A29 及 NA29 班次、收費及停站問題及討論
A29 現時來往寶林及機場，經港珠澳大橋口岸，日間服務。NA29 現時來往寶林及港珠澳大橋口岸，只於通宵開2班，假日偶會加開04:40班次。
1. A29及NA29班次問題及討論
自A29繞經港珠澳大橋口岸後，客量有明顯上升，惟現時仍沿用全日15-60分鐘一班的時間表，可否加密至全日10-30分鐘一班以疏導乘客？
NA29開辦以來深受居民歡迎，惟未有於全晚通宵服務，部分居民或在別無選擇之下選搭的士，或需要兜多區的N29前往機場，故可否全晚30-45分鐘一班服務？
2. A29及NA29收費問題及討論
(A29觀塘道往寶林方向之$10分段收費，早前已經與部分板友討論過，初步共識為下調會影響原有乘客行車時間，故不建議作調整)
A29新寶城往寶林方向設$6.5分段收費，但仍較其他來往將軍澳及寶林之路線為貴，而大部分乘客不會選乘A29來往兩區。
而A29於將軍澳區內之車站通常會作較長停留的時間(往寶林方向經常有不少乘客落車)，故上車客量之上升對車程影響不大，故能否調低至與E22A分段收費同價$4.5以吸引乘客？
而NA29的各項分段收費與其他路線相比均為過高，甚至與N29線差價達幾倍(e.g. 畢架山花園起 $35 VS $12、九龍灣站起 $25 VS $8.5、新寶城起 $15 VS $8.5)，
故有能不影響原有乘客之下能服務的剩餘乘載量，故希望NA29之分段收費可調低至 畢架山花園起 $20、九龍灣站起 $12、新寶城起 $8.5
3. A29及NA29停站問題及討論
往寶林方向之A29及NA29線未有停經坑口北部一帶，而停經培成路亦未能服務東港城、蔚藍灣畔、厚德、頌明等地方。
故能否將A29及NA29線改經坑口站公共運輸交滙處，而不停培成路？
建議站位將使用新城792M特別日子臨時站之站柱，亦即是296M巴士站的前方位置，以方便乘客。
上述問題令本人及部分居民深感困擾，未知上述建議措施能否有效改善問題，
如有更好的建議方法，歡迎提出意見及討論！！謝謝~~
NA29其實有能力做到全晚服務，30至45分鐘一班車。 NA29 長假期開 0440 非偶然，呢班特車由以前 N29 0518 藍田站到依家 NA29 0440 都做咗好多年
1. A29 加班有實質數據支持？
最旺果段時間 A11 A21 嘅班次已經執過兩三次，但係同期 A22 A29 就維持原狀，真係有需要？
新增服務時間（即係 45/60 分鐘一班果啲時間） A11 A21 嘅班次都冇改動，A29 憑咩加班？比盡咪執返靚個時間等 0710 果班唔會同 E22A 頭車差唔多撞到正
NA29 最初加 0030 根本不智，落到機場遲 N29 少少，唔係常客根本已經上曬 N29，同時間 0100 又太早執唔到 N29 留後客，結果班留後客乜都冇走去搭的士算 :victory:
長遠睇 NA29 全晚隨時比現時 NA21 全晚好，本來機場通宵就冇車出九龍東，可以食埋潛在客源，開 NA21 嘅話應該會好似以前尾車咁拍烏蠅
不過通宵點睇都做唔到 30 分班㗎啦，我覺得 45-60 分班應該會比較合理
通宵時段拉埋康城做隨時都有著數，不過首先要傾掂日間點搞，如果唔係區議會應該會反檯
2. 坑口去寶琳真係有實際需求？近到行路都唔洗半粒鐘到減完價都應該唔會有人搭
NA29 減價應該同全晚一齊做，依家得兩班實際上冇乜意思，如果全晚嘅話可以變相搶九巴同小巴地盤 ;P
3. 厚德個圈設計上冇可能做到全部屋苑，咁改隨時做壞規矩跟住班區議員要求埋 798 呀 290系 呀兜埋入去，到時仲頭痕
兼且坑口總站應該冇位置允許個別路線長期途徑，如果唔係之前就唔洗 98C 換 91M :sleepy:
NA29 入總站應該就冇乜問題
3. 寶林方向唔經厚德？
我當堂嚇一跳，然後得啖笑
A29同NA29兩條線都有個站叫厚德邨.........
我就唔覺得兩條線改入坑口站會有幾大分別，要行不如培城路行過去坑口站，都係過條馬路
要方便就應該兜全圈，但兜全圈就會趕其他地方乘客，而家798、694、E22A呢啲全部都係半圈就走
你話夜媽媽唔想乘客行咁遠，NA29兜全圈都可接受，A29的話真的不了
而且都唔覺得坑口站仲有幾多位
相反你要講的話，寶林站位仲應該要執，以前E22A都係係寶林兜個圈先走
1. 班次方面，運輸署有講過透過去程係觀塘道加站，而家將班次送上最密15分鐘一班，相比一開始一粒鐘得兩班，算係大進步 月經post又來了 其實應該
A22 (A23) A26 A29 A29P
E22 E22A E22C E22P E22X
N23 N26 N29 NA29
重新重組一次市區既服務範圍
否則只會一堆位疏車一堆位吉車 天空之神 發表於 2019-2-2 23:49
其實應該
A22 (A23) A26 A29 A29P
E22 E22A E22C E22P E22X
尤其是A22及 A29; A26及 A29P