671 點解咁坎坷
講南區段客少，唔多唔少係俾佢世界級班次，同埋服務時間短而影響乘搭意欲，但佢由銅鑼灣到北角，執619 同 601 雞都執到笑，理論上都唔係一條蝕到入肉既線講塞車，601 619 響中環灣仔都一樣有塞車問題，而家香隧塞車狀況其實同市區狀況差唔多
講南區段載空問題，170 都有同樣問題，又係靠市區客撐住條線，但又唔見得出現671 既頹做問題，點解671 總係做唔起？做到繁時12-15, 非繁20 一班，再改到十點尾車，可唔可以改善到671 既坎坷問題？
作為鑽石山人，我都想佢有「正常」尾車時間，銅鑼灣消遣完，南區起碼23:00尾班車先叫正路，20分一班等得過都可以放棄搭鐵。 前途同606差唔多 呢條線係用嚟填窿多啲, 鴨脷洲-東九, 黃竹坑 香港仔-觀塘, 利南-港島流水, 南區及鑽石山東隧轉乘網絡, 咁多樣嘢炒埋一碟先夠做, 但冇咗671就要轉車, 以及影響到轉乘網絡.
而家開30分鐘一班, 當初係開緊十幾分鐘一班, 但當時係未有ETA年代, 唔係定點班次根本唔識預時間去等, 南港島綫通車後有ETA, 兩個年代當中揀一個, 我寧願要而家開30分鐘一班有ETA睇.
事實上, 有定點, 有ETA, 唔計銅鑼灣-觀塘區呢段執雞見車就上, 起碼鑽石山開到觀塘道, 同埋利南開到海怡 利東 黃竹坑, 要預時間唔難.
不過, 客量上升空間受制於南港島綫通車, 即使要金鐘轉車, 南區去東九龍地鐵快而穩定得多, 早繁過港島, 東隧塞車嚴重, 好多人搭番地鐵, 只係好在其他時間唔塞車, 東九去南區唔慢, 去北角 銅鑼灣有雞執下. 本帖最後由 miklcct 於 2020-7-5 19:14 編輯
671太慢啦，總站開車45分鐘都未過到海，尤其係北行要入銅鑼灣，所以南區基本上唔會有人搭過海嘅啦，南區北行必然係載空氣。
671呢條線基本上無得救，如果要南區有人搭過海，唯一做法香隧後下站東隧，但係堅拿道一塞又係死。至於九龍段全程同觀塘線重疊，基本上乘客已經全部保鐵（606都有類似問題），唔似得601同619做半山區，有固定客源基礎。 671班次穩定時，客量唔係太差 其實利樂街多唔多人要過海返工?
本帖最後由 ky927 於 2020-7-5 19:31 編輯
老實，好大改善係好難。一係大膽啲
1）拉上慈雲山，做116北角特快嘅角色（唔知快幾多）；
2）放棄北角天后；改行薄扶林道+西營盤+中灣繞（做觀塘<>西營盤特快）
Point2 呢點好似好crazy，但未至於唔work。
一）薄扶林無觀塘線，可以做東隧駁腳；
二）西營盤/信德尾站入中灣繞去東隧，食左101/601特快嘅角色；
三）雖然行大運，但避開哂塞車位同避左619嘅重疊位
四）薄扶林做華富or置富<>東九返工都係現時可托展空間
shakugan2005 發表於 2020-7-5 19:23
其實利樂街多唔多人要過海返工?
671開線以來, 利南沒有住宅, 但遲啲有地王級豪宅出現, 情況有變.
南行還可以 執下77 99雞;P
北行佢行觀塘道 但法院下站係創紀 搵鬼搭
停apm出面都有得諗下ge 雖然要陪塞 ;P