bennyho1004 發表於 2020-5-5 19:55
K巴升格做埋?
就係唔想搵港鐵做先搵綠小做，港鐵大西北本身都唔多夠車
小巴取代巴士最大嘅問題係無轉乘優惠、車費較貴；其次係「轉小巴容易轉巴士難」，即係轉得小巴就算他日客量高企都難以轉返巴士；仲有就係若管理欠佳，有可能經常脫班/全日都現人龍。
不如大小巴一齊行啦，繁時用12/12.8米雙層，非繁忙時間用19座豐田Coaster仲好，咁會合乎成本效益
本帖最後由 expertuser2004 於 2020-5-10 14:33 編輯
紅小村(紅小/綠小/邨巴) 三巴沒轉乘優惠, 而且紅小仲受多種限制影響(如不上得高速, 有禁入牌, 也有專門給紅小禁止停車的牌)
若果要小巴普及化, 呢D 限制必須一筆勾消先可以, 澳門已有不少三門12米大巴有低地台, 香港小巴/大巴改不到真是好落後
長遠直頭要小巴俾巴士公司管理
小巴行業自己都請唔到人啦,你呢種建議,真的以為你係計運輸署高官添
講得出呢啲理論嘅人根本就唔理解小巴係一種點樣嘅存在
小巴係由「階磚仔」泥鯭的士演變而成嘅交通工具，點可以同巴士相比?
點解小巴會有「上滿客行捷徑」嘅「陋習」? 因為佢哋嘅起源根本就係泥鯭的士嘅形式，根本就唔係陋習，而係傳統
喺要求用小巴取代巴士之前，唔該溫下功課，了解一下小巴嘅功能同背景先，唔好運輸署同你講乜嘢就信晒係乜嘢，咩「低需求交通走廊服務」呢啲係不折不扣嘅廢話嚟
如果運輸署真係咁叻管理小巴行業，就唔會搞到七成「專線小巴路線」虧損啦，我唔該佢運輸署：慳啲啦
紅色小巴係泥鯭的，但綠色小巴唔係。綠色小巴根本就係巴士嘅一種。