁返深圳，但響香港水域段即係要香港畀錢起，除非屯赤同深西飽和否則點解唔用屯赤同深西去深圳呢？話晒深圳灣口岸一出就駁到沙河西路同沿江高速，沙河西路可以冇燈去到濱海大道，去福田都係半小時內，條新橋睇落唔係媽灣就赤灣，果邊得興海大道駁南坪快速（條南坪快速仲要改嚟改去而家都未搞掂）上S3，月亮灣大道又多車又多燈；去蛇口果邊仲衰，去蛇口得條每邊兩綫嘅港灣大道仲要食埋太子灣，唔搞好其他配套真係盞搞
暫時睇條大橋似係想幫招商三大貨櫃港口吸貨櫃車多過實際需要