miklcct 發表於 2019-6-24 11:03
所以我認為應該學外國，新界線荃灣／美孚／深水埗止步，入市區唔該轉地鐵／市區線；學80年代咁啱啦，全部 ...
你都識講80年代
原來而家港鐵荃灣線
仲有好多額外容量咁做?
kitarolo 發表於 2019-6-24 12:49
你都識講80年代
原來而家港鐵荃灣線
仲有好多額外容量咁做?
算吧啦
巨準-ed的建議係唔會實現的
miklcct 發表於 2019-6-24 11:03
所以我認為應該學外國，新界線荃灣／美孚／深水埗止步，入市區唔該轉地鐵／市區線；學80年代咁啱啦，全部 ...
你都識講如果啦！！！
自己諗諗荃灣站/美孚站同港澳碼頭仲有冇位可以起到一個超級巴士總站吧！！！
仲有，唔該諗諗起完之後要點處理咩線入得咩線唔入得嘅問題..
新界一區一線入港澳碼頭？
我諗唔到屯門區入港澳碼頭條過海線喺屯門區可以點樣兜...
富泰開經兆康良田建山景大興龍門居新屯中碼頭屯門泳池安友市中心置樂三聖青公深井上高速！
好呀..咁唔該紅橋點樣處置呢？
同埋你認為咁樣開的話，富泰起計幾耐可以到深井呢？
GD1570 發表於 2019-6-24 12:55
你都識講如果啦！！！
自己諗諗荃灣站/美孚站同港澳碼頭仲有冇位可以起到一個超級巴士總站吧！！！
假設可以重新規劃，新界一區一線當然係全部市中心開直出港澳碼頭啦！
屯門嗰條就屯門站開、停市中心、屯轉、西隧口，3個中途站。
元朗嗰條就元朗西開，之後掃到形點I之後就欖隧口、西隧口，港澳碼頭終點。
天水圍嗰條就天水圍市中心開，天城路停兩個站後就欖隧口、西隧口，港澳碼頭終點。
北區嗰條就上水站開，只停兩個轉車站做中途站，港澳碼頭終點。
東涌嗰條就東涌市中心開，只停裕東苑同兩個轉車站做中途站，港澳碼頭終點。
青衣嗰條就長安開，跟41A行經過市中心，然後中環（交易廣場）終點。
荃灣亦都一樣，荃灣站開經過沙咀道之後就直入西隧，中環（交易廣場）終點。
葵涌就葵興開，經葵芳站後直入西隧，中環（交易廣場）終點。
沙田市中心開，不停其它站，直接停青沙轉車站、西隧轉車站，到中環（交易廣場）終點。
大埔中心開，用最快途經上吐露港，停青沙轉車站、西隧轉車站，到港澳碼頭終點。
另外再加大量繁忙時間返工線，全部以點對點方式運作，喺港島內設唔超過4個站，例如港澳碼頭、海港政府大樓、大會堂、金鐘站咁就4個站，或者IFC、政府總部、演藝學院、入境處4個站，或者經繞道會議道、百德新街、利舞臺廣場3個站等等嘅組合，做到將巴士行經繁忙路段嘅車程減到最少。
然後就開兩條頻密市區線（全日8分鐘以內一班嘅），一條經林士街天橋去中環金鐘，灣仔北做總站，另一條就經中環灣仔繞道（東行）／天橋不停站（西行），完全唔停中環金鐘直踩去灣仔銅鑼灣嘅西隧線。兩條市區線九龍嗰邊，我會建議其中一條係美孚出發，港灣豪庭上公路；另一條深水埗旺角出發，去到富榮花園上公路，再配合多兩條港島東西快線（即係類似而家18P同18X之類嘅路線，其中一條就過港澳碼頭後不停站直達演藝學院，然後經避風塘去炮台山，另一條就港澳碼頭後經繞道去北角甚至更東嘅地方。咁樣已經可以做到全部一次轉乘內去到哂港島市區主要地方。
至於新界（將軍澳除外）東隧線就全部只係開去天后、北角、西灣河或者筲箕灣，唔去更遠嘅地方，更加唔可以直出中環，只有九龍市區線（例如觀塘、藍田開嘅）先有資格行東隧特快出中環，要出中環唔該東隧轉車站見。
咁所有轉車站當然亦都要做到全部路線補差價轉車啦，好似上面西隧線嘅例子，新界段越長，港島段就越短，任何情況下只有短轉長，唔會長轉短。
你去外國都唔會見到大量郊區路線係市中心嘅內街出現啦！所以香港都唔應該出現大量9字頭隧道巴由銅鑼灣／灣仔碌到上環（例如930X、948、968等）。
本帖最後由 paul2357paul 於 2019-6-24 14:32 編輯
GD1570 發表於 2019-6-24 10:29
根據樓主嘅邏輯
其實駛乜咁多條線去機場姐..
全部去晒青衣站轉機鐵入去咪得囉！
駛乜咁多條巴士線去港珠澳姐，
全部去晒長安轉A31咪得囉！
駛乜咁多班高鐵去福田姐，全部搭東鐵去羅湖/落馬洲轉深圳地鐵咪得囉！
駛乜咁多班機去臺北姐，
全部飛晒去高雄/臺中轉高鐵/客運咪得囉！
應該仲有好多例子的，
例牌講句：
歡迎討論
唔覺得樓主真係賴到咁離譜。
其實樓主既意思只係質疑太多巴士線要特登經彌敦道北段，
當中部分更加係搞到特登死守旺角道左轉，例如904/905/270B之類，
而270B夾硬咁樣拉去大角咀個概念已經係全錯，仲要特登整多條旺角道左轉彌敦道北段。
而有堆線就死守旺角道左轉洗衣街，
令旺角中既交通負荷過重。
miklcct 發表於 2019-6-24 14:10
假設可以重新規劃，新界一區一線當然係全部市中心開直出港澳碼頭啦！
屯門嗰條就屯門站開、停市中心、屯 ...
//全部以點對點方式運作，喺港島內設唔超過4個站//
抄我嘅urban getaway:loveliness:
P.S. 嚟緊即將推出country getaway(暫名)，密切留意:lol
miklcct 發表於 2019-6-24 14:10
假設可以重新規劃，新界一區一線當然係全部市中心開直出港澳碼頭啦！
屯門嗰條就屯門站開、停市中心、屯 ...
周圍要轉時間又冇乜大優勢我不如搭鐵?
KW2523 發表於 2019-6-24 14:42
周圍要轉時間又冇乜大優勢我不如搭鐵?
條鐵又慢又兜，長途嘅話梗係搭全程高速嘅巴士啦，一上車就行高速，落地後轉下一程又係直上高速（例如由新界嘅屋邨出發，搭條M車直接上屯門公路去屯轉，呢條M車必定係班次頻密，因為會係屋邨嘅唯一對外線接駁荃灣地鐵站；然後就即刻轉市區車直達市區主要目的地；喺我嘅規劃入面，係絕對唔會有新界開出，然後由上環碌到銅鑼灣嘅路線出現嘅，有足夠需求支持兩條全日15內過海車嘅話會一條只去上環或者中環，另一條就直插灣仔銅鑼灣）。條鐵用來做市區短途接駁就最理想，例如荃灣搭去葵興、美孚搭去旺角、上環搭去灣仔等。
尤其係香港嘅鐵路規劃咁垃圾，好多位要多重轉車而且重要兜；例如馬鞍山去港島之類嘅例子，梗係搭6字頭嘅路線去東隧口，然後揀另一部直達目的地嘅巴士啦。我嘅提議係大部分地方靠一次轉乘，頂多二次轉乘就搞掂，而且全程高速直達。
本帖最後由 KW2523 於 2019-6-24 16:44 編輯
miklcct 發表於 2019-6-24 15:29
條鐵又慢又兜，長途嘅話梗係搭全程高速嘅巴士啦，一上車就行高速，落地後轉下一程又係直上高速（例如由新 ...
慢又兜,我唔認同
除咗城隧線有太大優勢嘅個別例子以外,巴士車程優勢唔大得幾多如果塞車路段又可能用時唔穩定,如果要轉嚟轉去就冇乜舒適度同吸引力可言,不如直接搭穩定又唔係好慢嘅鐵路
利申 : 返工唔敢搭982X選擇保鐵,放工先會搭182X