tzuyu.taiwan 發表於 2019-9-7 18:17
我非常贊成限制私家車數目增長。但究竟係咩原因，令政府連提都唔敢提呢樣嘢。 ...
太多持份者，例如話搞道路徵費，大把成日揸車入中環嘅大老闆或者中小企會反對，而政府最著重嘅就係經濟，要令班振興經濟嘅人開心，但就無視左塞車帶嚟嘅經濟成本會影響到更加多人。
其實政府個規劃似乎永遠慢半拍，例如搞三隧分流，又唔為意其實東西兩隧都已經塞到冚，起北環線分流古洞，又唔為意西鐵一早爆左。發展新界東北其實講左冇廿年都有十年，至今都淨係搞得九幹擴闊同香園圍，長遠規劃得條 T4，比我個感覺係寧願著重東大嶼都唔想搞已發展地方嘅問題，但其實新東連自己區都出唔到，發展港九定東大嶼都冇分別。
最起碼，政府橋隧嘅收費已經好多年冇變過，運輸署一堆牌照費用又係冇加過。坦白講，揸得車嘅有幾多係窮人？加左價推高翻揸車嘅成本先，巴士地鐵乜都加嘅時候你唔郁，依家根本就係鼓勵人揸車。真係職業司機先再減免翻啲收費都得。
本帖最後由 kitarolo 於 2019-9-9 07:29 編輯
腦細車、商用車使用者
基本上唔會期望佢哋會
轉用公共交通,的士亦唔會
如果用繳稅嚟衡量誰可進入
繁忙區域,咁中小企就會被淘汰。
接送返放學,或者有物業
收租而付得起養車費嘅,又
唔覺有幾多contribution囉,
駕車純為自己返放工,如果用
薪俸稅嚟評估誰可有私家車亦
非全無盲點,且難以防止買一個
「商業登記」去規避。
去年我曾到新加坡自由行
以我所知當地係擁車證及
電子道路收費並施,但入夜時
購物區一樣塞車得慢過步行。
老老實實，ERP (electronic road pricing) 已經過左最好的推行時間。
九十年代係擔心私穩問題，早幾年有 RFID 技術又唔嘗試搞。
而家大家連 RFID 的私穩都信唔過，真係唔知搵乜搞了。
今年開學之後沙瀝入大老山都見到頂到去威記上橋位，以前真係未見過
大家覺得大老山隧道再整多一條2線隧道管道, 繁忙時段開4線管道疏導交通, 能否舒緩這問題? 抑或會將會加劇其他樽頸位(例如觀塘道,東隧)的塞車問題?
JH_LE4612 發表於 2019-9-9 06:13
太多持份者，例如話搞道路徵費，大把成日揸車入中環嘅大老闆或者中小企會反對，而政府最著重嘅就係經濟， ...
政府規劃最煩係下下都死跟指數唔去到臨界點都唔會「浪費」資源去研究/ 解決問題
但當去到臨界點嗰陣先開始研究
d報告彈嚟彈去
只要有既得利益者反對，隨時又推倒重來
咁搞法，咪令到真用家等極都未見成果囉
睇番咁多年新市鎮規劃，基本上個個都係重蹈覆轍
不論係早十年嘅屯公，依家嘅將隧/ 起動九龍東
定抑或係未來嘅北區，全部都係塞到趴街先起新路
買得起車,唔想搭公交既
道路徵費唔會比唔起
學大陸單雙數車牌管理出行可能仲好
本帖最後由 kitarolo 於 2019-9-9 15:28 編輯
kay 發表於 2019-9-9 13:45
買得起車,唔想搭公交既
道路徵費唔會比唔起
佢哋所持嘅理由係已經付牌費
如果再加徵費氣燄可能更大
學大陸單雙數車牌管理出行可能仲好
單雙號限行成效存疑 - 大公网
由於內地有汽車製造業
數年前都有人想出買兩部
嘅方法應對,內文亦有提及
其他城市已實施嘅方案。
JH_LE4612 發表於 2019-9-9 06:13
太多持份者，例如話搞道路徵費，大把成日揸車入中環嘅大老闆或者中小企會反對，而政府最著重嘅就係經濟， ...
最根本嘅解決方法就係仿傚星洲推行擁車證制度實現私家車零增長
至少可以防止交通擠塞繼續惡化