tonychow 發表於 2021-4-19 10:54
事實係 13D 16 就算要改，都係小規模改動。如果 13D 單方向改喺柏景灣開，係咪就會打爆架車搞到維港灣上 ...
16 畀你減走一半總班次，都係小規模改動？
柏景灣開，兜維港灣一圈再走，咪又係玩緊佢地
無錯重組幾乎肯定會有原有乘客受影響。可惜你似乎依然人停留喺「有影響」同埋「無影響」呢個二分法觀念，但原來「影響程度」、「影響人數」、「地區意見」呢三樣野都係重點，你就隻字不提，覺得好似影響一個人同影響幾千人都無分別
202 係空氣線，受影響人數極少，同埋旺柏的確有唔少客靠佢出九龍城同觀塘區既 16 真係一樣？
不過你岩既一樣野係，可以「唔好重組維持原狀」，因為海盈邨、大角咀見到你咁玩佢地，佢地唔係事必要為左你既鴻圖大計而交線硬食
S3BL100 發表於 2021-4-19 23:19
16 畀你減走一半總班次，都係小規模改動？
柏景灣開，兜維港灣一圈再走，咪又係玩緊佢地
你又再一次 miss 咗我個 point
兜維港灣你就覺得玩，明明車程耐咗 5 分鐘都無，我加 1 架車分分鐘連 13D 都有得開密少少
重點係，受影響乘客起碼仲可以行去搭其他選擇，不論搭巴士定係搭鐵
地區意見從來都係水晶球問題，一日方案未出街無人知咩補償會接受咩補償唔得，唔好再雙重標準
事實係我諗其他版友都唔止講過一次，你覺得巴士公司唔做 -> 唔搞；配額唔夠 -> 唔搞；估計區議會唔接受 -> 唔搞
然後一廂情願覺得自己方案天下無敵，無人會反對
舉個例，隔離尚德個 post 已經有版友講緊你個方案班次疏咗，你又覺得市民無意見 ;P
但就算人地本身條線廢，唔代表你可以一舊垃圾換兩舊垃圾返來
tonychow 發表於 2021-4-20 10:06
你又再一次 miss 咗我個 point
兜維港灣你就覺得玩，明明車程耐咗 5 分鐘都無，我加 1 架車分分鐘連 13D...
「地區意見從來都係水晶球問題」，但呢個唔係唔充份考慮同合理評估地區反應既藉口
事實係無論地區意見、運署立場、巴士公司取態，由會議紀錄、官方文件、過往有咩項目上過 RPP，都有跡可尋，甚至有好多野係常識
至低限度，運署唔會批准增加個別路段巴士流量，除非一換一；但結果通常係後起地區被迫唔入得個別繁忙路段，而唔會係既得利益者讓路、搬走自己條線，成全其他地區願望
巴士公司角度，無明顯新增人口唔會加車；如果評估完會令錢箱收入減少亦通常唔會做，除非節省成本抵銷收入下跌有餘
而將太多唔關事地區攬埋一齊重組攬炒，自從區域重組叫停後，亦唔會再咁做，因為地區人士係一定唔會支持。當然地區人士反應有時係估唔到，但如果自己區只有被搵笨既份，無任何著數交換，例如樓下條線無啦啦 15 變 30 分一班而無其他補償或替代，受影響者眾而且程度唔低，係一定反對到底，無論去到邊個區都係。我甚至多年前聽過知情人士講法，運署有時明知個建議一定過唔到地區一關都會照批上 RPP，目的就係要巴士公司死左條心
你既建議正正中左上面三點其中兩點
單就地區意見一點而言，一個區入面有人支持、有人反對既建議，依然有唔少機會可以落實，尤其是一面倒支持根本唔太可能發生；但如果成個區一致強烈反對，係一定縮沙
有咩地區特別緊張自己樓下條總站線，過往文件以至本版亦有過唔少討論，你就偏要去搞佢地不可。有D野無論去到邊個區都唔會咁做，都一定撞版
但你就明知撞版都要照去，然後扮唔知
如果你問我，有無野係我明知地區會有反對意見都覺得應該要做，我既答案係，絕對有
但 16 係柏景灣最重要跨區巴士線，使用者眾；你為左觀深線而無啦啦扯埋佢地落水，未知有幾多人受惠就先影響一班無替代品乘客，大量原有使用者受影響，係一定行唔通，一定唔會得到地區支持