建議260X、67X上繁部分北行班次繞經/延長至黃埔/何文田
本帖最後由 qunow 於 2020-3-26 15:54 編輯儘管屯馬線全線開通在即，為東九龍區域居民提供直達新界西北的服務，由於相關鐵路線並不覆蓋黃埔一帶區域或何文田北部一帶區域，相關區域居民依然需要轉車才能往返新界西北。為解決此情況，建議260X早上部分班次於紅磡站開出後，先繞經黃埔一帶接載當區居民後再返回原線前往屯門，以服務黃埔一帶區域居民，以及建議67X早上部分班次於駛至旺角道後，經忠考街延長至愛民，以方便屯門及何文田居民往返。 而家巴士公司似乎逐漸放棄逆向客源，要增加行車時間去額外服務九龍細區入新界都幾難
但係鐵路就由於大部分路線都係得一個靠近住宅區嘅車廠，出車收車都喺嗰頭，繁時逆向都要維持相若班次
龜鐵衰極都未到紐約地鐵嗰種地步，於是運豬好可能推佢地搭鐵
最大公約數始終係由鐵路處理主要通勤需求，巴士由餅碎入面執啲黎食 Ricky403 發表於 2020-3-26 21:45
而家巴士公司似乎逐漸放棄逆向客源，要增加行車時間去額外服務九龍細區入新界都幾難
但係鐵路就由於大部分 ...
以前90年代嗰陣巴士公司好樂意做逆向客源，上繁完結嗰陣啲市區入新界嘅路線可以開到成5-8分鐘一班，係近年減下減下好多已經減到15-20分鐘一班，新開嘅路線直情連開返新界都費事。以58X做例子，2014年九巴大規模減班之前，一至五市區方向06:30-09:59開4-8，屯門方向08:19-10:01開5-7；下繁市區方向16:16-17:28開6，回程16:59-19:51開4-6，之後一減，上繁回程同下繁去程就一嘢減到非繁嘅10-12。58M喺大減班之前，葵芳開去屯門08:20-13:56係開4-6，而家減到成10分鐘一班，轉車站等58M返建生有排等。68X喺未拆線之前，佐敦開一至五08:20到尾車都係6-10，而家68X折墮到25，268X折墮到30，遠遠不及當年未拆線之前嘅服務水平，一走咗班車就基本上已經可以地底見（真正要去八鄉嘅就焗等多半粒鐘啦）。
當年初初有冷氣巴嗰陣，啲冷氣巴用來做單向嘅晨早返工專線，行完之後就行普通路線返新界，令到好多頹線90年代初已經加咗冷（但係只係得逆通勤方向一單），好似270A嘅冷氣巴行70回程，271冷氣巴就行72X回程，258D同259D冷氣巴就行62X回程咁。
近年巴士公司不斷喺度減班趕客，繁忙時間區區旺角大線268X都可以30分鐘一班，反觀黨鐵就不斷加班，非繁忙時間以往市區線係4-5分鐘一班，加下加下已經加到3分半甚至3分，星期六更加可以開到由朝早到黃昏同一至五繁忙時間一樣2分半內，根本就係巴士公司唔想做生意，借啲就收車減班，一般研究認為市區線10-15分鐘以內就算係頻密班次，超過咗乘客就會開始依賴時間表出行（亦即係所謂嘅趕客班次）。大家有眼見而家九龍市區有幾多條路線係平日日間大部分時段15分鐘以內一班？！連區內線都可以開到20-30，等車時間隨時係車程嘅幾倍！搭5分鐘車等10分鐘已經唔理想，而家分分鐘係搭5分鐘等30分鐘！
頁:
[1]