本帖最後由 KW2523 於 2022-2-19 16:54 編輯
S3BL100 發表於 2022-2-17 22:41
之前唔為意你既建議添⋯
不過咁，我傾向認為 797 喺偉業街已經係泥足深陷，要抽剩一班車未必咁易。問題 ...
觀塘今時今日人流都唔少, 但海濱而家都係得上下繁先有客, 實在唔值得做
33返放工時間外拍蚊, 結果前者開週末嘅時候另外拆線行返觀塘道
去市區嘅14X近期跌咗唔少客, 反方向215X偉業街兩個站亦唔多人
當然, 成條797直接拎走留低一班車係有高闖關成份
S3BL100 發表於 2022-2-18 22:46
797 尖東段做到既流水比起 796X 更多
新797所做嘅九龍流水同796X根本唔同，無類比性。
796X而家嘅流水只有15係真係競爭緊，
但而家走晒入觀工九工、啟德、下路，
215X/14X/11B/5C一大堆路線爭，797有咩咁吸引？可能同20A同一下場。
同埋九工觀工非繁時段真係咁多客，多到撐到一條15分鐘嘅慢線？當行緊大路，車速有競爭力嘅15載客量未超過七成嘅時候，唔覺得797咁樣兜會吸到客。
同埋咁樣改797係嫌796X慢？
其實條797改到不倫不類下，行車時間同原796X都冇乜分別。
xdxd 發表於 2022-2-19 20:41
新797所做嘅九龍流水同796X根本唔同，無類比性。
796X而家嘅流水只有15係真係競爭緊，
但而家走晒入觀工 ...
如果你係講緊 15 做緊果堆上路 <-> 紅磡流水，796X 縮落紅磡碼頭一樣做得返。甩走左既係上路尖咀流水，但本身仲有 5 5A 26 競爭，並唔係無競爭
反而下路無鐵，跨區流水會比起上路好做就真
而且 215X 14X 11B 幾乎無一條同我建議既 797 上車站位相同，如果咁都算「一大堆路線爭」，但上路堆 5 5A 26 就唔計，我覺得有少少雙重標準囉:L
但實情係土瓜灣段下路無觀塘車，要行去上路或者碼頭搭；觀塘商貿區無紅土車，尤其是碼頭，行出最近站位都有一段距離。797 食得正既話吸引力好大。14X 既例子說明，商貿區去其他商貿區，就算係非繁，都有一定需求
我唔係話商貿區有好多客，但本身無其他直接競爭得來，亦真係有能力𠝹走 11B 14 15 215X 297 等線一定數目需求，會比起 20A 呢類特登走去同紅鬼同站搶客不成既例子，好做好多
KW2523 發表於 2022-2-19 16:45
觀塘今時今日人流都唔少, 但海濱而家都係得上下繁先有客, 實在唔值得做
33返放工時間外拍蚊, 結果前者開週 ...
33 未至於完全拍蚊，非繁觀塘商貿區一個站都上到四五個客，唔算好差
當然我個人認為 14X 33 應該對調走線，但呢樣係後話
而且我唔認為條條線都需要行大路，分散開來畀唔同位置乘客自行選擇合適路線同站位上車仲好。再者唔係只睇非繁，而係睇兩繁加埋。反正 797 抽唔走偉業街，開發相對有潛力既新巿場都係一條出路
boco1211 發表於 2022-2-19 16:14
貿貿然抽走 796X 係九龍段嘅流水，換 797 去做尖東好似有啲講唔通，係 796P 唔係全日嘅情況下，去尖沙咀會 ...
796P 已經做晒最多客去尖沙咀既時段
無錯九龍灣去土瓜灣紅磡，除左 797 仲有 297 608 競爭；但反方向 797 行紅磡道同下路，無其他直接競爭。而九龍灣商貿區去尖沙咀，最多人果忽更加係無車坐；如果係九巴，最大機會都係 224X 單向好似 101X 咁兜入去，但現有資源下最多都只能做兩繁
而觀塘商貿區去尖沙咀，14X 係勵業街後先有得坐，雖則我之前有建議過 14X 來回改行偉業街、停觀碼，同 33 對調走線
多唔多客係一件事，重組前後成組線加埋做到幾多客先係重點；而 797 改完後係會有相當明顯既雙向客源
不如796P拉入工業邨加全日，796X縮返入將軍澳站，797開新客源
幾點想回應下:
1) 同意 797 九龍段改線，同返 796X 整合，令 796X 唔駛再去工業邨，因為新巴個 big picture 係 795 / 795X 全日化，到時會有 795X 做工業邨流水。不過 797 新界段走線個人認為唔應該擺將工，首先 797 係要在環保大道同 98 鬥搶轉乘客，冇理由為左個冇客的康城站總站，而倒走晒環保大道堆客，而且未來環澳路通車，維持現有走線先有藉口踩入去 LP6 的迴旋處掉頭加站，擺將工兜康城站做唔到呢樣野。相反，抽走左 796X 係要補償工業邨來往紅土同尖沙咀，做法可以係 797 出城方向 17:00 後，以及入城方向 12:00 前，不在駿昇街掉頭，而係兜工業邨一圈。
2) 796X 在 796P 全日服務之前，不宜縮短至紅磡紅鷥道。先不計宜家 796X 每班車都大約做到 10 - 15 個客的九龍流水，成個 調景嶺、尚德、將軍澳站 在 17:00 後就冇車直達尖東，呢個問題係有必要處理，總不能叫佢地搭 MTR 或者上將轉轉 797。建議 796X 維持尖沙咀東總站，但往將軍澳站方向，12:00 後 (796P 服務時段)，總站開出後經漆咸道南及機利士南路隧道，直接前往家維邨分站，同時考慮加設觀音街分站。
3) 796X 將站開車走線問題，將站開車經寶盈怡明富康返去尚德，依然做唔到capri同入境署/政府合署，對海天晉/天晉III站位都唔算方便，將站車程都有增加的問題，以及呢個行法會有同 796P / 795 / 795X 停對面站位的問題。有冇可能可以借呢個機會，改善 796X 將南的走線?
4) 797 九龍走線問題，在 795 / 795X 全日化的 big picture 下，將南/康城/工業邨 來往 九商，已經有 795 做，797 有冇必要繼續途經九商? 797 飛唔甩觀商已成既定事實，但九商又有冇可能唔做? 以及承啟道其實唔快，支支燈都係唔順燈，608 來往兩邊其實都要成 10 分鐘，797 仲要行埋觀商九商，事實上去紅土真係欠缺吸引力，會唔會至少考慮單邊行返機隧，甚至同 796P 作進一步整合，專心做觀商/紅土/尖沙咀? 在 797 停九商承啟道的框架下，796P 應該要維持康城站做總站，對新巴資源運用來說未必係最 optimal。
5) 797 與 未來 啟德-尖沙咀 招標線，以及 297 / 608 等路線仍然重疊，新蒲崗可以無補償斬走的原因是與新的 觀塘-鑽石山 招標線有關?
6) 796X 回程飛橋只係停到景泰街，九龍城以及譽港灣只會有 795 服務，這個問題會否影響 795 新巴希望增加入九商班次的部署?
2076 發表於 2022-2-21 16:40
幾點想回應下:
1) 同意 797 九龍段改線，同返 796X 整合，令 796X 唔駛再去工業邨，因為新巴個 big picture ...
先感謝詳盡回覆。
1. 唔太同意，一來康城站好難放棄，但二來亦無乜理由因此而令紅土得返個別時段有車入工業邨，尤其是工業邨唔只係得上下繁先有人返放工。797 擺工業邨、兜康城站算係折衷做法，尤其是康城站直出，未必完全無吸引力
2. 796X 縮短入紅磡既台詞就係要減車畀 797 拉長，其實如果變成尖東總站直出漆咸道、加士居道，都係大半個尖東做唔到。796P 只開單向時段，另一個方向需求的確好有限；反正而家全日至少都有其中一個方向開緊，必要時將尾車延長至 1900，甚至反方向頭車提早到 1000，要增加既資源其實都好有限，可以考慮
3. 呢個問題難搞。我建議既走線係減少食燈，將軍澳站出站另一個選擇係行
唐德街、唐賢街、至善街
返回建議走線，即唔行唐俊街。但返將軍澳站方向，諗唔到其他合適走線
4. 797 另一個重點係九龍灣，尤其是有 MegaBox 前提下，將軍澳往來九龍灣會比起往來觀塘商貿區更好做。加上根據 B2 版特工帖子猜測，795 似乎只會有幾班車入九龍灣，797 有必要繼續全日入去。當然我同意走線對觀商往來紅土尖沙咀走線未必好吸引，但最大優勢係站位。另一方面，我唔期望九商會食到好多 297 608 往來紅土乘客，但九商往來尖沙咀係有用的
5. 無錯，另一個原因係假假地仲有 796X 單向同 795 刷邊做將軍澳往來新蒲崗
S3BL100 發表於 2022-2-19 23:01
如果你係講緊 15 做緊果堆上路紅磡流水，796X 縮落紅磡碼頭一樣做得返。甩走左既係上路尖咀流水，但本 ...
我諗我講得唔好,上路尖咀(即5/5A/26)都關796X事，喺度道歉先:L
但我唔認同下路流水好過上路。
冇錯下路冇鐵，
但紅磡核心有15、恒生(鴻褔街)對面就係D出口，偉恒昌、十三街就有11B，最多客位算有服務，797要突圍有些微難度，
尤其是797東行係冇經紅磡大位,變相唔似其他紅土線咁有得serve晒兩區。
的確下路冇觀塘車，但紅土-觀塘本身就服務過剩，11X/14/14B/15/15X/17再加九商297根本就要執過，而家插多條797只係令市場更加亂，頹線繼續頹落去…
西行就難講，始終5C密但797行紅繞，拉勻就應該會快過5C少少…?
另外就係兩個商貿區非繁有幾多客係一個疑問，
話就話14X海濱道/297喺九商有客，但797咁樣行勻觀商九商啟德，對紅土尖沙咀客吸引力唔高，
同時，紅土-將工車程此消彼長，其實未必快好多，未必過繼到晒原本796X啲客，
我個人認為，797其實同開線初期嘅22M合併，去到九龍城已經OK，
而家師兄咁改，做尖東-九商、土瓜灣-九商觀商-將工康城三組客源都未必真係撐到15分鐘一班嘅797…
本帖最後由 S3BL100 於 2022-2-22 23:09 編輯
xdxd 發表於 2022-2-22 22:35
我諗我講得唔好,上路尖咀(即5/5A/26)都關796X事，喺度道歉先
但我唔認同下路流水好過上路。
其實 796X 後半段下路已經同 5C 爭緊前往尖沙咀既乘客，如果你要比較 797 vs 5C，而家已經有得比，但我唔認為呢個係重點
如果你要比較上路同下路前往觀塘既服務，好明顯上路係多好多
至低限度上路有齊 14 15 101 同半條 11X 15X，但半條下路的確係真空
我又覺得 797 東行唔做你口中既「大位」其實唔係問題，一來至低限度食正黃埔同紅磡邨，而且走線有少少近似捷輝執笠前傳聞向運署建議過既新小巴線走線；二來 797 走線並無同其他現有巴士線太多重疊，但又足以好大程度上填補現有服務空缺，𠝹走其他現有競爭對手既部分乘客，呢個係成件事既重點
我同意 797 西行走線未必好吸引，但一來吸引之處係站位更方便商貿區，二來無得唔做九龍灣；至於東行，因為道路網設計問題，都無其他明顯更快走線
如果你建議 797 跟 22M 去九龍城調頭，我可以好肯定，基本盤肯定比起我個建議少一大截。唔好以為無左一堆 14 15 競爭就好似無事，實際上九龍城調頭，替代品更多，講緊係九龍城往來將軍澳、九龍灣同觀塘都有齊同站替代品
所以你呢點既思維係有少少奇怪，驚太多替代品搞到唔夠客，就走去做更多替代品、潛在客源更少既路段⋯