點解小巴全程貴過巴士，但分段普遍平過巴士？
舉幾對巴士同小巴重疊嘅例子。西貢1A同92，小巴全程貴過巴士，但沿途有分段，全部平過無分段嘅巴士。馬鞍山810 vs 85K，沙田市中心開車禾輋已經有分段，來回濱景花園起小巴平過巴士。
亞公角去馬市，巴士最平6.1，但803同808有分段，平好多。
點解搭呢啲尾段短途接駁，巴士下下無，或者得貴價分段？要搭小巴先平？巴士公司係唔係根本唔想做短途客生意？ 新界嗰面啲巴士冇分段都貴過小巴啲分段，就全要係九巴喺1973年遺留落去嘅問題，不過都可以勉強辯解嘅 本帖最後由 AVBWU291 於 2021-1-13 17:29 編輯
短途分段做好多流水客，所以平。長途/全程貴係因為小巴普遍較快，有條件收貴啲，而且載客量比巴士少，一張櫈只可以坐一個人。分段坐到幾個喎。
而且，小巴分段係用嚟吸客，平過巴士好正常
本帖最後由 S3bl430 於 2021-1-13 17:35 編輯
小巴載客量太少，做中長途線先天成本高只做全程客得不償失，（除左44系點對點長途＋超速小巴線外），所以佢地刻意有好多分段吸流水客，希望一程車儘可能上多幾個客，密食當三翻。
反正小巴上落客靈活，特平分段可以增加收入而且唔會明顯影響行車時間。
以803為例，利安有短途分段至馬市。有時小巴從利安開出，馬市落10幾個又上返10幾個客，部車仲未到恆耀已經服務左20－30個客 S3bl430 發表於 2021-1-13 17:29
小巴載客量太少，做中長途線先天成本高只做全程客得不償失，（除左44系點對點長途＋超速小巴線外），所以佢 ...
44 都有$6 左右既區內分段，都係會有人用
做兩水客比一水客一定賺更多
解釋左為左做兩轉客，就要有平分段既概念
九龍都有好多小巴線就算冇分段都可以做到兩車客， 分分鐘仲好賺過點對點冇中途站嘅小巴線 原因之一係小巴真係睇住市場競爭嚟訂價。九巴成日驚死蝕底咗俾客咁，盡量有咁貴得咁貴 小巴人數少，全程車費一定貴；相對，長途用得小巴，即係乘客量唔一定高，所以會有吉位，變左小巴有彈性係短程路線收得平去博多啲短途客
九巴一向無心做流水客, 你睇下53既分段少都可憐又貴就知, 53明明有大把流水位可以食
1320 發表於 2021-1-13 23:10
九巴一向無心做流水客, 你睇下53既分段少都可憐又貴就知, 53明明有大把流水位可以食
...
1A ？？