tzuyu.taiwan 發表於 2019-7-23 12:24
呢件事警方要負最大責任，但港鐵都難辭其咎
件事發生兩個幾鐘，睇返咁多段片，我一個港鐵職員都見唔到， ...
你話睇好多段片，咁我相信你都聽咗嗰晚錄音，錄音入面都有個職員話佢一上到佢就畀人打埋一份，咁其他職員梗係即刻掉頭走啦，結果咪見唔到職員囉
你話高層可以搵快速應變，龜記嘅快速應變咪鐵路警區囉；香港地唔同歐美，就算做實Q嘅多數都係得碌電筒可以叫做係武器，其餘嘢都係要報警處理，可想而知鐵路公司就更加有心無力
另外你嘅思維有些少特別，負最大責任嘅唔係搞單嘢出嚟嘅白衫而係警察？我唔係話要盲撐警察，只係始作俑者點都應該大罪啲？而家情況等於有人倒瀉嘢但係你淨係怪淸潔工抹地太慢
Busways 發表於 2019-7-23 13:45
可能係警察叫白社會暴徒去搞班後生仔，背後大陸可能支持，加上某已完裡應外合。
所以我哋要將呢啲人踢出 ...
到時怕第一個比人打死既係你
唔該唔好借題發揮
sancouve 發表於 2019-7-23 13:33
你話睇好多段片，咁我相信你都聽咗嗰晚錄音，錄音入面都有個職員話佢一上到佢就畀人打埋一份，咁其他職員 ...
件事真係咁突發？
幾日前連普通網民都知道有鄉事派想喺元朗搞事，警方冇可能收唔到相關情報
甚至出事前幾個鐘已有成村白衫人拎住棍喺元朗街頭集結，都冇人理
之後最離譜嘅係出事一刻，999可以成粒鐘打唔通(如果有咩緊急嘢，如有人暈咗，真係可以死人)，元朗、天水圍警署落曬閘
喂大佬啊，洗唔洗做到咁明顯啊？
去到凌晨終於入村，成班白衫人拎住棍企喺村入面，過咗幾個鐘，竟然一個人都冇拉，放行埋佢哋搭車走
仲要好衰唔衰俾人影到持棍白衫人同警察「同行」(We Connect?)，跟住八鄉指揮官同白衫佬有講有笑、拍埋膀頭
做到呢步，我諗根本唔可以用「縱容」嚟形容警察嘅態度，直頭可以話係「包庇」、「勾結」白衫人
我又想問，如果警察嚴厲執法、會除暴安良，黑社會敢唔敢大肆出動、眾目睽睽下做得出咁惡嘅嘢？
唔好意思，今次件事我睇唔到白衫人同警察係兩個唔同陣營嘅人
tzuyu.taiwan 發表於 2019-7-23 14:09
件事真係咁突發？
幾日前連普通網民都知道有鄉事派想喺元朗搞事，警方冇可能收唔到相關情報
咁你有無未卜先知佢地會搞元朗站呢?
元朗咁鬼大, 都屬港鐵管?
呢度係鐵路版, 你可以討論港鐵既處理方式
Busways 發表於 2019-7-23 14:19
全世界有 75 億人，講普通話，寫簡體字的中國人只有 13 億，即係要排華的話，全世界每 4.7 個非中國人就 ...
唔該唔好借題發揮
Toz 發表於 2019-7-23 14:13
咁你有無未卜先知佢地會搞元朗站呢?
元朗咁鬼大, 都屬港鐵管?
我知你唔鍾意我鬧港鐵，我宜家冇鬧啦，ok?
tzuyu.taiwan 發表於 2019-7-23 14:24
我知你唔鍾意我鬧港鐵，我宜家冇鬧啦，ok?
你自己立場蓋過理性, 唔可以假設人地係
我只係話車長不應該為疏散負責, 因為呢個係正常指引
事後孔明係無好處
最弊係, 你話車長有錯, OK, 下次車長好正確咁叫人留係車廂, 點知原來係有人放火或放毒氣
你負責?
事實上有報道話班黑社會用氣槍射BB彈入車廂
如果佢地用既槍勁D, 你估下會點