某巴又又又再拖聯營線後腿
本帖最後由 ATE7025 於 2021-8-25 08:35 編輯話說最近紅公司想幫兩組以「梅花間竹」形式開車的聯營路線加班，但X水公司就喺度扭扭令令，阻頭阻勢
先講行東隧嗰條，明明平日黃昏時段返大埔爆哂棚，紅公司都已經自己走去開加班車放喺自己嘅常規班次前面清客，然而最大問題係週末夜晚返大埔，根本好多時都清唔晒告士打道維園嗰條龍，紅公司亦冇可能下下都將自己啲車放喺正班中間咁開(7/8分鐘一班)，始終冇咁多資源同埋唔efficient，因為307 週末返大埔最多都係support 到10/12分鐘一班，開7/8分鐘一班就坐都坐唔滿，所以要加班就要大家都一齊加先維到皮，但可惜嘅係X水唔多願意配合
然後到西隧嗰條，出現拖後腿呢個情況都唔只一次，呢幾年X水公司已經多次唔願意投放資源落去綠島過海專線系列度，話說948E 而家朝早兩班車都已經長期用12.8，但都仍然企黃線/頂閘，兩間公司幾個月前已經開始傾加班，但係到而家為止都未傾掂數，原因就係X水驚加班會俾對面公司搶走自己18X啲客，所以就喺度扭扭令令，之前有地區人士去信新巴要求948E 加班，佢哋居然叫人坐948 轉933/976/989，然後死都唔肯幫948E 加班，係咪要紅公司出手開加班車幫你「疏導乘客」先至捨得加班？唔幫948E 加班啲客就一定會坐18X，啲錢就入晒自己袋？錯喇，啲客其實好多走晒去坐小巴出葵芳轉地鐵去鰂魚涌太古返工
唔只948E 加班被某公司拖後腿，就連其他有急切需要嘅事情，例如 948 上繁過後/下繁/週未加班，948成個系列上繁需要全面拆線去做，等等都被彈回頭
成日就喺度呻窮，但又唔諗吓有咩方法開源，淨係識走去新發展區同紅公司爭地盤，又唔諗吓其實大埔/青衣嘅過海巴士市場有好多盲點位一直被忽略，例如長亨平日0735 之前，同埋0805-0835 之間係完全冇過海巴士，948A 0640 頭班車尾站成日上唔到，長期痴玻璃，自己又唔醒水開「額外」嘅頭班車，呢啲盲點位全部都有一定發展潛力，過海車位位收接近$20，回車快，根本上係一個金礦嚟，只係睇你肯唔肯去掘，肯掘嘅一定好搵過本土港島線同埋嗰啲行都走晒樣嘅招標線，可以幫補吓依家公司嘅苦況，明明之前係咁幫港島本土路線減班，點會完全冇資源投放落去做好呢兩組路線？
如果X水真係咁唔想做呢兩組路線，不如交番個牌出嚟俾對面公司做啦，相信紅公司一定好樂意做埋你嗰份
^以上資料未必100%完全準確及貼近最新情況，如有錯漏，請不吝賜正
我承認948系,新巴做得比九巴差好多,不過新巴都有出加班車.
307咪問吓當初邊個堅持減307班嚟加開907 聯營不嬲都有問題
不過以往九巴都唔係積極 948根本而家梅花間竹都搞到車務混亂
搞到私來私去浪費資源
我覺得應該轉狗巴獨營
再唔係善水只開少量班次
948e最理想狗巴2班善水1班
307度我覺得狗巴應該開673A經大埔再去北區插旗 聽過人講307都係計時段，只不過係果個時段係兩班車之間果短短十幾二十分鐘 948E 服務範圍同 948 有重疊冇衝突，好奇怪點解當初唔招標做獨營線 兩間公司都係一擔擔
一樣有路線係九巴唔想改/ 加班
（例如619）