JH_LE4612 發表於 2020-12-2 22:26
咁講，我又真係冇冧到咁複雜，要 define新界嘅，鐘意用警區嚟分都仲得。南丫島呢啲咩車都入唔到嘅「新界 ...
如果綠的可行荃灣葵涌嘅話，到時可能會搞到流浮山、龍鼓灘呢啲地方call唔到的士，原因係荃灣葵涌明顯旺過屯門同天水圍，咁樣做會導致屯門同天水圍無的士服務供應。
睇返政策原意，的士要分顏色係確保偏遠地區有得搭的士。因為偏遠地區跨區需求甚低，所以實際上綠的大部分車程都係短途嘅（我以往試過喺大網仔趕時間截綠的去屯門，啲司機唔多想載），如果喺龍鼓灘有人call的士會有屯門車入去載，喺下白泥call的士會有天水圍車入去。
亦都因為紅色的士唔願意入偏遠地方接客，所以政策上整咗幾個所謂嘅「轉車站」，新界西初時就荃灣地鐵站，新界東就順利邨，報道入面都有提瀝源邨不過BAN咗。後期都追加咗幾個轉車站，包括青衣站、坑口站等，而彩虹站就BAN咗。
所以而家綠的嘅服務範圍大致上係合理，只係部分地區需要少修補，所以有呢個建議。舉例九肚山咁，呢個地方其實俾綠的做會比較適合，因為紅的喺大埔、馬料水等地方想出市區但上支九肚山接駁咁會黑面；又或者將軍澳工業邨，雖然將軍澳新市鎮係紅的專區，但係將軍澳工業邨都係偏遠地區，而且隔籬嘅石角路本身通行綠的，俾返綠的做對行業生態有利（雖然紅的喺坑口都有機會上將軍澳區內，但係起碼隔籬就係觀塘啦，想出去都易）。我嘅建議亦都包括埋開放油柑頭等，因為無理由汀九得，荃灣站得，但係中間嘅油柑頭唔俾行，咁好易令乘客混淆。
本帖最後由 kitarolo 於 2020-12-3 21:59 編輯
miklcct 發表於 2020-12-3 21:12
亦都因為紅色的士唔願意入偏遠地方接客，所以政策上整咗幾個所謂嘅「轉車站」，新界西初時就荃灣地鐵站，新界東就順利邨，報道入面都有提瀝源邨不過BAN咗。後期都追加咗幾個轉車站，包括青衣站、坑口站等
講開轉車站功能,
東鐵大學站(紅的/綠的轉換點)
公主道過海的士站(轉搭願過海嘅的士)
但後來的士收費實施長減短加,所以
已漸被遺忘甚至乘客因而俾多咗錢。
我自己一年都會搭到兩至三次逾200元
嘅的士,但傾向以Apps預約,司機已知起
終點就無得怨太遠唔願去嘅問題。
早上5半北潭涌過海無人接，睇住加20之後變到加50。呢啲偏遠地方如果唔係有綠的嘅話真係唔使旨意搭到的士。 相信放寬與否受制於車費問題
頁:
1
[2]