把部分巴士線改行全段鳳德道的可行性(解決龍翔道塞車問題)
如題因為平日的時間，龍翔道的主幹道間中塞車
而塞車部份多數位於往觀塘近牛池灣村。平日繁忙時間有時因為塞車而延誤半小時以上
建議可以把部分行經龍翔道的巴士線可以改行鳳德道
40,80,89,89B的巴士線可以考慮
89B 行四美街嘅，咁行差得幾多 :L 咁咪停唔到鑽石山？定係應該290系列安排做替代路線先呢？ 咪害區內居民啦 路過就行返大路 此舉只會為龍翔道製造多一個塞車源頭, 仲會拖累埋本身由蒲崗村道轉入鳳德商場的路線, 因為該燈號出名短, 龍翔道上去嘅車要切入由彩虹道上鳳德商場條行車線, 而中間行車線仲有直上慈雲山嘅車同巴士.
要在咁短嘅綠燈做咁多嘢, 應該食唔切, 而家係得11C 75X 84M咁行, 打斜入蒲崗村道轉去鳳德商場, 你建議龍翔道線都咁行法, 一個鐘頭多咗幾多部車呢, 由彩虹道上嚟轉入鳳德商場嘅巴士都幾多, 求其數, 驚數漏, 有3B 10 11 82X 85M 91M 671, 仲有其他車, 無論佢哋讓唔讓, 塞燈位就一定, 但如果因為咁而令車龍沿斜路倒灌番落沙田坳道巴士站, 上鳳德道嘅車, 因為上面等燈等切線, 巴士埋完站原地等上斜路, 連帶其他去四美街嘅車都影響埋, 影響可以好大. 玩咩。你咁做唔會快咗，但就頂死埋鑽石山慈雲山啲車。斧山道鳳德道交界塞勁啲，隨時頂返上大老山隧道 Quanta 發表於 2020-9-29 00:21
玩咩。你咁做唔會快咗，但就頂死埋鑽石山慈雲山啲車。斧山道鳳德道交界塞勁啲，隨時頂返上大老山隧道 ...
鑽石山龍翔道塞車原因係彩虹交滙處 cut 線位設計問題：龍翔道落橋往觀塘、太子道東上橋往九龍灣嘅車流打交，必然導致慢車塞車。
解決方法只有重建彩虹交滙處，改到好似鯉安苑外-觀塘繞道東行落鯉魚門道個位咁：落橋位喺中間兩條線，橋上、橋下嘅車只要預先選好行車線就分別去到油塘或者東隧，去到交滙處唔須要再 cut 線，咁就暢順好多啦。
miklcct 發表於 2020-9-28 23:43
咁咪停唔到鑽石山？定係應該290系列安排做替代路線先呢？
290系最敏感要企硬絕對唔可以深入黃大仙區住宅區，否則會引起觀塘區將軍澳居民大戰。
paul2357paul 發表於 2020-9-29 01:22
290系最敏感要企硬絕對唔可以深入黃大仙區住宅區，否則會引起觀塘區將軍澳居民大戰。
...
最好就290全個系都入晒黃大仙內街，咁將軍澳居民就可以坐等六幹將荃特快 #曲
JC3987 發表於 2020-9-29 00:54
鑽石山龍翔道塞車原因係彩虹交滙處 cut 線位設計問題：龍翔道落橋往觀塘、太子道東上橋往九龍灣嘅車流打 ...
重建彩虹交匯處依個問題一直討論緊，前題係彩虹邨要重建。
不過房署無興趣行第一步，可惜。
頁:
[1]
2