dennis28a 發表於 2019-4-24 05:45
何解要拎一個有消費稅國家既麥當勞餐做比較？
更何況，香港係一線國際城市，拎倫敦巴黎紐約東京比好正路。 ...
去到芬蘭啲城市，一程要成2.8甚至3歐就真係天價啦；隔籬澳門起碼全市劃一收費，拍卡每程只係3元（X線就4元）。
但係人哋話就話單程收費貴，不過有齊日票月票，需要轉車亦都有唔少票種，唔似得香港咁，搭一兩個站去轉車站再搭多一兩個站落車就只能焗俾兩個單程嘅收費。
喺歐洲，真正俾天價車費嗰啲就係可能一星期搭一兩日，每日搭一兩程嗰種，只能逐個單程俾錢。基本上通勤客已經買哂月票甚至季票，遊客就大多買日票。
我舉例，早排成個月一日搭成幾程，轉埋車重要一星期過足6日海嗰種，喺香港就全部焗住逐個單程比錢，兩程短途巴士共8分鐘實收$14.6（已經扣咗隧道口BBI），搭兩個站上山都收足6.9；如果換轉係歐洲類似路程？！幾乎可以肯定用月票啦！
雖然喺香港，市區搭一程巴士普遍係5至6元左右，對比歐洲當然平得多，但係呢個係無得轉車嘅單程收費，一話要轉車，即使另一程只係搭一兩個站都好都已經收足兩個單程，同真正嘅距離或者區域計費差得遠。結果就造成大量路線因為價錢問題取消唔到，跟住就條條線都陰到15至30分鐘一班（講緊市區線，30分鐘係郊區同區域路線屬合理）聯合到站，最終受害嘅就係乘客。
miklcct 發表於 2019-4-24 09:37
去到芬蘭啲城市，一程要成2.8甚至3歐就真係天價啦；隔籬澳門起碼全市劃一收費，拍卡每程只係3元（X線就4 ...
其實香港亦有特平巴士線，$6.8上落大斜黃大仙區來往西貢大門既92其實屬於係。;P
洗唔洗叫老九摺左佢，盡趕九龍遊西貢既客經沙田區轉車吧？:curse:
例如在深圳，我有時都會諗佢久唔久就會爆D特平巴士線
例如福田區來往大梅沙僅需俾3蚊既M520(https://shenzhen.8684.cn/x_2c500a5e)會否嚴重影響例如要俾6至8蚊既103(https://shenzhen.8684.cn/x_c431c54a)既存在價值。
但當我諗起例如福田口岸來往濱河大道沿線比起例如來往福強路要行多幾個行口就明白道理係邊。:$
paul2357paul 發表於 2019-4-25 15:14
其實香港亦有特平巴士線，$6.8上落大斜黃大仙區來往西貢大門既92其實屬於係。
洗唔洗叫老九摺左佢，盡 ...
92其實唔平，因為由德望學校搭落山都要6.8（91M都唔係平得幾多），白沙灣搭去西貢都係6.8，不過沿路嘅小巴有平價分段，上唔上到車就係大問題啦。
miklcct 發表於 2019-4-25 15:35
92其實唔平，因為由德望學校搭落山都要6.8（91M都唔係平得幾多），白沙灣搭去西貢都係6.8，不過沿路嘅小 ...
亮點係與其他西貢對外巴士線相比，
都係上落大斜既792M都要收費少少$7.2
相對平坦唔少既西沙路出入既99都係收$6.8
但92去到最遠，92仲唔抵到爛？
92仲要冇好似91系入科大兜一兜幫補下，平日非繁簡直開單層都夠載。
至於區內果D好似94都要收到$6.8另計，一來都係上落大斜，二來限制區直達。
例如深圳果邊與94類似性質既M231(https://shenzhen.8684.cn/x_d957a8d5)M232(https://shenzhen.8684.cn/x_3d43bf45)都只敢開價$3。
緊係計大半程甚至全程啦，若只計上落山上好似例如81都唔會覺得平。
paul2357paul 發表於 2019-4-25 16:18
亮點係與其他西貢對外巴士線相比，
都係上落大斜既792M都要收費少少$7.2
相對平坦唔少既西沙路出入既99都 ...
92最"蝕"嘅地方唔在於全程收費
而係賣大包轉乘計劃
基本上西貢人十個有九個都係小巴出入
會坐巴士嘅, 絕大部份都係貪轉乘或者2蚊客
轉乘客位位都只係袋一兩蚊
2蚊客好d, 政府補貼一個幾毫, 收到半價錢
所以92點可能唔係載一個蝕一個
tonychow 發表於 2019-4-19 17:41
仲可以 14 轉 694 轉 74X。$9.4+$10.9+$10.1 都有排未到 $40。
正確搭車方法好重要，例如你由灣仔去落馬洲 ...
灣仔去福田坐968/969直接轉B1得啦
攝部A36做乜
PS 灣仔跨境全日通先$52似係咁啦 羅湖/福田關-紅磡都講緊$40元