89近排真係無邊日開足車, 下繁1800後啟業北行, 經常12-15一班, 甚至直頭無咗班車仲繼續12分一班
另試過一日80X無咗一班, 啟泰等咗半個鐘至上到沙田/馬鞍山車上大老山
peterkwan 發表於 2019-3-10 18:49
城巴/新巴鮮見有帖拎住 ETA 去大肆批評脫班收車, 一來原因九巴服務範圍大受注目, 二來城巴/新巴就算有脫班 ...
基於我有份 cap 圖，想講幾句
1. 嚴重程度分別：例如我前日黃昏有事由新界東出譽港灣，基於唔想等 85X，選擇咗搭鐵落旺角東轉 796C。去到開 ETA 睇，無記錯係大約 18 分鐘，一路㩒落去，前後車相隔 30 分鐘。我懷疑收咗班車，但因為唔趕時間，繼續等，等嘅期間有 296C 但無人跳船。終於架車到咗，唔算企好多人，沿途有上落客，富豪東方酒店上咗兩三個頂閘。
我會覺得呢件事唔嚴重。無錯對趕時間嘅人可能會好嚴重，但畢竟係下繁，較少人趕時間；更重要係播道醫院前無留後，富豪東方酒店就算留後都仲有 796X 救亡，係有人要企車頭辛苦少少，同埋我逼向前拍卡麻煩，不過算數。
2. 接返上面，睇下九巴點樣：九巴經營範圍有類似問題，但替代品非常少。就算有，通常只剩一條線無收車或減班。30X/234X 返荃灣係個好例子，又例如尖碼去旺角，前排 2 6 減班後，9 又撤出咗，平線得返條 1，一係就逼人搭 1A 貴價流水，遲下開 202 條 2 都唔知會變成點，最後會變咗一係搭鐵，一係搭九巴，而當本身得返一條線仲要收車果陣就真係燥：40 開 25，觀塘牛頭角九龍灣鑽石山都要靠佢返荃灣市（黃大仙有 290 系，但本身爆，都唔幫得好多），咁好大機會留後架喎。去返對面海，平時 2A 收車西行嚴重好多，其中一個原因係有 77 救亡。如果俾九巴做，分分鐘縮 77 落北角加 BBI 就算。
3. 港島替代品其實多好多。就算唔計新城自己重覆走線嘅路線，首先有鐵：大部分位置距離鐵路站唔遠，例如耀東圈行落西灣河/筲箕灣站肯定近過荃景圍行落荃灣站先。其次有電車，對於 3 個鐵路站以內嘅距離，電車不至於慢到唔搭得，當然仲有小巴。當然你可能會問係咪有代替品就可以 hea 做，問題係大部分市民唔似巴迷，除非價錢或速度差太遠，唔係嘅話唔會好想搭某種交通工具（喺巴迷眼中會變保鐵）。而當除鐵路外無競爭嘅 962 系有城二支援，半山 23 都仲有半條人命果陣，會唔會有好多獨市位俾新城做衰咗？
4. 價錢問題：九記大流水係收貴價，對面海相反，呢個已經係重大分別；同一路程下，新城明顯收得較平（新西過海線、796 系、701/702 等），亦最起碼點都有心做貴線先（18X VS 九巴 30X），問題係收貴咗，車反而殘咗（車身殘舊、欠缺清潔、地板黑色一嚿嚿、紙巾、紅車唔好坐、上層無扶手、長途線唔用 12.8、洗腦式報站等），服務又無好到。
塞車同收車導致嘅脫班，前者有時真係冇得講，後者就肯定抵鬧
不過討論各大巴士公司(尤以九巴為甚)收車都討論到厭啦，連一啲收無可收嘅巴士線同部分帝區，九巴都照收，可以點？
10598C 發表於 2019-3-10 22:20
塞車同收車導致嘅脫班，前者有時真係冇得講，後者就肯定抵鬧
不過討論各大巴士公司(尤以九巴為甚)收車都討 ...
喺呢一刻，268C 269C 返新界仲開緊 20。衰少少講句，當 268C 269C 960 978 都收車果陣，我建議如非要唔好買月票，否則等同自斷後路。
10598C 發表於 2019-3-10 22:20
塞車同收車導致嘅脫班，前者有時真係冇得講，後者就肯定抵鬧
不過討論各大巴士公司(尤以九巴為甚)收車都討 ...
其實我都好矛盾。呢一刻做低九巴，換嚟嘅可能唔係新城嶼而係大陸公司，服務質素隨時更加無保證，但政府如果唔削下佢線罰下佢，我都好難收貨
當年嘅官做低中巴，可能到而家都不得部份人嘅心，不過平心而論，當年佢哋其實係有恰當部署，慢慢扶植城巴去做取代。而家班官無咁嘅遠見，結果夾喺九巴同其他持份者中間，腳跛到無可再跛
238X 發表於 2019-3-10 22:47
其實我都好矛盾。呢一刻做低九巴，換嚟嘅可能唔係新城嶼而係大陸公司，服務質素隨時更加無保證，但政府如 ...
搵替代者都要有人肯做先得
邊有人肯做水魚?
樓主,依家唔係唔準時到站,而係呢一兩年九巴故意系統性收車,應有嘅班次消失
我試過miss左班33a, 差一兩分鐘到, 個apps寫下一班係29分鐘;P;P;P
10598C 發表於 2019-3-10 22:20
塞車同收車導致嘅脫班，前者有時真係冇得講，後者就肯定抵鬧
不過討論各大巴士公司(尤以九巴為甚)收車都討 ...
城巴啟德三寶都收過幾次車，73都見過直接無左班變40分一班
tonychow 發表於 2019-3-10 22:19
基於我有份 cap 圖，想講幾句
1. 嚴重程度分別：例如我前日黃昏有事由新界東出譽港灣，基於唔想等 85X， ...
巴士公司系統性收車的確係嚴重問題，必須公諸於世，甚至推上報
只不過最近B2板極多人貼一貼ETA就當係文章，懶到連原本班次都唔寫，有呃分之嫌
收車應該搵相關部門投訴，B2版無人會幫你，信收車嘅就繼續信，唔信嘅就繼續唔信