乜碌車真係咁好玩?
碌車好好玩咩?當事人聖誕前後某晚約10 - 11點,喺尖東站上咗部87D去錦英苑方向,惟該車長玩碌車:
- 多於一次喺綠燈(係綠燈,唔係黃燈)照停車,等轉紅燈再綠燈先開車,其中一次喺油麻地中郵、碧街一帶
- 喺窩打老道唔係站站有人想上/落車,但冇人截車、冇人㩒鐘、甚至站頭冇人等車,個車長照埋站開門上空氣
- 喺獅隧公路、沙田路車速明顯慢過一般路面暢通時,跑公路嘅應有車速
對於車程被無理拖長,當事人對該車長刻車拖延乘客車程此等無良行為表示強烈不滿及堅決反對,並希望九巴可採取措施,如將明顯碌車納入違規行為,避免乘客車程被不必要拖長 全個月keep住綠色有$400獎金嘛,忍耐下 之前搭過一次2F,ZF ATE嚟,條友碌到全程唔過2波
綠燈前面架車郁咗幾秒佢先郁,結果去到燈位就變返紅
埋站拉埋手掣幾秒先撳掣開門 坐1A個司機碌車,後面兩架爬頭…… 有冇記低車牌打去九巴投訴? X42C未全日之前搭過最尾嗰班, 都係碌車,搞到唔快得過42C幾多, 隔離258D企埋人都仲快過佢...... tommy14D 發表於 2021-1-3 07:29
坐1A個司機碌車,後面兩架爬頭……
1A咁密好容易啫 遇過呢啲碌神, 仲要係掛牌佬, 朝朝碌嗰隻
用唔同身份投訴多幾次
佢比陰質服務部叫完去面聖, 就正常翻架啦 咪玩啦。。安全駕駛公司唔會覺有問題。。37m碌到45分鐘咪又做緊 真心。唔好認為投訴有用,碌車都係星級車長啦!講完