本帖最後由 smartboy 於 2020-7-7 21:55 編輯
終於有版友講起呢個我研究過好一陣子嘅問題。
根據我呢位半山地頭蟲嘅研究，對比返網上資料，發覺多年黎關於羅便臣道交通嘅討論都有兩個盲點：1. 1973年半山巴士線專線研究工作進行期間，其實中巴同當年嘅運輸科都未有放棄維持羅便臣道西行巴士服務，所以從來都唔係話東西行一定要行死某路段（13自開辦就途經一段堅道東行，而且實行左一個月都無就已經因為用車問題而比103行返全段堅道東行）只係定線傾向行經相關路段。如果當年政府向中巴方面建議最終實行左的話，13線嘅現有角色係可以近乎完全由更改走線後嘅12線取代。亦即表示13呢條線好大機會無須開辦。https://lh6.googleusercontent.com/cytrxuEmw9NIpWpnP32s2ZEiGRsO7AX3p2fRgw-a1TK2CWzs8gUeMgg0BBOAmDv3M9OIlNlKjUP0Jr6tMA7Z3EMGo4dLBZ48ynTwQIrpWqx4z6l4soE6LjDH4q-sqIiNy-Ko7zlr（中環 → 羅便臣道西行 → 旭龢道掉頭 → 跟13線落山，但直行羅便臣道折返中環）
少少題外話，當年半山巴士專線籌備期間，中巴曾經打算係巴丙頓道試車，但被運輸科當局拒絕。https://lh5.googleusercontent.com/-FplSJn9NPBEGDaPuued7es5SCPYdUmMsYBflJ6cFp1Ih2nLnGREOFN7KMZGcMPryYUZ3_NRpcY8lDLKCAyYAFBLT32zXn4zJvBVnV36AGzk7dLydlFUlGGzSbBdGQndGHYbPZPZ
2. 而其實以上建議路線係專線實施23年後，即係97年城巴接辦3號線（3B）之後曾經被重新提出（相信係唔希望同3B過份重疊以及搶13線嘅客），同當年政府建議嘅唯一分別就係唔經旭龢道，羅便臣道尾直接轉落屋蘭士街。呢一年可謂專線成立以黎羅便臣道西行最接近重新有巴士服務嘅時候。據當年住係附近嘅街坊講，乘客通告同站牌通通搞掂，亦都解釋到點解城記會零零舍舍有「列堤頓道」嘅布牌。準備功夫充足到近乎開新線嘅程度，可惜嘅係最後依然係不了了之。最奇怪嘅係，咁大幅度嘅改動，我暫時都只係響HKBDB嘅舊文庫度揾到相關討論，連巴典同wiki都無相關紀載。
之後分別就係03同08年，曾經提出過嘅3B+12→新3號 / 12+13 → 西摩道版13。前者聽聞就係為左兼顧西摩道變得太過兜而擱置，後者就係因為區會反對般咸道柏道無車去旭龢道。其實我覺得兩者都係可行，但前提係23A要存在。而係3B都已經不復存在嘅年代，半山電梯三寶（12,12M,13）係唔洗旨意郁住。唯一仲可以郁到而有潛力做大塊餅嘅, 就只有樓主所講嘅40/40M呢一pair。
至於唯一解釋到巴士公司無考慮擺線上西行嘅原因就得重量限制，但所謂嘅5.5公噸重量限制，其實只係一至六繁時，上下午一共4個鐘頭實施。
smartboy 發表於 2020-7-7 21:53
終於有版友講起呢個我研究過好一陣子嘅問題。
根據我呢位半山地頭蟲嘅研究，對比返網上資料，發覺多年黎關 ...
我諗當年中巴,城巴,新巴點解唔肯用呢埋重組方案處理3/3B,12,12M,13鬥禿問題,應該估計巴士公司唔想額外專登養批單層行走呢個問題而失敗.(因為羅便臣道西行路面問題唔可以用細雙層行走而且該路段局部時間係限重問題);P
本帖最後由 smartboy 於 2020-7-8 12:02 編輯
AtrHenu 發表於 2020-7-8 06:30
我諗當年中巴,城巴,新巴點解唔肯用呢埋重組方案處理3/3B,12,12M,13鬥禿問題,應該估計巴士公司唔想額外專 ...
羅便臣道西行城巴雙層
https://www.youtube.com/watch?v=4Q04t3KYyOk
其實我諗西行路況／上下繁限重都唔係問題重點
12/M係1995年後派車就已經大部份時間用單層，直至近年先有轉變
13就一向頭車私牌行勻近乎全段西行
重量限制要exclude比專利巴士都不見得有咩困難
而且近年關於羅便臣道西行嘅巴士路線建議（97年花園道登頂嘅12逆向走，03年／08年嘅新3號／新13西摩道右轉）全部都係巴士公司主動想整合半山交通資源而主動提出在先，反而區會咁多年黎只係提過一次左右。
而97年12線逆向走方案都頗肯定運輸處同區會都已經pass左，只係半山已經唔止一次出左乘客通告都要撻訂嘅紀錄（咁啱全部12系路線都有試過）;P
我覺得反而係當年區佬左ban右ban，城新一家親，再加上港島線西延，先至慢慢令佢地放棄半山market（本身都唔係多肉食）所以近幾年都係諗點減車，唔會再同你執頭執尾。
smartboy 發表於 2020-7-8 11:59
羅便臣道西行城巴雙層
https://www.youtube.com/watch?v=4Q04t3KYyOk
其實我諗西行路況／上下繁限重都唔係 ...
可能係
羅便臣道西行同取消堅道巴士線
係同一package既野
第二
羅便臣道西行比巴士行
東行既羅便臣道好可能要陪西行雙向搣柴改用10米車
GA6072 發表於 2020-7-8 13:08
可能係
羅便臣道西行同取消堅道巴士線
係同一package既野
第一點都唔排除，但之前未有意見話取消巴士專線之前間唔中都有提出過西行行車。況且堅道東行一直都唔係羅便臣道西行咁樣嘅真空狀態。
車長果方面，其實羅便臣道大部份路段都有分層天橋分隔東西行，大半段都可以做到雙線行車，而且堅道有唔少路段嘅闊度可能仲窄過羅便臣道。所以齋行西行就無咩大問題，但如果好似樓主個方案咁擺40上去，柏道西行落山，就即係要 羅便臣道--> 屋蘭士街 --> 列堤頓道 --> 柏道 咁樣上落山，而明顯地柏道比起羅便臣道係更加無可能雙向都容納到12米，即係話至少要單邊搣柴。
smartboy 發表於 2020-7-8 13:40
第一點都唔排除，但之前未有意見話取消巴士專線之前間唔中都有提出過西行行車。況且堅道東行一直都唔係羅 ...
可能係
施壓取消巴士專線既壓力係好大下
般咸道以上既朋友,至窮都係速熊運輸果一家
東行可以skip中環又暢通既走線有山道天橋
但西行可以skip中環又暢通既走線只有呢條
需要特別保護