HT408 發表於 2021-3-10 14:44
呢條友永遠都係上公路前尾站先上車
然後就話上唔到車搞到遲到
唔知準巨4466左94個師傅未
至於下繁沙田上城隧，亞公角風涼水冷唔轉得，石門太多人唔轉得，要第一城就抵啦
佢個程43x根本無頂閘，開得前門即係後面仲有大把位，塞多十個都無問題
個個plan都規定要尾站先轉車,煩唔煩架,如果安泰/達去荃灣真係唔知你會直接搭290X定係213M落寶達轉290直飛彩雲
本帖最後由 miklcct 於 2021-3-10 21:09 編輯
UR7523UV7523 發表於 2021-3-10 20:59
個個plan都規定要尾站先轉車,煩唔煩架,如果安泰/達去荃灣真係唔知你會直接搭290X定係213M落寶達轉290直飛彩 ...
安達去荃灣當然直接290X，但係290X班次疏落，如果嫌290X太耐先到會先搭任何一架車落山，再轉返290/290A/290X（邊個站轉車視乎首程係咩路線，但最遲彩虹邨轉，因為290唔停鑽石山站，其它路線要停）。
另外，我平時盡量尾站轉車，但有時睇完ETA會有例外。例如我想搭58M轉68A去青衣，於是當架巴士去到荃灣站嗰陣就開始撳68A ETA睇，有時見到68A嘅時間會同58M嘅時間幾乎一樣，跟住我就會望下車頭有無68A喺前面，追到嘅話就會即刻轉車（試過好幾次喺眾安街追到前面一個車位嘅68A轉車）。
本帖最後由 UR7523UV7523 於 2021-3-10 21:12 編輯
其實呢,我首要既條件好簡單,就係平
話知佢轉幾多次車/兜幾多路
就算新城市轉車返良景我都唔會搭263轉58M/260X,反而會用另一種方法
平日:283>美田轉46P>地鐵站轉58M/P(搭到尾班58P既話一定要坐1820既283先可以夾到1840既46P,去到葵芳仲有半個鐘係總站take個break)
假日:288>水泉澳轉47A>葵涌廣場行去總站轉58M(係新城市死等47A太飄忽唔知等幾耐)**283/288唔會拍卡,因為試過282>47X>58M,58M收全費,所以區內線果程車會入錢
呢2個方法唔複雜架,只係想轉58M果段路就腳啲
其實94既問題似係 合理期望 同 經濟效益 之間既平衡, 我又好想知樓主有咩高見喎~
加密班次20分鐘一班? 當大部客都係駁船時~ 駁船班次繼續頂閘, 加班車又無作用~
駁船班次加班? 平日有幾多班94會因為駁船而頂閘? 除時一年得幾次而要吉車遊街~
有需要時西貢拉夫? 可惜西貢無一條線密到可以比94拉, 再者西貢有得拉咁黃石呢~
當發生94頂閘既機會咁低, 基本上係無一個高/合理經濟效益既方法~ 又或者換個角度, 因為要為94加班而令其他線減班, 唔知邊個對 合理期望 既落差會更大呢~
UR7523UV7523 發表於 2021-3-10 21:05
其實呢,我首要既條件好簡單,就係平
話知佢轉幾多次車/兜幾多路
我搵方法會利用時間同價錢作計算，價錢就視乎我使用嘅車票種類，計埋各種回贈，而時間就以正常交通情況為準，包括步行時間（walking time）、等候時間（waiting time）及乘車時間（in-vehicle time）。巴士同鐵路嘅等車時間就一律以班距一半計算，而小巴就會預留較長等車時間（因為客滿要等下班嘅可能性比較大，喺部分出名經常客滿嘅路線，例如44A等，可能會預計等3班車），並且喺步行時間同等候時間有個加乘，除此之外每次轉車亦會加入一個轉乘懲罰（transfer penalty），以計算出最低成本嘅方法。
舉例，我現時計算準則為
T = $24/h
T = T * 1.25
T = T * 1.5
transfer penalty = T * 0:02 (2分鐘)
以我屋企去青衣東北公園為例，我計算咗4個方法，包括58M轉409、58M轉68A、58M荃灣轉41M/42M/243M、58M轉140M，最終結果喺58M轉409最理想，11分鐘步行，4分鐘等候，37分鐘乘車，共52分鐘，總車費$16，扣除回贈後實際付出$8.3，總成本為$33.5。
而呢個方法實際操作上，如果見68A唔等得耐，減少咗個等車成本，亦可隨時轉用58M轉68A（因為大家都係喺大窩口轉車）。
本帖最後由 miklcct 於 2021-3-10 21:53 編輯
wally 發表於 2021-3-10 21:24
其實94既問題似係 合理期望 同 經濟效益 之間既平衡, 我又好想知樓主有咩高見喎~
加密班次20分鐘一班? 當大 ...
94平日頂閘機會唔算低，唔同日子都會失驚無神忽然之間頂閘，唯一先決條件係天氣好，準確而言邊班車頂閘係預計唔到嘅，只可以估計到個範圍。
呢啲情況就係加班車待命嘅用途啦，當西貢站頭見到異常多人排隊，就可以總站兩部一齊上客。
呢個措施係應該喺所有往碼頭方向，而且配合船期嘅郊區獨市路線實行，除咗往黃石碼頭嘅94之外，其餘碼頭需要動用同樣措施嘅全港應該只有往梅窩碼頭嘅1同2。
至於離開碼頭方向，問題就無咁大，因為唔存在駁船呢個因素，而待命車放北潭涌嘅話亦都可以15分鐘內去到碼頭清客。更理想嘅做法就係翠華喺開船嗰陣如果條船多人搭，就通知西貢站頭要多部車入去。
呢度我又講返我以往去旅行嘅經歷。我某次去俄羅斯旅行，又係去郊遊，只得一條路入去嘅地方，而入去又係郊野公園，有度閘嘅，外來車要俾天價環境保護費先入得嘅。嗰度有幾條路線喺唔同嘅城市城鎮，經過最後一個城鎮開去目的地，聯合班次大約1個鐘一班，而我喺最後一個城鎮等車入去。我啱啱等中嗰班車係喺大城市中心開入去嘅，嗰日又係假日，咁當然多人郊遊啦，不過嗰啲路線就好似以往週末未加班之前嘅94咁，每日都係用同樣時間表嘅。
如果套用返喺香港，你可以當係94、96R、289R兜入西貢嘅版本每日都有服務，三者都係2個鐘一班，聯合40分鐘一班入去咁，一至日都係用同樣時間表。
結果實際上係，都係要等到時間表嘅時間先有車搭，一次過開咗好似成3架車行同樣路線嘅。類比例子可以假設96R係開1-2個鐘一班而且配合黃石船期俾人市區入去直接搭船，有幾百人排隊一齊入去郊遊，然後巴士公司就一次過開3部車清客。
miklcct 發表於 2021-3-10 21:31
我搵方法會利用時間同價錢作計算，價錢就視乎我使用嘅車票種類，計埋各種回贈，而時間就以正常交通情況為 ...
咁唔知T又值幾多錢或者話個factor會幾重？
搞咁多野 我寧願信直覺算喇
miklcct 發表於 2021-3-10 21:50
94平日頂閘機會唔算低，唔同日子都會失驚無神忽然之間頂閘，唯一先決條件係天氣好，準確而言邊班車頂閘係 ...
你又唔係西貢等，點知佢係咪已經準備緊第2架上客？不過算啦，睇你樣都係just in time擁躉，全部轉車時間都較到最忟，都係的士啱你多啲！