hippohippohippo 發表於 2019-6-28 09:01
可能真係得, 但係幾百班車過隧道會多一筆支出,
仲要諗俾有人係想去轉車站, 改道可能會發生爭執 ...
但塞車塞到咁,隨時等超過30分鐘仲未上到車,仲轉咩車?
miklcct 發表於 2019-6-28 09:23
屯門公路炒車咪改行青山公路，而家唔係90年代有用車限制啦！
今朝八點既交通消息講，青山公路深井附近都有交通意外，所以行青公都係塞。
另外，有版友問點解啲巴士唔改行大欖。我只可以話今朝行大欖既情況基本上係一樣。
我今早駕車由屯門北經西隧過海，因為知道屯公炒大鑊，所以一早疊埋心水行元朗公路同欖隧。
7:35 開車（已經未係出九龍既最繁忙時間），首先喺藍地交匯處已經多車到要等兩至三轉燈先上到元朗公路（一向屯公出事藍地交匯處就會係咁），
上咗元朗公路後，未到洪天路（天水圍西）出口已經慢車，然後就跟住條車龍就一路＂訖＂到博愛。
8:05 終於上到三幹，但當時車龍龍尾已在高埔村，結果又係一路慢車慢到去欖隧口，最後接近 8:25 先去到汀九橋與屯公匯合既位置。
我開車前上網睇過紅橋嗰塊行車時間顯示屏, 當時顯示由紅橋出發經屯公去荃灣要 61 分鐘。換言之，去汀九橋就係大約 55 分鐘左右。結果與我行大欖所需時間相若。
但係要留意既係，今朝屯門區巴士路線大部分係冇改行大欖出九龍既，假若全部改路，元朗公路同三幹只會更塞，到時大家都係攬炒，喺三幹塞死晒...
所以結論係新界西人車都太多, 要發展住宅應該考慮其他地區
不如叫政府好好管理下個考牌制度仲好啦
有左學牌制之後日日都一堆自以為自己車手既人係條公路到飛
唔繁忙時間唔搞野...壞車就無得講...自己都控制唔到
但撞車炒車就一定係人為啦掛:@:@
HT3415 發表於 2019-6-28 10:24
不如叫政府好好管理下個考牌制度仲好啦
有左學牌制之後日日都一堆自以為自己車手既人係條公路到飛
唔繁忙時 ...
我認為要設立嚴厲罰則
應對呢種妨礙大眾時間及
浪費其他車輛燃料嘅事故
HT3415 發表於 2019-6-28 10:24
不如叫政府好好管理下個考牌制度仲好啦
有左學牌制之後日日都一堆自以為自己車手既人係條公路到飛
唔繁忙時 ...
十多二十年後﹐應該可解決問題;P
到時﹐所有車都係自動駕駛﹐再無你所講的問題﹐唔會有超速﹐技術差的問題。;P
不過﹐都唔保證唔會有交通意外發生。:L
kei_hk 發表於 2019-6-28 10:39
不過﹐都唔保證唔會有交通意外發生。
應該要全條路都用
自動駕駛先得,唔可以
一啲車真人而一啲電腦化,
同埋萬一出事而追究都唔知
起訴邊個(例如737Max飛機)
nokia 發表於 2019-6-28 09:06
其實九巴做了咩應變？
有城巴車長都會同上車乘客聲明有撞車意外
理論上所有屯元天對外線全停先至係最佳應變(就算去深井既都請先搭程西鐵去荃灣西站)。不過九城應該唔多願意，因此點都死都要開齊咁多班(包括特別線)。
paul2357paul 發表於 2019-6-28 10:50
理論上所有屯元天對外線全停先至係最佳應變(就算去深井既都請先搭程西鐵去荃灣西站)。不過九城應該唔多願 ...
西鐵輕鐵等二十班車唔知上唔上到?