關於「逆向」客源
本帖最後由 castanopsis 於 2020-1-10 11:42 編輯隔離個帖有版友問邊條路線逆向客源多
引起關於「逆向」定義既討論、對個概念既質疑
本來打算簡單覆兩句，但越打越長，決定另文討論，以免騎劫
——————
大家對「逆向」可以有唔同見解
但作為第一個/第一批用「逆向」形容非繁忙方向客源既版友
個人認為，若果要為「逆向」落一個定義，用開線的動機/初衷會最為清晰
大家覺得有部分路線難以分辨順向/逆向
主要係因為兩邊都同時具備住宅區/通勤位，造成雙向多客
個人覺得，要分順向逆向，只需要問一個問題：
一條來往A、B兩區既路線，若果A區無通勤位，條線會唔會開？
若果會，早繁B區去A區、下繁A區去B區，就係逆向
自然地，早繁A區去B區、下繁B區去A區，就係順向
以234X為例
無錯兩邊都同時有住宅區/工業區，兩邊都有客
但若果油尖旺只係得住宅區，條線怕且唔會開，就算開都唔會用現有走線
反之，就算荃灣/柴灣角無工業區，234X照樣會開線俾西約出油尖旺
所以我會認為，早繁往尖沙咀/下繁往灣景係順向，早繁往灣景/下繁往尖沙咀係逆向
又以798為例
兩邊都有需求，但開線初期早繁入將軍澳為咗加快回車而直飛調景嶺
好明顯見到條線開線初衷係為咗服務將軍澳居民入沙田返工
若果無人要入沙田返工，條線根本唔會開
無錯早繁入將軍澳、下繁入沙田一樣會頂閘
但我仍然會覺得，早繁入沙田/下繁返將軍澳，先係順向
同樣地
88係因應安達臣入伙而開線
若果沙田無旺區通勤位，條線根本唔會開
反之，就算沙田無人要去安達臣秀茂坪返工（其實確實係無乜），條線會照開
所以早繁入沙田/下繁返中秀係順向，早繁落中秀/下繁返沙田係逆向
以此引申，舉多幾個例子
87D 早繁入馬鞍山、下繁出尖沙咀 係逆向
682 早繁入馬鞍山、下繁出小西灣 係逆向
277X 早繁入粉嶺、下繁出藍田 係逆向
57M 早繁入屯門、下繁出荔景 係逆向
42C 早繁入青衣、下繁出藍田 係逆向
613/608 早繁往九龍、下繁往港島 係逆向
而我會覺得，取用「逆向」呢個字眼，無非都係想方便討論
以「286C全日後應唔應該部分時段繞經大學站」議題為例
大家都知道286C開線目的係想加快馬鞍山居民（順向客源）車程
但加經大學站可以透過增加非繁忙方向既客量改善營收
既然個討論重點係「逆向客源」，用「雙向客源」、「兩邊客」等，都唔夠specific
當然，確實唔係條條線都可以好輕易分得到順逆
特別係城隧線同市區流水，開線初衷可能已經想做曬兩邊
咁既情況我認為無必要強行套用個concept落去
如George Box所言，"All models are wrong, some are useful"
無錯順向逆向未必每次都分得到
但有用既嘢，就算唔完全正確，都有價值
89D係馬鞍山去藍田 例如早上往屯門嚟講
有三間大專院校又算唔算?
暑假時應該會較少呢一類客? 91M早繁係出彩虹坐滿入科大頂閘呢啲又點計 91M如果無科大客撐住，應該會喺1991年摺埋，呢個應該算特例 成段嘢係咪講緊「逆向」兩個字唔合你意? 57M上繁入屯門,下繁出荔景仲好客過倒轉,係普遍需求更大嘅方向,似順向多喎 KW2523 發表於 2020-1-10 14:29
57M上繁入屯門,下繁出荔景仲好客過倒轉,係普遍需求更大嘅方向,似順向多喎
但做IVE學生並非開線原意
只係後來有IVE先多咗學生
咁算唔算由順向變逆向？
計後來客量變化好似冇乜意思，係咪應該計當初開線目的係打算服務邊班人？
ccchhhuuunnn 發表於 2020-1-10 14:39
但做IVE學生並非開線原意
只係後來有IVE先多咗學生
咁算唔算由順向變逆向？
但係以57m嘅班次，其實佢兩邊都冇意做， 57m應該係屯門除了252以外班次最疏嘅路線，而且252客量都唔差 ccchhhuuunnn 發表於 2020-1-10 14:39
但做IVE學生並非開線原意
只係後來有IVE先多咗學生
咁算唔算由順向變逆向？
有D係要睇埋後期點樣開特車先至知。
例如118系，因為118P上午只開九龍方向下午只開港島方向，咁就顯得118系在政策上係柴灣小西灣居民通勤口味主導，而早上港島方向紅隧口之前既站唔多客上亦與此呼應。
而例如新巴88X明顯只係幾類散客炒埋一蝶係雙向客源，但都俾新巴搞到早上只開西行下午只開東行。
而例如264R更糊塗，差唔多只係元朗市鎮快速來往大埔市鎮既焯頭玩意，又係堆牛河客炒埋一蝶。