[問題/討論] 啟德發展區未來道路網絡規劃
啟德發展區未來會有體育園區、地下街、SOGO等設施，但陸路交通發展現時好似仲係較遜色，例如沐安街同沐元街仍未互相連接，啟德站附近嘅陸路交通配套亦較少，而連接其他地區暫只有太子道東及承啟道。未來啟德會唔會有更多有關道路嘅改善計劃呢？定係會依靠鐵路為主？
我個人就prefer沐安街同沐元街最少連埋一齊先，甚至沐寧街如果有得再南延會更好。
歡迎討論！
https://www.ktd.gov.hk/tchina/overview.html
啟德發展計劃以人車分隔、廣闊步行區為宗旨，所以內區道路唔會連接。
DIH 發表於 2020-4-13 22:24
https://www.ktd.gov.hk/tchina/overview.html
啟德發展計劃以人車分隔、廣闊步行區為宗旨，所以內區道路 ...
個設計其實好離地
結果係巴士服務好唔方便, 要左兜右兜
多少少違泊已經攪到塞死晒
DIH 發表於 2020-4-13 22:24
https://www.ktd.gov.hk/tchina/overview.html
啟德發展計劃以人車分隔、廣闊步行區為宗旨，所以內區道路 ...
感謝提供資料，我個人覺得沐安街同沐元街如果唔連接起黎，周邊嘅街道個負荷就會較大，同埋啟德嘅陸路交通會不足
根本呢個設計就係智障
條條路都係掘頭路, 可以預見違泊會係家常便飯
喺呢個情況下, 巴士入哂咁多條路隨時塞死
而且觀感亦好差(不斷出出入入同一條路)
唔入去咩? 居民行出去巴士站同黨鐵站又差唔多步程
結果就係如政府所願, 全城保鐵 本帖最後由 Schrodcan 於 2020-4-17 12:46 編輯
DIH 發表於 2020-4-13 22:24
https://www.ktd.gov.hk/tchina/overview.html
啟德發展計劃以人車分隔、廣闊步行區為宗旨，所以內區道路 ...
口號還口號，即使係上世紀嘅舊人車分隔概念，如果唔將包括小巴同的士嘅路面公共交通變得最方便、最多 mobility option，係唔會令到居民用少啲私家車，甚至 cul-de-sac 本身可能會營造私人同封閉嘅氣氛，令街道保持冷清，流動太少一樣冇舒適感，唔符合城市環境。唔見得而家行路環境好好，條路咪一鬼樣，加上一堆私家車出入同違泊，畀唔到行人同公共交通用戶優先嘅感覺。而且行路要同公共交通配合（南面又唔係有鐵路，保鐵上都有甩漏），公共交通專用道路唔會點阻到行人，對佢哋有着數；人口老化下噉都忽視咗步行不便嘅老人家同其他弱勢用者嘅基本需要，亦冇考慮唔同用家嘅偏好。所以現代嚟講一物還一物，由一開始起到基礎個街道網高 connectivity 嘅係可以令所有車（包括私家車同貨車）兜少啲路、減少行車量個VKT/VMT，點 traffic-calming 同管理道路使用個 permeability 同 accessibility 係後話，好易改變，整錯街道網好難返轉頭。
整掘頭路照可以整啲循環路徑，唔係一條條 cul-de-sac 噉。
Schrodcan 發表於 2020-4-17 12:30
口號還口號，即使係上世紀嘅舊人車分隔概念，如果唔將包括小巴同的士嘅路面公共交通變得最方便、最多 mobi ...
而且條條掘頭路仲有一個問題就係只要條路有咩塞死咗(例如壞車)
成條街d車就冇位走, 齊齊死等
本帖最後由 DIH 於 2020-4-18 22:04 編輯
Schrodcan 發表於 2020-4-17 12:30
口號還口號，即使係上世紀嘅舊人車分隔概念，如果唔將包括小巴同的士嘅路面公共交通變得最方便、最多 mobi ...
成件事係好離地，就算畀你啟德整到又點，又唔係有出入關卡（如馬灣或愉景灣），人同車都係同出面一樣，淨係識畫圖，到真正落實都係一鑊泡。
就算想鼓勵行路，都唔代表車路要搞成咁，打通馬路，起條靚仔啲嘅行人天橋或隧道重好。
而家連啟德單軌都未見影，結果咪又係塞堆巴士線入去。
DIH 發表於 2020-4-17 15:04
成件事係好離地，就算畀你啟德整到又點，又唔係有出入關卡（如馬灣或愉景灣），人同車都係同出面一樣，淨 ...
個人覺得將軍澳果種屋苑-天橋-商場-地鐵站模式已經係最貼近香港人嘅生活模式。啟德硬套外國模式落嚟本身已經係錯。香港又熱又多雨，條路要好行最好就係有冷氣，其次係有蓋，啟德內街造一個大型廣場無所謂，但至少地下街應該駁入屋苑，發展商就可以加到地下出口（商場）之餘，唔會成個住宅區嚴重缺乏商舖。 DIH 發表於 2020-4-17 15:04
成件事係好離地，就算畀你啟德整到又點，又唔係有出入關卡（如馬灣或愉景灣），人同車都係同出面一樣，淨 ...
作為九龍人，我想講我係好討厭行人天橋同隧道
行人天橋同隧道其實本身已經係將行人嘅地位擺咗去較次要嘅位置，要去遷就車輛
反而老老實實咁用返紅綠燈斑馬線對於行人其實仲方便