本帖最後由 Toz 於 2019-10-17 22:24 編輯
雞車最難頂, 就係當你焗住上一架差唔多頂閘既雞車
(鴨車都一樣)
車頭引擎隔離又熱又嘈. 尤其爬山果陣, 車速慢左已經無咁好風, 但引擎又嘈左. 有幾嘈? 正常音量講野隔離都聽唔到.
真係好佩服個司機
以前點解細路都鐘意上樓上... 雞車鴨車絕對係一大"助力"
本帖最後由 kei_hk 於 2019-10-18 11:58 編輯
Toz 發表於 2019-10-17 22:23
雞車最難頂, 就係當你焗住上一架差唔多頂閘既雞車
(鴨車都一樣)
車頭引擎隔離又熱又嘈. 尤其爬山果陣, 車速 ...
所以﹐你見到唔少司機都唔會關司機門﹐就係因為好熱。;P
唔好話上斜﹐淨係市區慢車都夠熱死:L
另外﹐下層的座位佈局﹐全是 2+3 方式﹐當企了人之後﹐又要有人通過﹐你都咪話唔麻煩。
S3BL470@98A 發表於 2019-10-18 23:39
以70年代尾及80年代初的標準，利蘭勝利二型已經是先進的巴士。
九巴雞車提早退役，出現可惜的地方。
雞車兩三年翻一次車, 唔退就假了
鴨車穩陣過雞車好多. 九幾年有單 19A 鴨車功樂道出康寧道時個軚失靈衝落山坡, 超過四十五度, 五六層樓高, 咁都無翻到, 車上既人只係嚇餐死.
kei_hk 發表於 2019-10-18 11:53
所以﹐你見到唔少司機都唔會關司機門﹐就係因為好熱。
唔好話上斜﹐淨係市區慢車都夠熱死
好在市區塞車既地方唔係經常有雞車鴨車行
雞車通常都係山上駁鐵, 尤其東九龍大把
大熱天時要係彌敦道上就頂閘既雞車鴨車, 算了, 我落地底...
沒有記錯的話，雞車是九巴首批配風油軚的巴士
九巴珍寶唔似中巴咁配風油軚，結果搞到好多師傅工傷
此外，雞車亦令Volth DIWA 851波箱變得普及。
其實雞車係鎖油先搞到咁慢，睇過篇文
雞車初設計時係可以去到75km/h
以一款七十年代末的巴士而言算快
此外，雞車長約10米，載客量亦不低
可以配去大部分路面使用，平路上斜皆宜
所以好長一段時間都係九記通天老倌
甚至成為唔少線王的開線功臣及可靠副手，如40X、73X等
係後來11米大巴普及後先退居郊區鄉村線
雞車用現在的眼光來看無疑已經過時
但在七八十年代已言，雞車的確為香港公交作出不可磨滅的貢獻
勝利二型和喝采型一樣，值得在香港巴士歷史上留下光輝的印記。
印象中輪呔配搭中巴同九巴乜有不同，中巴配20吋鈴，呔可能系10.00-20
九巴就用晒22.5吋鈴前呔12R/22.5，尾呔11R22.5。九巴伲套明顯糸高性能配搭，吾知糸因為出事太多而令九巴自行升級？定糸出廠時已經系兩個規格。
ES6048 發表於 2019-10-19 01:18
沒有記錯的話，雞車是九巴首批配風油軚的巴士
九巴珍寶唔似中巴咁配風油軚，結果搞到好多師傅工傷
此外，雞 ...
雞鴨車載客同ATS ASV ADS 差唔多
Toz 發表於 2019-10-19 01:07
好在市區塞車既地方唔係經常有雞車鴨車行
雞車通常都係山上駁鐵, 尤其東九龍大把
好似都係睇不同年代
睇過一些舊相﹐新車年代好似都係派去過海線﹐市區線去掘金。
但一點都幾肯定﹐去到90年代初﹐已經取代珍寶車的地位﹐成為不同區域的開巟牛﹐成為唔少線的開國功臣。