qunow 發表於 2022-6-1 05:29

北港島線可否改為南港島線東段/東大嶼線伸延?

本帖最後由 qunow 於 2022-6-6 08:08 編輯

之前有人話港鐵唔想將將軍澳線伸延一個站去到會展就算,因為去金鐘啲客會跌落KCR網絡,減少自家網絡收益,咁掉返轉由金鐘站經會展、維園伸延到北角點計?南港島線一定都係屬於MTR,雖然會展至金鐘要挖多條隧道,但維園個站整三至四卡長就搞掂,對告士打道嘅影響同成本一定低過八卡長度。運力都低咗,但本身灣北就冇咁多需求,可以三四卡應該夠處理九龍東往返維園海旁、金鐘、南區加埋嘅乘客,將條線嘅目標集中喺處理分流將軍澳線往港島乘客,並且透過北角要再轉車嚟逼返本身東鐵線去東區嘅客落返港島線,同埋避免將軍澳乘客去旺角落會展站轉車最快,浪費過海段運力嘅情況。

qunow 發表於 2022-6-5 11:32

20160424 發表於 2022-6-5 10:03
你要唔要改TOPIC或者另外開個POST討論下?不過目前都係無咩新消息.呢條鐵定位人工島先係主人家,新界西係 ...

問題係,而家首先唔知道條東大嶼線係咪真係獨立成線定係就咁拉港島線過幾次海,甚至有人話不如索性用前海去洪水橋條城際拉落嚟,而東大嶼島上面點樣規劃有幾多居民會近鐵路站又有幾多工商業設施全部唔知,連個島係咩形狀都只係得個大概,好難定個題目出嚟討論

不過唯一知道嘅應該就係,東大嶼去觀塘九龍灣商業區要轉兩次車。個計劃將東大嶼駁九龍條線放到較後期,而且睇個勢應該都係落到大圍經美孚俾客轉車之後就入東大嶼。美孚同大圍駁屯馬線東鐵線荃灣線都要再轉多次車先去到觀塘線去觀塘九龍灣。至於經港島嘅話,如果條東大嶼線淨係去到堅尼地城,咁就算北港島線用換線方案都係要轉兩次車。用東將合併或者交匯方案嘅話要轉三次車。如果東大嶼線直接由港島線拉到屯門嘅話可以轉少次車,但東大嶼去港島東九龍東嘅客會同中環金鐘等等一帶去港島東九龍東嘅客疊埋晒一齊喺舊線度,就算有北港島線都分流唔到,因為唔經金鐘,中環只做到海邊。南港島兩條線分別駁去金鐘同堅尼地城又係只能夠倒落舊線。

一係索性東大嶼線去到堅尼地城之後,一路沿山直行到中環南,再食咗沙中線中環南去金鐘個線位,之後跟我一開始喺#1咁寫駁去將軍澳線,甚至直通埋。東涌線乘客同交匯方案一樣,照可以唔駛行香港站都能夠轉一次車就去到港島東,不過係喺欣澳轉。大西北去港島東可以改去屯門區轉。咁嘅話北港島線可以照有八卡。同時因為西鐵大西北段同東涌線青衣站去鰂魚涌嘅搭車方向調轉,都可以舒緩埋西鐵同東涌線繁時繁忙方向運力需求。

jacky03 發表於 2022-6-1 09:10

3卡車夠做?

jchu3420 發表於 2022-6-1 09:56

本帖最後由 jchu3420 於 2022-6-1 10:01 編輯

如果將北港島綫金鐘站取代添馬站又可唔可行?即係東涌綫同將軍澳綫嘅總站都係金鐘,金鐘站變成六綫交匯並有齊所有過海鐵路
原添馬站只興建機場快綫掉頭路軌

cruisesnet 發表於 2022-6-1 10:55

北港島線係為左延長現有路線去一D好多人用既區間分流, 延去香港仔無咩用Lor

jacky03 發表於 2022-6-1 11:04

jchu3420 發表於 2022-6-1 09:56
如果將北港島綫金鐘站取代添馬站又可唔可行?即係東涌綫同將軍澳綫嘅總站都係金鐘,金鐘站變成六綫交匯並有 ...

咁做金鐘站真係每日people mountain people sea了

tonyng 發表於 2022-6-1 12:15

北港島線在分流上有兩個主要目的:
(1) 把將軍澳線西行乘客分流至港島北的新車站(例如會展)
(2) 把東鐵南行乘客分流至北港島線東行(直達鰂魚涌是重點)

顯然把南港島線延長至北角並不能有效處理(2)的需要。

sd4552 發表於 2022-6-1 12:55

金鐘站南港島線月台係呈東北-西南走向,而非呈西北-東南走向,可能係遷就東鐵月台走向(亦有可能係預留延長至灣仔區或跑馬地),同埋月台較窄,未必可以承擔北港島線作用。

eternalflame 發表於 2022-6-1 13:42

jchu3420 發表於 2022-6-1 09:56
如果將北港島綫金鐘站取代添馬站又可唔可行?即係東涌綫同將軍澳綫嘅總站都係金鐘,金鐘站變成六綫交匯並有 ...

諗清楚條定線可以點行先

Man@MFHK 發表於 2022-6-1 14:20

要搞不如直接南港島線西段做埋啦。

s3n370 發表於 2022-6-1 15:16

維園起個細D嘅站,但換來北角要起多組月台
一來一回應該無so。
頁: [1] 2 3 4 5
查看完整版本: 北港島線可否改為南港島線東段/東大嶼線伸延?