Snoopy@FB8617 發表於 2021-7-7 16:19
要開發新客源當然係好事
但因為咁要去郁而家批客
仲要唔係極少數既就真係唔太合情合理
其實你舉嘅呢批客，大半都係荔枝角站或美孚站上
喺話必定會趕走哂佢地之前，不如諗下佢地貪30X/234X啲咩？海鮮班次，荔枝角上車$9.4，定係力生落車近一個街口咁大把？
不如我舉一個大家都無諗到嘅因素：噪音
下繁荃灣線北行，本身中環等後車入站、金鐘等前車走，基本上都遲硬，只係多與少
為咗追時間，荔枝角至荃灣十有八九都開全速，上落大斜轉彎加埋回音屏障同窄隧道，有幾嘈唔使多講，跟住去到荃灣又要急剎等前車走，坐車體驗係好差
同時934下繁大涌道北行每班都落唔少客，八個十個起走上橋，仲多過祈德尊
愉景新城話哂仲有密車930X，咁班客係去邊？毫無疑問就係過番去福來邨路德圍，或滿樂
根本荃灣人都知福來邨站北行相比力生唔算遠太多，停力生係為方便市中心返屋企多，對區外返黎嗰班，只係錦上添花
如果話下繁要人喺大涌道落就等於趕走全部呢類客，咁係無做足資料搜集同分析得出嘅片面結論
本帖最後由 tonychow 於 2021-7-8 17:08 編輯
其實呢，如果只係想做回程市中心客，會唔會考慮下行德士古道、大河道北停 51 站位，下站祈德尊，海邊去西約再返荃景圍？
明白聽落好似好兜路咁，但其實停燈數目好少。就算愉景落車都未必慢過依家 30X 走線。
tonychow 發表於 2021-7-8 17:05
其實呢，如果只係想做回程市中心客，會唔會考慮下行德士古道、大河道北停 51 站位，下站祈德尊，海邊去西約 ...
概念上可以
但有時德士古道北塞到乜咁，仲衰過荃灣路塞落橋，星期六日大河道北落橋又例塞
234C都係類似行法，仲唔係塞車時段經過，但客量平平，唔知點解
Ricky403 發表於 2021-7-8 17:33
概念上可以
但有時德士古道北塞到乜咁，仲衰過荃灣路塞落橋，星期六日大河道北落橋又例塞
234C都係類似行 ...
星期六日塞係因為荃新天地停車場倒灌返大河道
未計大河道近眾安街 瓜子大王96B車海 又有車塞街市街 大河道巴士站又有時有貨車違泊落貨 唔塞就奇啦
HN745 發表於 2021-7-8 18:59
星期六日塞係因為荃新天地停車場倒灌返大河道
未計大河道近眾安街 瓜子大王96B車海 又有車塞街市街 大河 ...
咁大河道南行的確應該擺後，避免因為塞車趕走哂前段客
至於內街停車場倒灌呢啲，假期荃灣人多車多，尤其疫情下個個都無得飛，加劇擠塞，都幾難搞
由於運署撤回39A改動，建議已相應修改，39A及40P延長後繼續途經悅來酒店
但由於39A與30X重組後可以充分發揮循環線優勢，來回只繞經綠楊新邨、悅來酒店及楊屋道街市（戴麟趾夫人診所）一次，因此39A併入40P嘅需要會減少，可謂得中有失