原帖由 ATR1 於 2006-12-16 03:49 發表
呢一點，由西鐵通車，到佢出月票日票打低巴士，用返而家政府最經常
宣傳o既「支持公平競爭法」，呢個安排可以話完全係自打咀巴...
我唔見得如何違反公平競爭, 其實巴士都可以出月票(以前城巴都試過), 如果
九巴推出$300屯門元朗至市區所有巴士線任搭月票, 佢都可以搶好多客.
但點解西鐵會咁做, 而九巴唔會咁做?
因為鐵路固定成本高(車站, 路軌保養等), 而且一抽車又可以載幾千人, 反正西
鐵載客率低, 而無論多少人坐都需要咁多開支, 咁先有足夠誘因令佢賣大包. 多
左人坐唔會令西鐵開支大增, 但車費收入肯定上升, 何樂而不為?
睇番九巴, 如果佢真係收$300任坐, 佢就要抽調好多巴士入屯門元朗, 每開多一
架車就要俾多一份油錢, 司機錢同維修錢, 開支大增. 到時九鐵一定會好開心,
因為九巴好快會執笠.
我唔明點解咁多巴士迷成日叫巴士公司減價搶客, 事實上以巴士既經營模式, 根
本就無咩減價空間, 而且搶到搶客亦未必著數. 撞正路線只有單一繁忙方向時,
打爆多一班巴士 = 要開多一班吉車返站 + 非繁忙時間多一架吉車響街唔知做
咩好 + 中午時間要白支人工俾個司機. 如果條線既車費無番咁上下, 就真係白做.
當然, 鐵路都有呢個問題, 但如果巴士公司響某一時段搶多3000客時, 佢就要開多
25班巴士, 養多25個司機以上(要再加多一兩個做替假同埋士啤), 一個月淨係人工
開支已經多成三十萬. 但鐵路只需要多開2班車即可, 最多養多3個司機, 人工支出
只係多4-5萬, 比巴士少六至七成.
[ 本帖最後由 PB602 於 2006-12-16 10:50 編輯 ]
原帖由 ATR1 於 2006-12-16 03:49 發表
由你呢一點已經可以講到西鐵現時有o既客量，月票同日票o既功勞係
最大o既...唔知咁樣有無邏輯上o既錯誤呢？
(1) 我並未曾提過「日票」
(2) 甚麼叫「功勞最大」？
九鐵去年底曾表示，西鐵廿萬乘客當中四分一係月票客，四分一係散客（長途），其餘一半係區內客。
其實，區內客先係最大功勞。
事實而言，$400一個月係唔係真係可以收回成本呢？巴士o黎講都仲可以，
鐵路就...睇返地產公司o既咁多條線加埋先賺少少，唔好忘記佢仲係收一個比
較貴o既價錢，咁究竟一張$400月票o既真實成本係幾多，大概都唔會低過三
百蚊掛...如果係o既，對於而家仲有唔少$300 o既，即係「做一張蝕一張」...
當然，都係睇o下條數點計啦...
我不明白如何計出 $400月票「成本唔會低過 $300」
我認為由於西鐵處於虧蝕
$400 月票成本根本超過 $400
但條數不能夠這樣計
因為你唔賣月票
$400 就全數過戶俾巴士公司
[ 本帖最後由 ahbong 於 2006-12-16 11:34 編輯 ]
區內客即是原本的LRT客
只不過現在由WR接收
收入由LRT去到WR到
收入根本無增加過
原帖由 ipchow 於 2006-12-16 22:32 發表
區內客即是原本的LRT客
只不過現在由WR接收
收入由LRT去到WR到
收入根本無增加過
對囉！
所以你話無月票會幾唔掂
九鐵最初定出西鐵票價時
無考慮巴士的激烈競爭
結果要用月票補鑊
老實講如果九鐵連一程 $7.5 都肯做（$300月票每月搭 40 程 = $7.5 一程）
西鐵大可以將單程票價降至 $10 去吸客
[ 本帖最後由 ahbong 於 2006-12-16 23:47 編輯 ]
原帖由 ipchow 於 2006-12-16 22:32 發表
區內客即是原本的LRT客
只不過現在由WR接收
收入由LRT去到WR到
收入根本無增加過
咁又唔好咁講,冇記錯既話好似如果以相同上落車站
比較,西鐵係比輕鐵貴少少.
原帖由 ahbong 於 2006-12-16 23:40 發表
對囉！
所以你話無月票會幾唔掂
九鐵最初定出西鐵票價時
無考慮巴士的激烈競爭
如果由地鐵定價
以將線、迪士尼線的經驗
相信會比巴士平
對囉,但唔等如有月票就掂囉......
講到九巴俾人打到落花流水咁,
西鐵自己好好多咩?我就唔信九
巴會蝕得勁過西鐵呀.
俾你西鐵搶晒班客又點話,計落
西鐵仲蝕左唔知幾多億啦.....
原帖由 shtsang 於 2006-12-16 23:45 發表
咁又唔好咁講,冇記錯既話好似如果以相同上落車站
比較,西鐵係比輕鐵貴少少.
輕鐵以相同車廂數量服務埋天北
即使未計西鐵長途乘客
區內的乘客量及票務收入都有上升
原帖由 shtsang 於 2006-12-16 23:45 發表
咁又唔好咁講,冇記錯既話好似如果以相同上落車站
比較,西鐵係比輕鐵貴少少.
你知不知道多了WR可以一程車錢搭兩程車
西鐵係比輕鐵貴少少,其實是0.1-0.5,更有可能是負數
原帖由 shtsang 於 2006-12-16 23:47 發表
對囉,但唔等如有月票就掂囉......
講到九巴俾人打到落花流水咁,
西鐵自己好好多咩?我就唔信九
巴會蝕得勁過西鐵呀.
俾你西鐵搶晒班客又點話,計落
西鐵仲蝕左唔知幾多億啦.....
無錯，正如我之前講o既，西鐵無月票係唔掂，但有月票只係比無好，而
唔係「掂」...或者「掂」o既意思係客量多而唔係收入由負變正啦...
或者可以咁講，如果長途客正如佢咁講收$10甚至更低，無月票都「掂」
啦，係咪？但問題佢唔收$10而一次過收$300甚至$400，係保障佢自己
o既cash flow，好過逐$10逐$10咁搣...至少好似我呢D如果真係$10 $10
咁逐次滅，分分鐘一個月$300都收唔到...(每個人計)
九巴比人打到落花流水，原因就係無水喉比佢咁開o者...唔通九巴真係想
cut車，cut完再cut再cut咩...所以我都講過，西鐵係私人公司，就算政府
補貼晒接駁都無可能咁做，更可況而家做埋接駁...