gsrc0525 發表於 2020-9-21 08:36
咁將軍澳返東涌點計？九龍灣返葵興又點計？
唔係自己改搭巴士可以解決到成個問題，而係成個轉車站安排完 ...
城巴 E22 / E22A﹐ 九巴 38 幫到你。
一直以來﹐來往九龍東 及 九龍西/大嶼山/部份新界西﹐好多情況都係坐巴士著數的。
所以﹐這類巴士線真係一直好好客﹐路線數量亦有所增加(包括只在繁忙時間提供服務路線)。
鐵的優勢就係交通時間相對地穩定可靠﹐班次受阻的機會低。
巴士就行車時間短﹑一程車等優勢﹐但係有2大塞車黑點(觀塘道一帶﹐龍/呈翔道)﹐稍為繁忙就唔夠鐵快。
講番鐵路轉車站﹐除非其中一條線的行車時間表係有好大的buffer﹐如果唔係都好難等對面的轉車客﹐而又唔影響到自己路線的時間表。
先講日間時間(唔講疫症期間的減班安排)﹐最密3分鐘之內有1班車﹐疏極都係約4分鐘一班車。
而停站上落客時間大約係1分鐘之內﹐成條線都係行車時間buffer好少﹐其中一個站少少延誤﹐之後車程已經要加快車速去追時間。
而且﹐因為班次密的問題﹐好易影響埋之後的列車﹐要等待前車開出才可入站。
強行要等轉車客﹐只會影響埋另一條線的班次﹐將唔同的路線時間表打到亂晒。
至於東涌線在荔景等轉車客﹐純粹因為行時間較鬆動﹐以及難以頂到後車。(不包括青衣特車)
以及﹐東涌線的轉車站基本上只有荔景站﹐成條線的時間表就只需要夾1個車站﹐再推算番去2邊總站開車時間就可以。
其他路線﹐就唔只1個轉車站﹐遷就得一個﹐另一個就隨時唔夾。
最後﹐要2條線夾到轉車﹐仲有一個主要因素﹐就係2條線的班次的公倍數有關。
一條線3分鐘一班車﹐另一條線係4分鐘一班車。公倍數係 12﹐即係第一班車可以夾到轉車客﹐再出現的時間就係12分鐘之後﹐即係分別係 4班/3班車之後。
所以﹐唔好期望市區線的班次會安排到配合轉車客。
其實紅磡站都有呢個問題
非繁忙時間
當西鐵進入3號月台， 4號月台部東鐵就會即刻閂門走，要人行過去1號月台上車。當3號月台班西鐵走咗，另一班西鐵進入2號月台，1號月台嗰班東鐵就會閂門走。如果東鐵遲1分鐘走，班客就唔使下下上落月台。
THomas20010808 發表於 2020-9-21 15:29
其實紅磡站都有呢個問題
非繁忙時間
當西鐵進入3號月台， 4號月台部東鐵就會即刻閂門走，要人行過去1號 ...
東鐵自從減班後，往往都會停停十幾分鐘先做下一轉，兩個月台大部份時間有列車停泊，但經常令第三班車要停低等入站
而當西鐵行緊7分鐘一班的時候，離開2號月台的列車一落到隧道，就要等下一班往3號月台的列車經過道岔，先能繼續往尖東站
gsrc0525 發表於 2020-9-21 08:21
星期六日夜晚8點開始市區四線6分鐘一班（將軍澳澳線全日6分鐘一班)。
屯馬線一期係10分鐘一班，再夜啲6.5 ...
以調景嶺站為例，估計因為想「防止」D人跑去觀塘綫，所以經常出現「when one door shuts, another opens」嘅情況。
疫情前都無乜嘢，但疫情下每轉一次車加多6分鐘，於乘客而言真係有D不便
車費包全部轉線 just in time? :o
teddybus 發表於 2020-9-22 12:13
車費包全部轉線 just in time?
以石硤尾去青衣為例，MTR Mobile app顯示嘅時間係21分鐘。
我當星期六日夜晚：
石硤尾等車中位數 3分鐘
石硤尾去太子 1分鐘
太子等荃灣線 5分鐘
太子去荔景 11分鐘
荔景等東涌線 4或10分鐘
東涌線去青衣 3分鐘
即係快極都耐過app條數，如果荔景送車尾就30分鐘以上
THomas20010808 發表於 2020-9-21 15:29
其實紅磡站都有呢個問題
非繁忙時間
當西鐵進入3號月台， 4號月台部東鐵就會即刻閂門走，要人行過去1號 ...
朝早我返工遇到最frustrated的情況係：（我由東鐵轉西鐵）
東鐵入站，西鐵開門，東鐵停定，西鐵閂門，東鐵開門 :L
上電梯多人，過另一邊搭下一班西鐵趕到氣咳，早繁車多，大部分人都會原地等。而家我知道在東鐵停定時西鐵才入站，至會駁得到西鐵。
ViviTse 發表於 2020-9-22 10:06
以調景嶺站為例，估計因為想「防止」D人跑去觀塘綫，所以經常出現「when one door shuts, another opens ...
樓上有板友講到紅磡都類似咁，即係唔行上大堂轉車嘅話要等十幾分鐘，想令乘客等咁耐先開係因為要睇到清潔姐姐抹扶手車廂？:D
以呢幾個月疫情觀察，平日日間同夜晚非繁唔會成日喺轉車站送車尾，去到星期六日先咁，講真6分鐘時段太子站觀塘線轉荃灣線情況下，荃灣線車遲一分鐘或觀塘線車早一分鐘到站已經可以俾乘客跑去追車，係咪可以guarantee兩條線到站時全部都冇早冇遲？
如果又有幾個轉車站星期六日都係咁，講得衰啲好似留難緊非通勤為主嘅乘客，配合政府防疫唔想人星期六日出街嘅，不如好似打風咁星期六日市區四線玩到全日10分鐘一班，東涌線東鐵屯馬線全日15-20分鐘一班啦
gsrc0525 發表於 2020-9-22 13:28
樓上有板友講到紅磡都類似咁，即係唔行上大堂轉車嘅話要等十幾分鐘，想令乘客等咁耐先開係因為要睇到清潔 ...
荃灣線車遲一分鐘或觀塘線車早一分鐘到站已經可以俾乘客跑去追車，係咪可以guarantee兩條線到站時全部都冇早冇遲？
印象中以前有一排，D車長閂門果陣見到對面線咁啱到，就算閂咗門都會開返比班客上車。
以而家非繁忙時段個班次未到負荷頂點嘅時候(再加上疫情下減班)，每班車之間相信停多幾秒鐘等埋對面線，都唔影響運作。
不如好似打風咁星期六日市區四線玩到全日10分鐘一班，東涌線東鐵屯馬線全日15-20分鐘一班啦
但市民如果抗疫疲勞而繼續外出，變咗班班車「塊面貼住個門」，始終達唔到防疫效果。
本帖最後由 kitarolo 於 2020-9-22 17:31 編輯
kei_hk 發表於 2020-9-21 10:21
以及﹐東涌線的轉車站基本上只有荔景站﹐成條線的時間表就只需要夾1個車站﹐再推算番去2邊總站開車時間就可以。
其他路線﹐就唔只1個轉車站﹐遷就得一個﹐另一個就隨時唔夾。
最後﹐要2條線夾到轉車﹐仲有一個主要因素﹐就係2條線的班次的公倍數有關。
一條線3分鐘一班車﹐另一條線係4分鐘一班車。公倍數係 12﹐即係第一班車可以夾到轉車客﹐再出現的時間就係12分鐘之後﹐即係分別係 4班/3班車之後。
所以﹐唔好期望市區線的班次會安排到配合轉車客。
無錯,就得一個轉乘站而
下一個組合就唔到是其一
就算有足夠緩衝,如果其中一條
線中途明顯拖慢到達某站嚟避免
「送車尾」又啱唔啱口味?
一直以來﹐來往九龍東 及 九龍西/大嶼山/部份新界西﹐好多情況都係坐巴士著數的。
承上,巴士就算企位九龍灣返天水圍
睇吓本身仲需唔需要西鐵駁多程K巴
或輕鐵,巴士需時可能稍為輸蝕俾港鐵
但祗要唔係塞車,喺公路用返法定速度行
觀感就點都好過港鐵中途站太多,或現時
出現概率較高嘅送車尾問題,繁時係密車
啲但又變咗轉乘未必即至上到嘅錯覺。
※※※※※※※※※※※※※※※
公倍數嘅原理人所共知,無可能
用2分鐘甚至更密嘅年代嚟比較
例如九龍塘站、美孚站、
南昌站南行轉南行,要步行數
分鐘,保證唔再有送車尾嘅失落感
對面轉乘某程度上係縱壞咗。