咩前提下你會支持巴士路線臨時合併行走？
本帖最後由 流星☆雨 於 2022-2-20 18:18 編輯近日減班同提早尾班車都愈見嚴重，大部份路線夜晚8點之後都要開30甚至更疏
個別巴士路線臨時合併行走，會唔會係減班縮時之外另一個出路？
個人認為巴士路線臨時合併行走有幾個前提：
1. 政府限制措施 預計至少持續到 5月
>>如果疫情/限制措施唔會持續太耐，做得嚟都嘥氣
>>會持續幾耐，就關乎公共衞生以至政治
2. 合理班次:
- 合併行走後，所有需要轉車嘅路線都應該做到最疏15(骨幹路線)/20(一般路線)分鐘班
- 大部份有合併行走嘅不需轉乘路線都應該做到最疏15/20分鐘班，個別需求較低者就最疏30分鐘班
>>以免令乘客要喺巴士站等太耐，耽誤行程及增加感染風險
3. 大部份情況下，乘客需用嘅行車時間(唔計等車)增加不多於15~20分鐘
>>確保合併行走對乘客及巴士公司都有合理效益
4. 必須確保巴士公司App及ETA能夠顯示臨時改動下嘅班次情況
>>以便乘客計劃行程 如果68X、268X過2000後，臨時合返做未分拆前，一條線由佐敦碌到去美孚，
班次15/20分鐘一班，
大家又認為如何？
*大角咀會變左真空，
但一來入夜後大角咀根本就唔多人，
二來勉強仲有條265B俾人去欖隧轉。 愉景灣 1號同6號都好似臨時合併咗行，但人哋連ETA都冇喎 最簡單做法是提早日間線收車時間
利用通宵線提早頭班車填補服務區域 合併得嘅，一係就替代品多嘅流水線，一係就一邨一線，再唔係就係早年拆出嚟嘅線。
對臨時合併冇乜意見。不過，假如巴士公司發現合併咗好似慳到錢，有可能疫情過後都唔會恢復。到時嘈上海庭道16樓都冇用。 AVBWU291 發表於 2022-2-20 19:49
合併得嘅，一係就替代品多嘅流水線，一係就一邨一線，再唔係就係早年拆出嚟嘅線。
對臨時合併冇乜意見。不 ...
我更擔心如果堅持要巴士公司20:00後唔臨時修改行車路線 / 合併路線，
過多幾年巴士公司要瘋狂加價，
大家喊都無謂。
AVBWU291 發表於 2022-2-20 19:49
合併得嘅，一係就替代品多嘅流水線，一係就一邨一線，再唔係就係早年拆出嚟嘅線。
對臨時合併冇乜意見。不 ...
若然疫後客量繼續欠佳而咁做可以維持到合理班次而行車時間冇大幅增加嘅話我又唔介意喎
好似 101/111 咁 23:30 - 00:30 新巴時段基本上前後腳到
條 101 兜彩虹道做到 12-15 嘅話，觀塘道又唔洗等咁耐彩虹道又冇輸，新巴自己又用少咗車
況且都唔係完全冇呢類合併玩法行緊，置富 37AB 收車後靠 7 號做曬，赤柱 6 + 66 二合一，真係有 so 巴士公司唔洗等今日先諗得出
KE7066 發表於 2022-2-20 20:49
若然疫後客量繼續欠佳而咁做可以維持到合理班次而行車時間冇大幅增加嘅話我又唔介意喎
好似 101/111 咁 2 ...
如果價錢上冇收貴到，應該反對聲音唔會太大嘅。