機場A線及豪華巴士線可否放寬速度限制
眾所周知，現時香港所有巴士之最高速度限制均劃一為70km/h，但係鄰近香港嘅日本，巴士係可以有條件下豁免速度限制嘅，所以希望討論香港有冇可能借鑑有關政策，實施有條件放寬速度限制?首先我希望講解一下日本有關巴士嘅政策，由於日本交通以鐵路為主幹，日間跨區巴士線幾乎不存在（除咗部份機場巴士），而日本將巴士大致分為兩種：高速巴士同路線巴士。
高速巴士，主要使用旅遊巴行走長途路線，有不少屬於夜行班次，呢類巴士多行走高速公路，全車配有安全帶亦不設企位，呢類巴士並不設有特別嘅速度限制，只需依照該段路嘅最高速度行車即可，現時日本高速公路速限大約為100km/h，部份路段正試行提升至110至120km/h
路線巴士，即普通城市巴士，基本與香港嘅專利巴士相同，設有企位並行走流水線，呢類巴士一般並唔會行高速公路，最高速度一般只有60km/h
日本同時規定行駛高速公路嘅巴士必須全車設置安全帶同不設企位，所以一般路線巴士係無法載客行走高速公路
所以究竟香港有冇可能參考有關條件，係機場A車及本身不設企位嘅豪華巴士套用有關條件，容許部份巴士可以不受70km/h速度限制呢?
我認為符合以下條件嘅巴士可以不受70km/h速度限制：
1. 全車設置三點式安全帶
2. 行走有關路線時不設企位
3. 加裝司機監察及主動防碰撞裝置，在巴士失控時仍可協助煞停巴士
4. 如屬專營巴士或固定路線巴士，必須行走運輸署已批准路線先可以載客下豁免70km/h速度限制
5. 於車頭及車尾貼上特別標識，以資識別
我認為合資格旅遊巴，豪華巴士路線及部份北區機場A線（A43、A43P、A47x等）有潛力實施此類安排，原因如下：
1. 豪華巴士路線本身已全車設置三點式安全帶及不設企位，已大大減低行車時乘客受傷嘅機會
2. 北區機場A線途經大量時速達100至110km/h的快速公路，提速有助縮短行車時間
3. 大部份機場巴士本身已加裝司機監察系統，有關要求不會對巴士公司造成太大額外支出
A43途經新田公路、青朗公路及北大嶼山公路等路，大部份路段均限速100km/h以上，全段共約42km
試算有關路段行走70km/h及100km/h所需時間的分別：
以70km/h行走42km需時約36分鐘
以100km/h行走42km需時約25分鐘
由此可見單程行車時間可以縮短約10分鐘，如果配合解除禁行快線等措施，繁忙時間嘅差距應該可以相差更遠，因為係汀九橋北行可以取道快線直入大欖隧道，避開匯入屯門公路嘅車流
強烈贊成! 運吉署真係太嚴苛 本帖最後由 nchmt 於 2021-5-17 15:24 編輯
應該不可以 同本人都唔同意 香港係雙層巴士 大風+高速=反車
日本情況同香港情況不能相對比較
我會建議全部巴士一律提升限速到80就算。 唔只機場車，978都值得提速
香港人心態，快左又有位，俾多10蚊都制 nchmt 發表於 2021-5-17 14:24
應該不可以 同本人都唔同意 香港係雙層巴士 大風+高速=反車日本情況同香港情況不能相對比較
...
颱風時我相信司機有足夠判斷力減慢車速，而且行70km/h亦唔代表巴士唔會被風吹翻，而家大風時司機都會因應天氣狀況自行減速以確保安全 ky26042008 發表於 2021-5-17 14:53
颱風時我相信司機有足夠判斷力減慢車速，而且行70km/h亦唔代表巴士唔會被風吹翻，而家大風時司機都會因應 ...
咁照你講70都會吹反 仲有空間加速？？ 豪華P線放寬合理，本身理應當跑狗村巴論，但A線始終有企位，某部份A線更有機會頂閘，俾到80km/h已足夠。 始終香港太細，冇咩路段可以行到100或以上，就算比巴士行得快D，總體車程亦唔會少好多
何況經過大埔反車之後，政府都係偏向收緊速限（e.g. 青馬橋青衣匯入段由80變50）