建議 57M/60M/61M/66M 重組
本帖最後由 tonychow 於 2021-12-3 12:55 編輯現時四線存在不少問題：
57M 走線覆蓋率不足，引致客量太低
60M 市中心段因有 58M 67M 競爭，客量亦不足
61M 豐景園 - 市中心段過長
66M 未能覆蓋荃灣 - 葵芳
因此，我建議以下重組，大致走線如下
57M: 屯門站 - 大興 - 鳴琴路 - 荃灣 - 葵芳
60M: 三聖 - 置樂 - VIP - 荃灣 - 荃灣西
61M: 市中心 - 豐景園 - 下路 - 荃灣 - 茘景
66M: 山景 - 鳴琴路 - 荃灣
57M: 屯門站開出後經震寰路、大興總站後按照 66M 走線至鳴琴路，再沿 57M 原線至茘景北；回程相若，到達石排頭路後轉右返回屯門站
用車 +2，班次不變，增設屯門站 - 青雲路沿線分段收費，另震寰路按小巴站沿途停站
60M: 三聖開出，經青山公路至屯門官立中學，左轉至安定，再返回沿線至愉景新城，後沿 234A 走線至荃灣西站
回程相若
收費：$10，另有 $8.9 分段設於屯門官立中學及大河道
用車 +3，班次不變，另增設區內分段收費，總站車泊 261 雙坑
61M: 市中心開出，經安定、友愛南總站、三聖後返回原線，回程相若
用車 -2
66M: 縮短至山景總站，全日 30，用車 -4
支持60M、61M改動，但57M屯門站後兜大圈先至上highway，會唔會太慢？另外市中心得返下路慢車同埋行去搭58M，都唔太理想。山景亦都唔見得會支持自己總站條M線縮短同埋cut到30分鐘一班。
與其57M兜大圈、66M縮短陰乾，我反而覺得可以改為57M延長至大興，來回程繼續繞經山景總站，並加密班次，然後取消66M。即係
57M: 大興 - 山景 - 鳴琴路 - 荃灣 - 葵芳
大興變咗要兜但係全日有直車去葵芳，山景就失去總站吉車但係班次密咗。
至於屯門站同埋市中心補位，我傾向開條屯門站 - 市中心 - 荃灣嘅新路線，市中心後經屯興路直上highway唔經VIP區，提供20-30分鐘一班嘅基本M線接駁服務。 本帖最後由 tonychow 於 2021-12-6 11:34 編輯
757 發表於 2021-12-3 22:10
支持60M、61M改動，但57M屯門站後兜大圈先至上highway，會唔會太慢？另外市中心得返下路慢車同埋行去搭58M ...
留意返其實市中心本身唔係好多客，特別係回程，過咗安定之後落剩好少人
如果只係屯門站，其實只係慢 <5 分鐘，特別係屯門站 - 安定呢段燈位好多；但係本身班人去葵興芳，搭鐵唔係特別慢，而出荃灣嘅話架西鐵出到荃灣西，架 60M 分分鐘都未到轉車站 :L
加上有一部分客源係喺大興花園、卓爾居一帶行過去；所以真係輸咗嘅其實只係市中心總站一帶，但係行去搭 58M 甚至 67M 都唔係特別遠
市中心個問題係太近西鐵，除非班次谷到好密，否則都係唔快，但要密車自然要其他區兜市中心上公路，唔係特別理想嘅做法，除非屯官中同華都兩站可以放走 67M，令 67M 可以市中心尾站上公路，但屯官中本身客量高﹐而且仲有區內流水客；反而安定以南，本身近公路出入口，落荃灣西同輕鐵轉西鐵比係有優勢，偏偏巴士公司又唔做
當然你仲可以話不如等我條 60M 學 52X 咁樣兜屯市總站，但咁對置樂就會太慢了，可能都係行咗去屯官中搭 67M 算數
至於山景...其實本身條 57M 都無咩客，你可以話咁樣重組對山景而言無 so，但係起碼葵芳線可以入埋大興屯門站，係唔減班甚至將來加班嘅保證
而你同我嘅方案嘅差別只係條線係咪去埋屯門站同兜唔兜總站，但再兜總站就會輪到大興再慢咗
當然你心水清會發現我慳咗 1 架車，用呢 1 架車再拆線俾市中心，亦無話唔得
頁:
[1]