本帖最後由 s3n370 於 2021-5-13 21:31 編輯
Blank, sorry
Citcalag 發表於 2021-5-12 18:08
關睇唔睇文咩事
前面無車開快d，法定車速50公里內有乜問題？
你提及嘅大部份唔會影響行車時間情況，係概括描述。
而安全及意外問題可以係個別問題。
前面無車開快D有乜問題，
首先你要諗馬路係咪得車行，仲要得你一架車行？
响無其他限制下，離行人過路處逾15米處過馬路，係完全合法架喎。
同埋架架車都慢，又或者架架車都快，大部份行人司機都有心理準備。
反而平時架架都慢，突然遇正有架零舍快，咁先至容易出事，反之亦然
再再再講多次，限速降到30就唔止係棟塊牌咁少事，
而係透過增建路壆等等，改到條路即使係暢順，
都跑唔得快。亦能令司機更專注路面情況
車罅嘅本質就係路邊車輛令到司機睇唔到行人，
行人睇唔到馬路上嘅車。
遇正係路口或車輛出入口，直頭係兩車互相望唔到。
咁令到架架車都唔可以快，係咪可以幫到司機同行人呢？
仲有，意外就只係行人唔睇路亂過馬路？
司機又一定小心揸車？
如果條車罅本身係行人過路處又如何？
意外又只有揳車罅一種嗎？
衝燈尾顧住撳手機又係咪？
安全唔止係要求做啱嘅事，避免犯錯。
更加係要求儘量減少出錯帶來嘅後果。
更何況意外好多時唔係撞完就完，
係咪唔記得早幾日架城巴E400撞入郵局個過程？
講得出“零速最安全”呢句嘅人，往往就係有呢個大盲點
小弟自己都係駕駛者，第一日個教車師傅劈頭第一句同我講，
响意外入面就算係你啱哂都好，你都一定會蝕底。
萬一有意外，剩係要被查都麻煩下話？
阿茂整餅:L
本帖最後由 Citcalag 於 2021-5-13 23:20 編輯
s3n370 發表於 2021-5-13 21:29
你提及嘅大部份唔會影響行車時間情況，係概括描述。
而安全及意外問題可以係個別問題。
無野揾野來講
劃車速限制關城巴E400單意外乜野事？
同超速更加完全無關係
文不對題
而係透過增建路壆等等，改到條路即使係暢順，
都跑唔得快。亦能令司機更專注路面情況
所以就話你呢個諗法本末倒置，
本身應該係改善路況令汽車可以更安全地駕駛
有錢增建路壆來令d車減速，點解無錢起返d欄杆，擴闊返條路，或者加多d倒後鏡等等？
你既思維十足似政府做野既方式
有危險就斬腳趾避沙蟲，而唔係由源頭解決問題
例如有人由車罅亂過馬路，咁應該劃欄杆唔比人突然攝出來
如果係路口泊車，咁應該加強執法檢控人違例泊車
A 就有 A既解決方法
B 就有 B既解決方法
C 就有 C既解決方法
司機又一定小心揸車？
咁咪捉果d唔守法既司機囉
而家係連守法，本身行30~50 km/h 既司機都連帶受拖累
你明唔明白個分別先
每件事都有每件事既對應處理手法
而唔係見到加起上來既效果，成件事既原因唔理，一句就話要注重行人安全而降速
至於你話燈口15米外可以過馬路，無錯呢個係法律條文來既
但唔代表你任何情況下都可以燈口15米外過馬路
例如你話車罅攝出來呢d case，咁正常應該要喺臨出個「罅」位，當有一條停線喺度，望左望右睇下有無車
如果有望又點會撞到呢？
就係因為行人無安全意識，突然衝出來先會撞到
你作為駕駛者如果成日去開旺角、銅鑼灣等多人地方，應該好明白呢一點
而最重要係，所謂「今日割五城 明日割十城 然後得一夕安寢」
今日呢度劃30去保安全，
第度又可以劃30
而其實果d危險因子根本無改善過
而又唔係真係會有人執法
成件事既效益係好低
我批評既唔係劃30呢個做法
而係背後既理念本末倒置
响意外入面就算係你啱哂都好，你都一定會蝕底
最後想講
做人唔係跟法例等於安全
例如燈口15米外明明見到有車都過馬路，
咁撞死撞傷左就更加蝕底啦
撞死左仇都無得報
LN9267 發表於 2021-5-11 10:39
本身我在post想說南區其他地方，例如田灣與香港仔很近，想指出如果香港仔交通出問題，隨時影響田灣，甚至 ...
外國研究認為限速30可以減少私家車使用量 有助改善交通
Citcalag 發表於 2021-5-12 18:08
關睇唔睇文咩事
前面無車開快d，法定車速50公里內有乜問題？
時速50公里時行人交通意外死亡率25％，時速30公里時交通意外行人死亡率5％
Citcalag 發表於 2021-5-13 23:02
無野揾野來講
劃車速限制關城巴E400單意外乜野事？
同超速更加完全無關係
問題係呢啲內街應該車優先定人優先
https://www.inmediahk.net/node/%E7%A4%BE%E5%8D%80/%E6%B0%91%E4%B8%BB%E6%B4%BE%E5%BB%BA%E5%88%B6%E6%B4%BE%E8%81%AF%E5%90%88%E5%80%A1%E5%8D%97%E5%8D%80%E4%BD%8E%E9%80%9F%E9%99%90%E5%88%B6%E5%8D%80-%E9%81%8B%E8%BC%B8%E7%BD%B2%EF%BC%9A%E6%AD%A1%E8%BF%8E%E5%BB%BA%E8%AD%B0
運輸署說歡迎建議，會待深水埗的試行結果後再作研究。
雖然議員建議的地方沒有什麼巴士行走，只是擔心會否影響小巴服務。
其實 0kph 先係最安全，班議員唔識野