kei_hk 發表於 2020-2-18 09:58
龍翔道要大改道係唔係吹大左個影響﹐真係見仁見置。
我只可以講﹐當時同一時間係想做獅隧大翻新﹐工程期 ...
將來中九龍幹線通車，龍翔道車流自然會減少，咁就可以展開工程使用鑽石山站月台預留位
本帖最後由 paul2357paul 於 2020-2-19 01:19 編輯
s3n370 發表於 2020-2-18 16:51
同樓主問0既問題係兩回事
咪嘈，已改了標題。
傾傾下有引申問題唔通下下另開新主題咩？
應該冇咁複雜吧，純粹鑽石山近新蒲崗工業區方便新界東人搭馬鐵落去返工而唔影響觀塘綫吧？至於馬鐵點解要兜大圍，我諗除非馬鐵行Y 型在第一城以北伸延支綫去火炭/大學，否則就毫無疑問地規畫大圍站做轉車站，期望去分流東鐵以及增加馬鐵客流
本帖最後由 paul2357paul 於 2020-2-19 02:14 編輯
mckhgc 發表於 2020-2-18 12:21
其實馬鐵延長，順路應該做青沙鐵路版：顯徑後繼續向西南，以長沙灣或/及南昌為轉乘站。長遠可考慮再轉向西 ...
你咁分析都幾有意義。
其實果D鐵路發展策略下下定死哂大方向轉唔到？
講番呢條馬鞍山線去到舊機場搬走哂都仲要繼續直達紅磡土瓜灣的確幾不合時宜，明明沙田區來往啟德九龍灣觀塘呢個通勤方向佔很高比重。
跟住觀塘商貿區又刻意唔整多組鐵路分流，諗埋哂D低運量既單軌。
本帖最後由 paul2357paul 於 2020-2-19 02:12 編輯
ryandroid 發表於 2020-2-19 01:24
應該冇咁複雜吧，純粹鑽石山近新蒲崗工業區方便新界東人搭馬鐵落去返工而唔影響觀塘綫吧？至於馬鐵點解要兜 ...
留意早年版本係大圍直落慈雲山站及鑽石山站，完全冇諗到再南少少既谷位有埋隆亨邨顯徑邨：
https://www.hkitalk.net/HKiTalk2/thread-1161868-1-1.html去到近代其實改馬鐵第一城站直落都得，但要改馬鐵轉向馬場站改組為新版火炭站與東鐵線轉乘......
講起鑽石山有個組織當年寫過篇咁既嘢
https://medium.com/@mtrupdate/%E6%B2%99%E7%94%B0%E8%87%B3%E4%B8%AD%E7%92%B0%E7%B6%AB-%E7%AC%AC%E4%B8%80%E6%9C%9F-bf1397a450c9
依佢講法就同錢銀關係較大喇
講起鑽石山站, 我呢位巴士迷想問一個問題, 宜家口水計劃中嘅東九龍線, 總站預計響鑽石山, 但有無可能把佢延伸去到九龍西, 可能以南昌為總站, 純粹google地圖時忽發其想
一開始1967年《地下集體運輸研究》中嘅沙田線係以禾寮坑（火炭）做總站嘅。其實噉做法對於分流九廣鐵路來講作用係唔係更加大？因為沙田一帶會少咗大埔同埋北區去東九龍嘅客。噉2001年競投時，九鐵就為咗同馬鐵連埋一齊就選擇由大圍站繼續延伸。但係點解地鐵方案都係以大圍站而唔係火炭站做總站？
matchnacu 發表於 2020-2-19 08:06
講起鑽石山站, 我呢位巴士迷想問一個問題, 宜家口水計劃中嘅東九龍線, 總站預計響鑽石山, 但有無可能把佢延 ...
我就比較想取消起啟德單軌，改為起重型鐵路，由油塘站出發，經過郵輪碼頭、九龍灣商貿區去啟德站或者宋皇臺站，再向西延伸。
paul2357paul 發表於 2020-2-19 01:53
留意早年版本係大圍直落慈雲山站及鑽石山站，完全冇諗到再南少少既谷位有埋隆亨邨顯徑邨：
https://www.hk ...
其實馬鐵點改駁去鑽石山同東鐵
都快唔過大老山隧道巴士
呢個係非戰之罪
馬鐵去鑽石山現時嘅最大用途都只係當大老山隧道及觀塘道塞車時
馬鐵可以成為比較穩定嘅替代選擇
另外如果改馬鐵由第一城去鑽石山、東九
也要想想喺沙田同東九車廠邊度起
也要想想沙田圍、秦石嘅乘客點算
基本上馬鐵就係為咗馬鐵乘客喺大圍轉東鐵出九龍中、港島為主
馬鐵出鑽石山只係氹東鐵客去東九工商區轉用馬鐵去鑽石山
去讓啲位出嚟俾馬鐵客
如果啟德多商業區嘅話
馬鐵出鑽石山/啟德嘅作用大好多
只係馬鐵起完之後到依家伸延去啟德
啟德就變咗住宅為主加體育園
馬鐵出啟德嘅吸引力打折扣
唯有用單軌去吸引新東客集中經馬鐵及啟德去九龍灣商貿區及觀塘商貿區
但單軌成本高
轉乘車費訂得高又會趕客
回本問題成疑
技術問題亦未知可否克服
政府早啲醒覺擱置啟德單軌
直接起九龍東西綫貫通啟德、九龍灣商貿區核心及觀塘商貿區核心嘅話
咁馬鐵經大圍去啟德就有更明顯嘅效益了