淨係唔停最尾三個站都係少咗10分鐘，非繁可能得5、6分鐘，W3唔停粉嶺先有20分鐘，上水有咁多客嘅話應該開特車直出。
kmb71k 發表於 2019-1-8 17:40
又一個為增加轉車站客流的垃圾建議
我建議你繁忙時間入去華明圈睇下先至好建議不過我睇死你唔會
近年久不久就見這類盲反文。
或者佢地唔知，當年令70X做大變277X、73(A)起死回生、278X(舊278P)得以全日、270P升級做270A，此皆為繞華明圈(包括牽晴圈)所賜。
其實隧巴唔停紅隧口都慳到時間，點解你唔建議爭取下
286X 發表於 2019-1-8 21:23
270P升級做270A你知唔知自己講乜
多謝指正。更正是270A提升全日雙向
其實都係粉南、上水兩邊角力。
以東九線為例，因為上水已有277E，所以277X兜華明圈，係正常不過的事（再者你唔兜入華明，直行百和路停花都都唔會慳得太多時間）。
而以270A、270B、678為例，呢批線比較特別，就係出市區要兜圈，但返上水就直踩百和路。原因應該都不難理解，上車要就腳，但落車大家或者都要行下商場買下野先返家，加上未必咁趕時間，所以唔會太介意係花都落車，再行返去華明 / 牽晴間。
唯獨278X就最核突。兩個方向都要兜圈，不過因為出荃葵一來上水有279X直出欖隧，二來東鐵再轉地鐵都好慢，所以上水都係焗住搭兜華明圈的278X。
************
最後，唔兜圈對牽晴同華明（仲有再入都有唔少樓）一定會無咁方便，客量應該會下跌；
跌完之後，可以吸返幾多上水客，呢個巴士公司自有盤算。
究竟係上水另開新線，定係要一條線照顧哂上水、粉嶺？
全部都有數得計。
bjbus 發表於 2019-1-8 21:36
現在270B北行不入華明圈都有很多乘客搭去粉嶺。
至少270A，B停站應該要分工 ...
我認同半loop華明圈效果良好 (270A往上水方向)，唯應同時減輕欣盛苑站擠塞，特別是對面已停一次景盛苑站的路線。
至於往九龍方向，因乘客太多，不建議直駛百和路，導致全粉南的乘客集中景盛苑分站等車。
至於眼紅華明loop的人，如果W3 loop 粉南，客量就不會像今天被大埔/沙田客輕視(北區段)。