kei_hk 發表於 2020-2-17 15:35
或者我應該修正去講﹐今時今日或可用其他方法去處理消防問題﹐變相有起車站的可能性。
...
不過宜家嘅走線係行黃大仙道而唔係慈雲山，除非改道咪係都加唔到站
吳宗錡 發表於 2020-2-17 15:54
不過宜家嘅走線係行黃大仙道而唔係慈雲山，除非改道咪係都加唔到站
當然係講緊設計走線的階段啦
既然當時解決唔到設站的消防問題﹐當然就會採用更好的走線啦。
正如南港島線﹐最初都有打算跑馬地設站﹐那時的設計走線就會去到跑馬地馬埸下面經過。
但係現時的走線係點﹐大家都好清楚。
本帖最後由 paul2357paul 於 2020-2-17 18:20 編輯
kei_hk 發表於 2020-2-17 15:05
因為黃大仙真係唔知點去擴建做轉車站。
就算係附近位置﹐駁條好長的轉車通道﹐都好難搵合適位置建車站。
黃大仙道/竹園道路段既然用鑽爆都起到，但反而加唔到站？
會搞到黃大仙伺？純粹唔想咁密站？
港鐵性格唔鍾意為公屋特登起個鐵路站？
鑽石山站喺60年代已經規劃咗做轉車站，所以宜家個觀塘綫月台係特闊設計，站內亦預留位處處
雖然最後港鐵無揀到用東九龍綫預留位興建沙中綫（極之可惜），但鑽石山站仍然相當適合發展做轉車站
強行改建黃大仙站只會重覆九龍塘站嘅錯誤——轉乘通道長不方便乘客之餘，月台候車位置亦不足以應付轉車人流
paul2357paul 發表於 2020-2-17 18:13
黃大仙道/竹園道路段既然用鑽爆都起到，但反而加唔到站？
會搞到黃大仙伺？純粹唔想咁密站？
港鐵性格唔鍾 ...
顯徑邨一帶得3萬人住都有站嘅時候，你呢個講法難以成立
hokachung 發表於 2020-2-17 19:59
顯徑邨一帶得3萬人住都有站嘅時候，你呢個講法難以成立
不過港鐵既性格對於公屋居屋順路加站方面選擇性都幾重。
講番馬鐵延長方面，現時就算揀左竹園邨地底經過都冇打算加個竹園邨站。
本帖最後由 Lyt_Kondisc 於 2020-4-4 23:41 編輯
del
kei_hk 發表於 2020-2-17 15:05
因為黃大仙真係唔知點去擴建做轉車站。
就算係附近位置﹐駁條好長的轉車通道﹐都好難搵合適位置建車站。
據說取消慈雲山站除了起得太深,其位置就是落斜位,無足夠位煞車
本帖最後由 matthew1009 於 2020-6-27 23:06 編輯
(19/2/2019更新)(上面版友講咗，鑽石山站已經係60年代已經規劃咗做轉車站，從來未考慮過以黃大仙做轉車站)
一直睇落，都係以鑽石山站做轉車站；
《鐵路發展策略2000》 ：沙田至中環線由東九龍線、第四條過海鐵路線和大圍至鑽石山線組成，這將會是一條新策略性鐵路走廊。
大圍至鑽石山之間嘅走線(2001年有關沙田至中環線的簡介資料/進度報告)
2002年6月，地鐵/九鐵嘅標書方案+決定營辦機構嘅文件(當中地鐵方案會經過慈雲山地底，但係冇站)
加慈雲山站係2002年8月九鐵提出嘅，位於地底下約100米(2002年9月嘅進度報告/九鐵投影片)
但係2004年2月九鐵取消咗慈雲山站，理由為地質問題同緊急疏散問題。(2004年2月嘅進度報告/九鐵投影片：改東鐵過海，取消慈雲山站，改為用APM駁上慈樂。)
由於沙中線要避開地鐵鑽石山站，因此慈雲山站要在地底逾一百米深處興建，乘客出入車站相當不便，遇有緊急情況時疏散乘客會十分困難；另外，經過廣泛的過地質勘察，發現該處並沒有適合建站的岩層，若要在該處興建車站，必須利用高風險的特殊施工技術。因此，本公司認為在該處建站並非是一個明智的選擇 。
直至2007年7月沙中線合併方案取消埋慈雲山APM
而家屯馬綫經過黃大仙下面，當時嘅選線(沙中綫黃大仙段問與答小冊子)係咁：(紫色綫亦都係地鐵投標方案/九鐵慈雲山站嘅路線)
另外維基百科有提及到黃大仙區議會提議喺黃大仙加站：
於馬仔坑遊樂場改以興建港鐵車站竹園站和連接黃大仙站以方便該區居民，聲稱可減低民怨，以及紓緩鑽石山站未來作為沙田至中環綫轉駁觀塘綫乘客的使用量。
而MTR Service Update對於黃大仙冇站嘅解釋：
列車會一直落斜到鑽石山站的地底，坡道為 33/1000。以現時的科技，若非興建纜車或齒條鐵路，列車不能於滿載下安全地由極速煞車停下，故未能另設車站。
hokachung 發表於 2020-2-17 19:54
鑽石山站喺60年代已經規劃咗做轉車站，所以宜家個觀塘綫月台係特闊設計，站內亦預留位處處
雖然最後港鐵無 ...
我都同意呢點係關鍵
鑽石山喺規劃就已經預咗係轉車站，先天條件一早已有，可以話係the chosen one
即使而家嘅鑽石山站並唔係跨月台轉乘，但轉乘道道仍然比起其他轉車站寬敞得多
黃大仙站並無寬敞呢個先天條件，而且喺黃大仙上邨重建時無作任何預留，錯失變為轉車站嘅最後機會
我記得十幾年前未有慈雲山加站方案時，曾經喺竹園巴士總站圍欄杆探土，當時擬定走線係直接穿過竹園巴總，直插竹園村各座地底，相信並無加站條件，更從未考慮黃大仙站