Man@MFHK 發表於 2021-2-18 22:30
一日9同12卡混跑一日都會問題天天都多。
其實等屯馬線全通後東鐵一夠新車就應該即刻轉晒9卡，唔係咁實有排 ...
香港有冇咁多地方放43列新車先？
Snoopy@FB8617 發表於 2021-2-19 17:06
我比較好奇係唔係唔混跑就冇事
今日坐過兩款車
論加速英國車而家好似唔係幾跑得
反而韓國車就算短距離都可以加速（以前千九做唔到）
唔知咁關唔關事
384047x 發表於 2021-2-19 17:14
香港有冇咁多地方放43列新車先？
新車落地都起碼幾個月測試
就算全部千九Spare曬都無可能塞到25列（已經扣除6列加單未做和已到港的12列）
Ricky403 發表於 2021-2-19 16:55
10卡只係預留黎，萬一真係頂唔順先加到10卡
龜鐵諗住趕哂上繁東鐵南行大圍上車班客去屯馬線㗎嘛 ...
淨係識諗萬一真係頂唔順先加到10卡
又唔諗萬一訊號系統唔暢順，東鐵要冇咁密車時十卡都可以減少載客量損失
又唔諗萬一真係頂唔順先再逐步加班
要頂唔順先一次過9 轉10
去到班次上限時又要玩9卡10卡混跑？
ryandroid 發表於 2021-2-19 18:01
淨係識諗萬一真係頂唔順先加到10卡
又唔諗萬一訊號系統唔暢順，東鐵要冇咁密車時十卡都可以減少載客量損 ...
港鐵喜歡為大家帶來大量新鮮感ma
Kj2052 發表於 2021-2-19 17:19
新車落地都起碼幾個月測試
就算全部千九Spare曬都無可能塞到25列（已經扣除6列加單未做和已到港的12列） ...
可能係要探討一下如何用盡新車而減少新舊車規格不同而產生的問題？
本帖最後由 kitarolo 於 2021-2-19 18:54 編輯
Kj2052 發表於 2021-2-19 18:02
港鐵喜歡為大家帶來大量新鮮感ma
的確港鐵都官方講過
境外做類似升級嘅停運
需停運係以「月」計算
問題係羅湖/落馬洲關閉
馬場亦不設現場觀眾,有一段
時間晚市禁堂食,根本係難得
機會將尾班車提早返三四個鐘
每晚即刻多返一倍時間做測試。
有人話放工夜嗰啲會不滿
或者點樣補償東鐵月票客
巴士做唔得? 政府突襲封區
都講明唔會賠償啦! 再係咁嘅
表現、中小學復課甚至真係碰撞
事故,相信代價更大。港鐵票務並非
主要收入來源,尤其東鐵已被其他地區
眼紅票價「偏低」無埋邊境補貼嘅情況
做嚟都係蝕不如開短啲時間,不必勉強。
城際直通車又係無明確話
不再營運,復開又係隱憂,當然
呢一點並非香港可以控制得到。
本帖最後由 RyanPun 於 2021-2-19 18:42 編輯
Ricky403 發表於 2021-2-19 16:55
10卡只係預留黎，萬一真係頂唔順先加到10卡
龜鐵諗住趕哂上繁東鐵南行大圍上車班客去屯馬線㗎嘛 ...
EAL九龍塘轉車向西走，特別係向深長荔方向先係問題所在，就算當年估算嗰23%分流量，根本就係數字遊戲，就算嗰23%計唔計埋北邊上車嘅客經MOL去東九都好，依然都係冇改變過9卡/10卡可能爆棚嘅問題。
我個人覺得有少少走精面，只係由12卡完全爆棚、濃縮到9卡完全爆棚，然後用嗰23%分流量話比人聽我有做到嘢咁解，12卡爆棚同9卡爆棚做對比，後者顯然比人感覺會冇咁迫切要解決。
其實我覺得背後根本反映緊，東鐵爆棚嘅問題，根本唔可能完全指意鐵路去解決，比起大西北西鐵VS大欖屯公巴士線，新界東需要加強陸路交通嘅程度、唔可能弱過大西北，淨係人口數量都已經反映緊呢點。
本帖最後由 kitarolo 於 2021-2-19 19:04 編輯
RyanPun 發表於 2021-2-19 18:34
EAL九龍塘轉車向西走，特別係向深長荔方向先係問題所在，就算當年估算嗰23%分流量，根本就係數字遊戲，就 ...
我以前都有類似睇法
如果唔夠23%嘅客從南北線
走去屯馬線,唔通格硬扯人落車?
車公廟以北嘅乘客要到港島,又會
喺大圍轉南北線,定原車搭到紅磡
先轉車? 無論點,祗係將最擠逼路段
(大圍/九龍塘)向北移,講到明9卡加密
都係與現時相若,無法再食增長嘅客量。
至於新界東需更多車路分流
龍山隧道叫整咗㗎啦……沙田
仍是樽頸位,不論老隧/青沙/城隧
甚至最老牌嘅獅隧(曾有計劃擴建)
我F1嘅舊帖 (連結按此)
複製一條類似欖隧嘅物體,實在太難
kitarolo 發表於 2021-2-19 19:02
我以前都有類似睇法
如果唔夠23%嘅客從南北線
走去屯馬線,唔通格硬扯人落車?
講到尾其實錢銀問題，而且討論完、大家都覺得擴闊鐵路/路面所需嘅成本、效益同完工後帶嚟嘅好處根本唔成正比，寧願大搞明日大嶼、11幹線，呢啲未十橫已經有一撇嘅項目，東邊嘅淨係講T4、呢一撇撇咗幾廿年都未見動工，你問我，更加唔覺得將來會有驚為天人嘅大作為。
衰啲講，我有能力做嘅就做咗喇、唔滿意就閣下自理。