路線694重組建議
建議在將藍隧道通車後，把相關路線作出以下分拆：- 正線改為坑口開出，經將軍澳站、尚德、調景嶺、將藍後返回原線，班次建議為與現路線相同
- 支線(1)行車路線將軍澳段改為與690相同並改為繁忙時間特別路線，並繞經鰂魚涌
- 支線(2)是為新設之繁忙時間特別路線，於駛經將藍後直接前往將軍澳工業區
- 支線(3)，在原線經藍田後，經秀茂坪道前往安達臣石礦場用地，南行改經連德道返回原線。(服務詳情和資源按石礦場用地發展進行調整) 694一定唔夠客拆咁多條線 Commy 發表於 2020-2-6 18:46
694一定唔夠客拆咁多條線
不是拆，支線1、2都只是繁忙時間服務，支線3是新發展區新路線 配合近期討論 如果咁改，相信同推694去殺線無咩分別。
一、站位比現時更差
按閣下建議，坑口開出先經將軍澳站再往尚德，變相取道銀澳路嘅同時，
並無喺厚德、景林、頌明一帶設站，而令寶琳及坑口區站位變差。
另外，經將藍隧道直出，但至善過門不入，
變相步行去將軍澳站上車都仲要兜埋尚德+調景嶺，吸引力極低。
二、兜到E22A咁，根本吸唔到客
694原線都尚算田忌賽馬：調景嶺鬥舒服，將南/坑口鬥上到車，寶琳鬥快。
但閣下建議嘅694就淨係兜圈兜圈兜圈，仲未計調景嶺個站位慣常做法係順時針，
又或者入唔入調總、入唔入彩明街，呢三樣都夠班區佬有排嘈，
而嘈成點都好，三樣都係趕客，而調景嶺就依然鐵路完勝。
三、調景嶺吸引力極低
鐵路一站過海，繁時正常情況保證上到，快+平，
加上人口有限，694放調景嶺做尾站吸引力非常有限。
四、重蹈692P覆轍
都係田忌賽馬，692P當年殺線嘅原因，係延長前調景嶺根本唔夠鐵抽，
延長後坑口下馬打下馬，調景嶺仲無埋總站，最後全條線淨係做尚德咁際。
但閣下建議嘅694連尚德都吸引唔到（都未計尚德依家有天橋直達popcorn），
坑口及將南又幾乎趕客，寶琳就連站都無。
五、694原線客倉盡失
又係田忌賽馬，寶琳同坑口鐵路較貴+疏，坑口+將南繁時會上唔到，
所以694原線繁時都可以爆住過海。但閣下改完之後三者都會落晒鐵，完。
至於支線：恕我直言，三個支線全部都幾唔可行。
支線1會倒走原有694寶林客，而單靠康翠去撐起全條線可以有幾密班次呢？睇798A/B今年改動就一目了然
支線2客量會有幾多呢？其實本身可以797M轉鐵，或者未來繁時797轉694，直達客量應該不足。
支線3客量我無咩異議，但唔會用694支線做，因為果頭係對家613地頭，
況且如果694改行將藍，呢條支線就同主線更無任何關係。
-支線（4）改為西貢開出，經坑口、尚德、將藍後港島段改為與690相同並改為繁忙時間特別路線 越多分支唔代表越多乘客㗎，定線先至最重要 南韓金仔 發表於 2020-3-15 07:56
反建議694全日一拆二為694/694A694將廣後改經寶康路逆走,運隆路,茵怡,寶豐路,欣景路逆走至厚德商場後改經培 ...
先唔講694逆唔逆走，淨係694A已經唔可行啦，唔講巴士公司/對家畀唔畀，兜一兜上山，山下客盡失，基本上如果想兜山路，寶琳開/甚至翠林開已經夠晒
頁:
[1]