本帖最後由 Lyt_Kondisc 於 2020-4-4 22:43 編輯
del
mak5052 發表於 2020-2-25 21:40
如果荃屯線東延到大窩口, 同荃灣線直通運轉, 屯門端去屯門南 (俾屯門可以直出港島), 點看? (2013 年我在...
其實好難講，如果出市區嘅話我諗應該要由美孚開始計。屯門 - 美孚依家 25-27 分鐘，將來南延到屯門南，30 分鐘內應該跑完全程。
我當荃灣綫過咗大窩口之後開盡 80km/h，大窩口 - 美孚都要用 9 分鐘左右，即係要 21 分鐘跑完大窩口 - 屯門南。
三聖起計，去大窩口 19km 左右，如果車站密度要好似市區段咁，我諗要大約 36-38 分鐘先跑完全程。
依家屯門上車又唔係上唔到，除非真係好想去大窩口 - 茘景一段又唔想轉車，又或者係青公沿線上車，否則揾鬼搭。
解決方法呢，一係加速一係減站，但就算減極站都好，都要預留 4-5 個站俾沿線（黃金海岸、掃管笏、青龍頭、深井、荃灣西約）。
一個差唔多距離嘅比較會係東涌綫，我就算當香港 - 青衣要 16 分鐘，距離同三聖 - 西約差唔多。
但因為荃灣綫慢嘅關係，應該要慢過 16 分鐘跑完，仲要加返西約 - 大窩口 3 分鐘。
結論係屯門唔會快咗，沿線都無咩空地可以發展地產項目（掃管笏都起咗好多），好細說服力起到。
至於開新線，我個人比較 prefer 經青衣走嘅。因為荃灣 - 美孚一段市區線實在唔快，要同西鐵鬥快只能直出市區。
理論上就經汀九橋附近過青衣係理想方案，再經青衣南、茘景，optionally 去大圍又得，呈祥道跑落石硤尾甚至九龍東又得（FF mode）。
不過當年起汀九橋都無打算起鐵路啦，青衣南出過茘景又有機會撞貨櫃碼頭，工程難度應該幾大，所以都係算啦。
最後起完之後，西鐵轉東涌綫過海應該會快過荃灣綫過海，到時方便咗嘅只會係去東九龍嘅客，因為西鐵點都要美孚轉一次車。
tonychow 發表於 2020-2-26 13:31
其實好難講，如果出市區嘅話我諗應該要由美孚開始計。屯門 - 美孚依家 25-27 分鐘，將來南延到屯門南，30 ...
屯荃鐵路好似未正式擱置
如果屯荃角色定位係用唻分流西鐵
相信效果都唔差
(以下FF，不喜請插)
之前有板友FF東九龍線西延到旺角西
索性搞場大龍鳳啦
FF1: 屯門南－黃金海岸－掃管笏－青龍頭－(青衣)－青衣南－奧運－(旺角東附近)－(九龍醫院一帶)－啟德－鑽石山
FF2: 屯門南－黃金海岸－掃管笏－青龍頭－(青衣)－青衣南－奧運－何文田－啟德－鑽石山
甚至乎第5過海隧道復活XD
FF3:屯門南－黃金海岸－掃管笏－青龍頭－(青衣)－青衣南－奧運－何文田－會展/(銅鑼灣北)
(FF完畢)
joesiu27 發表於 2020-2-26 14:39
屯荃鐵路好似未正式擱置
如果屯荃角色定位係用唻分流西鐵
相信效果都唔差
第五條過海隧道就觀塘綫再延伸好過啦！
吳宗錡 發表於 2020-2-26 14:53
第五條過海隧道就觀塘綫再延伸好過啦！
我諗唔到點樣再用觀塘線過海
黃埔再起多個月台？應該好難喎
調景嶺兜大圈再過海？仲難喎
本帖最後由 Lyt_Kondisc 於 2020-4-4 22:43 編輯
del
Lyt_Kondisc 發表於 2020-2-26 15:24
咁我就喺呢度回覆你⋯⋯
東九龍綫原本只係專為山區居民而設，運量唔大，再加上走綫問題，列車卡數被限制 ...
優質觀點不妨討論
包括呢點：
屯九線可以連接九龍東一帶商業近海一帶，就好似當年東涌線可以舒緩荃灣線壓力，咁條屯九線就可以舒緩觀塘線壓力。
確實，如果有條屯九線可以紓緩到觀塘線就最好
但走線要考慮九龍東新商貿區(呢度先係最多客的地方)
tonychow 發表於 2020-2-26 13:31
其實好難講，如果出市區嘅話我諗應該要由美孚開始計。屯門 - 美孚依家 25-27 分鐘，將來南延到屯門南，30 ...
如果屯荃鐵路起四線，一條站站停，4分鐘一班，
一條屯門南站開出之後唔停站直達荃灣西站，12分鐘一班，
得唔得？