JH_LE4612 發表於 2019-4-12 06:29
深圳北附近多唔多發展？相比起發展蓬勃，又有好多地鐵嘅福田，深圳北多人會唔會純粹係有班人拆飛？高鐵客量 ...
深圳北站附近唔係D咩商業中心區或者副都心地區，依家焦點都係福田同前海架啦，但深圳北所在地既龍華同稍北既清湖、觀瀾地區大規模開發住宅，所以或者係呢個站方便到二線關外定居香港工作既人士。至於直通車，除左北京、上海、肇慶之外既直通車我覺得大可以取消。
兩次由福田站落高鐵，再轉地鐵去福田口岸，再過關到上B1要9個字，有次多人差唔多成粒鐘。
深圳北好明顯係轉車啦，西九龍長途列車咁少，深圳北轉一轉多好多選擇，去武廣沿線仲要平D。好多人就算去廣州，都識得同一列車用唔同證件分兩段買飛平幾十蚊，其實去福田的人數先真正反應到港深兩地高鐵客量。
Hopuco 發表於 2019-4-14 11:11
深圳北站附近唔係D咩商業中心區或者副都心地區，依家焦點都係福田同前海架啦，但深圳北所在地既龍華同稍 ...
肇慶都可以經廣州南入，係開唔開啫。
依家廣深段高鐵個容量都用到差不多，短期將部分短途車都重聯係比較有效率，到直通車客量再跌先諗取消。
如下圖所示，MTR改為推廣高速鐵路參觀/展「廣交會」，似乎想轉移這批乘客至高速鐵路，為調整直通車班次鋪路。
不過除了以字型較少所寫的前往廣交會展館路徑乘廣州地鐵2號線至昌崗站換乘8號線至新港東/琶洲(只需換乘1次)外，我還想到乘7號線至漢溪長隆站換乘3號線至客村站，或乘至大學城南換乘4號線至萬勝圍，再換乘8號線至新港東/琶洲(後兩者需要換乘兩次)，不知那條方法較快呢？
去廣州南認真係需要一班早車
深圳北最早果班去廣州南六點幾就開
唔明西九點解唔可以七點開一班去廣州南
唔洗插車, 深圳北拉一班落黎就得
八點前到廣州南, 九點前可以去到廣州好多地方
本帖最後由 jpoon 於 2019-4-18 04:44 編輯
JH_LE4612 發表於 2019-4-12 06:29
深圳北附近多唔多發展？相比起發展蓬勃，又有好多地鐵嘅福田，深圳北多人會唔會純粹係有班人拆飛？高鐵客量 ...
龍華新區都算多發展嘅，但係地鐵4號綫都覆蓋到，而4號綫係直達福田口岸嘅，就算而家清湖去福田口岸都係34分鐘左右，福田口岸又係總站實有位坐，相對嚟講搭高鐵去龍華新區唔係太大吸引力。另外5號綫沿綫都幾多發展，下年仲會有6號綫通車，到時石岩、大浪等地亦可以去到深圳北
反而深圳北係高鐵樞紐，有較多班次去唔同地方，就算係西九龍有去嘅地方亦比西九龍出發班次密（如武漢、桂林西九龍得一班），唔排隊大部分人係去深圳北轉乘高鐵網絡
另外汕港動車有停深圳坪山班次，但數字就冇披露
11月同12月明顯廣州南比深圳北多吧?
巴士的膠 發表於 2019-4-12 11:32
講開關外，由關外去香港，坐深圳北站直巴同高鐵時間差好多，但價錢差不多。如果貪平坐4號線轉東鐵，除非 ...
除咗東鐵沿綫，仲有元朗吧？
我住紅磡，貪平嘅話搭西鐵轉B1都仲平過東鐵，時間又差唔多
如果計即場買飛，我去西九龍站搭高鐵去深圳北冇乜著數，剩係買完飛要等45分鐘先上到車我搭東鐵/西鐵轉B1都已經到關口了（唔計等車同唔塞車架W3都到上水啦）
巴士的膠 發表於 2019-4-16 09:07
肇慶都可以經廣州南入，係開唔開啫。
依家廣深段高鐵個容量都用到差不多，短期將部分短途車都重聯係比較 ...
其實而家昆港動車都經肇慶東，係唔停站之嘛
講真，我之前都講過西九龍站係有條件可以開多D唔同嘅班次，例如經肇慶東去桂林/南寧、廣州南調頭去順德中山（應該趁南沙大橋未通車前開，而家開咗後虎門塞車時間少咗好多，而家仲要起緊深中，過多幾年就冇乜著數，不過到時或者深湛通車，可以直接經深圳北去中山）、去西安甚至西北