近年總站/pti設計討論
:L自從大量復建公屋,居屋,港鐵上蓋盤落成，相計出現新的pti設計配合量化使用12.8靈活調動，但同時出現復見並排式月台，例如海達邨總站其實現今係鋸齒式好用定平行式,並排式好用呢？政府都要改建馬市總站做鋸齒，係夾硬改建定足夠空間，善現面積去優化總站?
葵芳南同舊科學園3期總站,都出現過混合式，其實大方向呢架pti設計係學政府公屋係而非標準化設計?
其實都要睇返用嚟做公共交通設施嘅位有幾多嘅，例如麼地道皇后山紅碼呢類個範圍係長條型或者係三角型嘅其實用返平行式可能出到嚟個結果係更差。 本帖最後由 noname617 於 2021-10-1 21:25 編輯
ATSE40 發表於 2021-10-1 20:49
其實都要睇返用嚟做公共交通設施嘅位有幾多嘅，例如麼地道皇后山紅碼呢類個範圍係長條型或者係三角型嘅其實 ...
咁荃西呢隻長條鋸齒又點睇呢！定機場果隻圍邊鋸齒善用d呢？
近代鋸齒都有幾隻，房署的水泉澳邨，嘉里的紅磡紅鸞道，港鐵康城站，市區重建局的新觀塘裕民坊總站，葵芳南總站，高鐵西九龍站
noname617 發表於 2021-10-1 20:53
咁荃西呢隻長條鋸齒又點睇呢！定機場果隻圍邊鋸齒善用d呢？
荃西個設計係唔預人喺路面入 所以月台喺中間而行人就經扶手電梯從樓上（商場／行人天橋）或者樓下（西鐵站）進入
相反GTC個設計係預人喺路面入 所以月台圍邊方便行人唔需要橫過馬路
本帖最後由 HY1012 於 2021-10-2 01:17 編輯
近年新總站, 得新裕民坊, 新北角碼頭同啓德郵輪碼頭叫做好.而駿洋邨同康城都ok啦,
其他總站一係擺街無規劃 (例如東涌區同啓德區新總站), 一係就太細, 滿足唔到太多線
HY1012 發表於 2021-10-2 01:16
近年新總站, 得新裕民坊, 新北角碼頭同啓德郵輪碼頭叫做好.而駿洋邨同康城都ok啦,
其他總站一係擺街無規 ...
新裕民坊果站都叫好？直頭垃圾級代表。
作為區內大站，可以因為個站得一個出入口，
而搞到中途線封裕民坊寧願泊街都唔入總站。
仲要成個 PTI 的士站又無個，小巴站連鮮風都唔夠。
駿洋邨果個站仲好笑，細到唔夠做要將條小巴坑改做巴士坑，
都明知條邨想將山尾街、穗禾苑既巴士兜晒落去，可以連總站坑都唔夠。
荃灣西站偏偏好多人喺連接海貴路果邊消防通道橫跨馬路進出，咁耐以黎都未出過大意外算好彩。
一個PTI設計得好唔好視乎有無預計人流走向，無話邊款PTI設計最適合，
亦都好睇PTI入面啲路線有無多過一間巴士公司營運，但如果整個凹位擺街就當總站以新規劃地區就接受唔到。
啟德遊輪碼頭除左有蓋根本同擺街無分別，而且位置遠離出境大堂，以營運角度黎講絕對唔理想，反而小巴就可以擺後面。
GTC因為人流大部份都係由站長室果邊而黎，所以先突顯唔到橫過馬路缺點，只係車長泊完車先要過馬路。 邊有設計可言。好似啟德/安泰等新區/新何文田總站等，路邊巴士站就當總站，細到喊出黎。有啲甚至係巴士站+總站一齊，完全無規劃可言。 海達邨總站好似係臨時性質:o 自從幾年前審計署插完運吉之後
基本上所有新總站一係細到趴喺度，一係就直接泊街
好符合一般公務員「少做少錯，唔做唔錯」嘅理念