keilingha 發表於 2021-10-26 00:05
因為未通到關,無旅客補貼,條數計唔掂咪唔開咁密.
咁又解釋唔到星期五六晚點解可以加到，唔同嘅係客源唔同：
星期五晚一般係 happy friday 放工後去蒲；
星期六晚返六日嘅打工仔會去蒲，或者趁放假去玩去家庭聚會，總之乜人都有
星期日晚去玩去聚會嘅人更多，有啲家庭請開工人，工人放假而本身係無飯家庭/唔想煮飯，唯有出街解決
相比下星期五六晚嘅客源更加受防疫限制影響，星期日晚嗰啲家庭可能係真係有需要，難度港鐵認為佢哋唔係人？
我自己而家見星期五依然最多人，星期日或紅日唔算特別多，同星期一至四相若，但星期六晚人係少咗
所以星期六日晚可以一齊用番星期一至四晚嘅班次，成個星期圍起上黎應該OK，就得屯馬係會出多咗車
Ricky403 發表於 2021-10-27 18:48
我自己而家見星期五依然最多人，星期日或紅日唔算特別多，同星期一至四相若，但星期六晚人係少咗
所以星期 ...
都要睇夜晚幾多點同咩地方，如果夜晚十點後或者旺角尖沙咀等購物旺區就應該你啱，星期五晚人流高峰比較夜
但星期日紅日晚旺嘅地區相對分散，至少有部分係由大嶼山西貢等偏遠郊區返嚟再食埋飯嘅人，雖然話分散，加埋嘅搭車人流同星期五晚不相伯仲
我都發現疫情後星期六晚好似冇咁多人，唔知點解？不過唔計旺區，夜晚一定星期日最多人，特別日子例如父母親節更多，但食完要趕返屋企，所以一過十點即刻靜晒，而星期一至四類同，都係第二日要返工
keilingha 發表於 2021-10-26 00:05
因為未通到關,無旅客補貼,條數計唔掂咪唔開咁密.
都唔係咩旅客, 純粹係羅湖落馬洲站啫
而家巴士係咁縮班, 郁啲就減到25分鐘
佢都唔驚會因為太疏而趕客落巴士, 咪 cut 到盡囉
gsrc0525 發表於 2021-10-27 21:46
都要睇夜晚幾多點同咩地方，如果夜晚十點後或者旺角尖沙咀等購物旺區就應該你啱，星期五晚人流高峰比較夜 ...
你都識講，第二朝要返工，所以星期日夜晚不嬲都唔係最多人，就算疫情前都一樣。
KelvinSJ743 發表於 2021-10-28 13:15
荃灣線星期六晚上而家減到 7.5-8 分班整體少咗十幾班
在 1600-1830 加密番
印象中星期六晚最疏同星期日都係6分鐘一班，何來7.5-8分鐘一班？幾時嘅事，係咪上年再減過一排自己又唔知？
teddybus 發表於 2021-10-28 14:52
你都識講，第二朝要返工，所以星期日夜晚不嬲都唔係最多人，就算疫情前都一樣。 ...
其實香港都有大把人，尤其一家大細，星期日紅日夜晚先會出街食飯，因為星期一至六屋企有工人煮飯，不過個個都識做，唔會好夜先返屋企，以免影響第二日返工返學
我只係想講，星期日夜晚唔同時段差距其實大，十點後（尤其過十一點）搭車人流快速下降，甚至少客過星期一至四，所以照行6分鐘冇問題，如成個夜晚計當然唔係最多人，但九點幾呢啲晚飯後散水時間，絕對可以媲美星期六甚至星期五晚
本帖最後由 keilingha 於 2021-10-28 17:57 編輯
睇嚟應該都係溫水煮蛙嘅一種，疫情前港鐵一直都要維持良好服務形像，所以唔會減得咁離譜，周末晚上市區綫及馬鞍山綫仍然維持 5 分鐘一班。但係疫情發生咗，客量大減兼收益大受影響，港鐵有藉口名正言順減班，到呢家市民習慣咗，港鐵咪加返少少討好乘客，再用一大堆理由嚟掩班次仍然疏落嘅原因，然後大家無咗件事 。